ಹಿಂದೂ ಧರ್ಮದಲ್ಲಿ ಅತ್ಯಂತ ಪವಿತ್ರವಾಗಿ ಆಚರಿಸಲಾಗುವ ಹಬ್ಬಗಳಲ್ಲಿ ಮಹಾಶಿವರಾತ್ರಿ ಪ್ರಮುಖವಾದುದು. ಈ ದಿನವನ್ನು ಶಿವ ಮತ್ತು ಪಾರ್ವತಿಯ ವಿವಾಹ ಮಹೋತ್ಸವದ ದಿನವೆಂದು ಕರೆಯಲಾಗುತ್ತದೆ. ಅಷ್ಟೇ ಅಲ್ಲದೆ, ಮಹಾಶಿವರಾತ್ರಿಯ ರಾತ್ರಿಯಂದು ಶಿವನು ಆನಂದ ತಾಂಡವವಾಡಿದ ದಿನವೆಂದೂ ನಂಬಲಾಗಿದೆ.
ಸಾಮಾನ್ಯವಾಗಿ ಪ್ರತಿ ತಿಂಗಳು ಬರುವ ಶಿವರಾತ್ರಿಯನ್ನು ‘ಮಾಸ ಶಿವರಾತ್ರಿ’ ಎಂದು ಕರೆಯುತ್ತೇವೆ. ಆದರೆ ಚಳಿಗಾಲ ಮುಗಿದು ಬೇಸಿಗೆ ಆರಂಭವಾಗುವ ಕಾಲದಲ್ಲಿ, ಅಂದರೆ ಮಾಘ ಮಾಸದ (ಫೆಬ್ರವರಿ ಅಥವಾ ಮಾರ್ಚ್) ಕೃಷ್ಣ ಪಕ್ಷದ ಚತುರ್ದಶಿಯಂದು ಬರುವ ಶಿವರಾತ್ರಿಯನ್ನು ಮಹಾಶಿವರಾತ್ರಿ ಎಂದು ವೈಭವದಿಂದ ಆಚರಿಸಲಾಗುತ್ತದೆ.
2026ರ ಮಹಾಶಿವರಾತ್ರಿ ದಿನಾಂಕ ಮತ್ತು ಸಮಯ
ಶಿವಪುರಾಣದ ಪ್ರಕಾರ, ಶಿವನು ಲಿಂಗರೂಪಿಯಾಗಿ ಉದ್ಭವಿಸಿದ್ದು ಇದೇ ಮಹಾಶಿವರಾತ್ರಿಯ ದಿನದಂದು. 2026ರಲ್ಲಿ ಮಹಾಶಿವರಾತ್ರಿಯ ದಿನಾಂಕದ ಬಗ್ಗೆ ಗೊಂದಲ ಬೇಡ, ಅದರ ನಿಖರ ವಿವರ ಇಲ್ಲಿದೆ
• ಮಹಾಶಿವರಾತ್ರಿ ದಿನಾಂಕ: 15 ಫೆಬ್ರವರಿ 2026, ಭಾನುವಾರ.
• ಚತುರ್ದಶಿ ತಿಥಿ ಆರಂಭ: 15 ಫೆಬ್ರವರಿ 2026ರ ಸಂಜೆ 5:05 ಗಂಟೆಗೆ.
• ಚತುರ್ದಶಿ ತಿಥಿ ಅಂತ್ಯ: 16 ಫೆಬ್ರವರಿ 2026ರ ಸಂಜೆ 5:34 ಗಂಟೆಗೆ.
ಈ ವರ್ಷ 2026ರಲ್ಲಿ ಮಹಾಶಿವರಾತ್ರಿ ಹಬ್ಬವನ್ನು ಫೆಬ್ರವರಿ ತಿಂಗಳಿನಲ್ಲಿ ಆಚರಿಸಲಾಗುವುದು. ಮಾಘ ಮಾಸದ ಬಹುಳ ಚತುರ್ದಶಿ ತಿಥಿಯಂದು ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಈ ವರ್ಷ ಚತುರ್ದಶಿ ತಿಥಿಯು 2026ರ ಫೆಬ್ರವರಿ 15ರ ಭಾನುವಾರ ಸಂಜೆ 5:05 ಗಂಟೆಗೆ ಪ್ರಾರಂಭವಾಗುತ್ತದೆ. ನಂತರದ ಮರುದಿನ, ಅಂದರೆ 2026ರ ಫೆಬ್ರವರಿ 16ರ ಸೋಮವಾರ ಸಂಜೆ 5:34 ಗಂಟೆಗೆ ಮುಕ್ತಾಯವಾಗುತ್ತದೆ. ಆದ್ದರಿಂದ, ಈ ವರ್ಷದ ಮಹಾಶಿವರಾತ್ರಿ 2026ರ ಹಬ್ಬವನ್ನು ಫೆಬ್ರವರಿ 15, ಭಾನುವಾರ ಆಚರಿಸಲಾಗುತ್ತದೆ.
ಮಹಾಶಿವರಾತ್ರಿಯಂದು ಪೂಜೆಗೆ ಅತ್ಯಂತ ಪವಿತ್ರವಾದ ಸಮಯವೆಂದರೆ ‘ನಿಶಿತ ಕಾಲ’ (ಮಧ್ಯರಾತ್ರಿಯ ಸಮಯ). ಆದ್ದರಿಂದ ಈ ವರ್ಷ ನಿಶಿತ ಕಾಲದ ಪೂಜೆಗೆ ಮುಹೂರ್ತವು ಫೆಬ್ರವರಿ 15ರ ಭಾನುವಾರ ರಾತ್ರಿ 11:55 ರಿಂದ 12:56 ರವರೆಗೆ ಇರುತ್ತದೆ ಎಂದು ಪಂಡಿತರು ತಿಳಿಸಿದ್ದಾರೆ. ಇನ್ನು ಉಪವಾಸದ ಮುಕ್ತಾಯದ (ಪಾರಣೆ) ಬಗ್ಗೆ ಹೇಳುವುದಾದರೆ, 2026ರ ಫೆಬ್ರವರಿ 16ರ ಸೋಮವಾರ ಬೆಳಿಗ್ಗೆ 6:42 ರಿಂದ ಮಧ್ಯಾಹ್ನ 3:10 ಗಂಟೆಯ ನಡುವೆ ಪಾರಣೆ ಮಾಡಬಹುದು ಎಂದು ಸೂಚಿಸಲಾಗಿದೆ. ಆದಾಗ್ಯೂ, ಆಯಾ ಪ್ರದೇಶಗಳಲ್ಲಿ ಆಚರಿಸುವ ಪದ್ಧತಿಗಳು ಮತ್ತು ಪಂಚಾಂಗದ ಪ್ರಕಾರ ಅಲ್ಪಸ್ವಲ್ಪ ಬದಲಾವಣೆಗಳಿರಬಹುದು. ಸ್ಥಳೀಯ ಪರಿಸ್ಥಿತಿಗಳನ್ನು ಅನುಸರಿಸುವುದು ಉತ್ತಮ.
ಪೂಜಾ ಮುಹೂರ್ತ ಮತ್ತು ಉಪವಾಸ ಬಿಡುವ ಸಮಯ
ಮಹಾಶಿವರಾತ್ರಿಯಂದು ಪೂಜೆಗೆ ಅತ್ಯಂತ ಪ್ರಶಸ್ತವಾದ ಸಮಯವೆಂದರೆ ಅದು ನಿಶಿತ ಕಾಲ (ಮಧ್ಯರಾತ್ರಿಯ ಸಮಯ).
• ನಿಶಿತ ಕಾಲ ಪೂಜೆ: 15 ಫೆಬ್ರವರಿ 2026ರ ರಾತ್ರಿ 11:55 ರಿಂದ 12:56 ರವರೆಗೆ.
• ಉಪವಾಸ ಬಿಡುವ ಸಮಯ (ಪಾರಣೆ): 16 ಫೆಬ್ರವರಿ 2026, ಸೋಮವಾರ ಬೆಳಿಗ್ಗೆ 6:42 ರಿಂದ ಮಧ್ಯಾಹ್ನ 3:10 ರೊಳಗೆ ಪಾರಣೆ ಮಾಡಬಹುದು ಎಂದು ಪಂಡಿತರು ತಿಳಿಸಿದ್ದಾರೆ.
ಗಮನಿಸಿ: ಪಂಚಾಂಗ ಮತ್ತು ಪ್ರಾದೇಶಿಕ ಪದ್ಧತಿಗಳಿಗನುಸಾರವಾಗಿ ಸಮಯಗಳಲ್ಲಿ ಅಲ್ಪಸ್ವಲ್ಪ ಬದಲಾವಣೆಗಳಿರಬಹುದು. ಸ್ಥಳೀಯ ಪುರೋಹಿತರನ್ನು ಅಥವಾ ಪಂಚಾಂಗವನ್ನು ಅನುಸರಿಸುವುದು ಉತ್ತಮ.
