ಹಲವು ಕಾರಣಕ್ಕೆ 2026ರ ಐಸಿಸಿ ಟಿ-20 ಪುರುಷರ ವಿಶ್ವಕಪ್ ಕ್ರಿಕೆಟ್ ಪಂದ್ಯಾವಳಿ ಈ ಬಾರಿ ಸುದ್ದಿಯಲ್ಲಿದೆ. ಭಾರತ ಮತ್ತು ಶ್ರೀಲಂಕಾ ಜಂಟಿಯಾಗಿ ಆಯೋಜಿಸಲಿರುವ ವಿಶ್ವಕಪ್ ಟೂರ್ನಿ ಫೆಬ್ರವರಿ 7 ರಿಂದ ಪ್ರಾರಂಭವಾಗಲಿದೆ. ಒಟ್ಟು 20 ತಂಡಗಳು ಕಣಕ್ಕಿಳಿಯಲಿದ್ದು, ಪಂದ್ಯಗಳು ಕುತೂಹಲಕ್ಕೆ ಕಾರಣವಾಗಿದೆ.
ಫೆಬ್ರವರಿ 7 ರಿಂದ ಮಾರ್ಚ್ 1ರ ತನಕ ಲೀಗ್ ಪಂದ್ಯಗಳು. ಮಾರ್ಚ್ 4 ರಂದು ಮೊದಲ ಹಾಗೂ ಮಾರ್ಚ್ 5 ರಂದು ಎರಡನೇ ಸೆಮಿಫೈನಲ್ ಪಂದ್ಯ ನಡೆಯಲಿದೆ. ಫೈನಲ್ ಪಂದ್ಯ ಮಾರ್ಚ್ 8ರಂದು ನಿಗದಿಯಾಗಿದೆ.
ಬಿಸಿಸಿಐ ಪ್ರತಿಷ್ಠೆ: 2026ರ ಐಸಿಸಿ ಟಿ-20 ಪುರುಷರ ವಿಶ್ವಕಪ್ ಟೂರ್ನಿಯಲ್ಲಿ ಬಿಸಿಸಿಐ ಪ್ರತಿಷ್ಠೆ ಅಡಗಿದೆ. ಭಾರತವು ಎರಡು ದಶಕಗಳಿಗೂ ಹೆಚ್ಚು ಕಾಲ ವಿಶ್ವ ಕ್ರಿಕೆಟ್‌ನಲ್ಲಿ ಪ್ರಬಲ ಶಕ್ತಿಯಾಗಿದೆ. ಐಸಿಸಿ ಸಹ ಬಿಸಿಸಿಐನ ಹಲವು ತೀರ್ಮಾನಗಳನ್ನು ಬೆಂಬಿಸುವುದು ಭಾರತಕ್ಕೆ ಇರುವ ಶಕ್ತಿಯನ್ನು ತೋರಿಸುತ್ತದೆ.
ಭಾರತ ತಂಡದ ಪ್ರದರ್ಶನಗಳು ಮತ್ತು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ (ಬಿಸಿಸಿಐ) ಆರ್ಥಿಕತೆಯು ಭಾರತವನ್ನು ಕ್ರಿಕೆಟ್ ಜಗತ್ತಿನಲ್ಲಿ ಪ್ರಬಲ ರಾಷ್ಟ್ರವನ್ನಾಗಿ ಮಾಡಿದೆ. ಕಳೆದ ಒಂದೂವರೆ ದಶಕಗಳಲ್ಲಿ ಭಾರತ ಪುರುಷರ ಮತ್ತು ಮಹಿಳೆಯರ ಹಿರಿಯ ಮತ್ತು ಯುವ ವಿಭಾಗಗಳಲ್ಲಿ ಹಲವಾರು ಐಸಿಸಿ ಸ್ಪರ್ಧೆಗಳನ್ನು ಆಯೋಜಿಸಿದೆ/ ಸಹ-ಆತಿಥ್ಯ ವಹಿಸಿದೆ.
ಭಾರತವು 2009ರಲ್ಲಿ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯನ್ನು ಆಯೋಜಿಸಿತ್ತು. ನಂತರ 2011ರ ಏಕದಿನ ವಿಶ್ವಕಪ್ ಅನ್ನು ತವರು ನೆಲದಲ್ಲಿ ಭಾರತ ಗೆದ್ದಿತು. ನಂತರ 2016ರಲ್ಲಿ ಪುರುಷರ ಟಿ-20 ವಿಶ್ವಕಪ್ ಅನ್ನು ಆಯೋಜಿಸಿತ್ತು ಮತ್ತು 2023ರ ಏಕದಿನ ವಿಶ್ವಕಪ್ ಅನ್ನು ಆಯೋಜಿಸಲಾಗಿತ್ತು.
ಮಹಿಳಾ ವಿಭಾಗದಲ್ಲಿ 2025ರ ಏಕದಿನ ವಿಶ್ವಕಪ್ ಅನ್ನು ಭಾರತದಲ್ಲಿ ನಡೆಸಲಾಯಿತು, ಆತಿಥೇಯರು ನವೀ ಮುಂಬೈನಲ್ಲಿ ದಕ್ಷಿಣ ಆಫ್ರಿಕಾವನ್ನು ಸೋಲಿಸಿ ಮಹಿಳಾ ಕ್ರಿಕೆಟ್‌ನಲ್ಲಿ ತಮ್ಮ ಮೊದಲ ಐಸಿಸಿ ಟ್ರೋಫಿಯನ್ನು ಗೆದ್ದರು.
ಈಗ, ಪುರುಷರ ವಿಭಾಗದಲ್ಲಿ, 2029ರ ಚಾಂಪಿಯನ್ಸ್ ಟ್ರೋಫಿಯನ್ನು ಆಯೋಜಿಸಲಾಗುತ್ತದೆ ಎಂದು ಘೋಷಿಸಲಾಗಿದೆ. 2031ರವರೆಗೆ ಏಕದಿನ ವಿಶ್ವಕಪ್ ಆತಿಥ್ಯವನ್ನು ಘೋಷಿಸಲಾಗಿದೆ ಮತ್ತು ಆ ಆವೃತ್ತಿಯನ್ನು ಮತ್ತೆ ಭಾರತದಲ್ಲಿ ಆಯೋಜಿಸಲಾಗುತ್ತದೆ.
ಟಿ-20 ವಿಶ್ವಕಪ್‌ಗಾಗಿ ಭಾರತ ಮತ್ತು ಶ್ರೀಲಂಕಾ 2026ರ ಆವೃತ್ತಿಯನ್ನು ಸಹ-ಆತಿಥ್ಯ ವಹಿಸುತ್ತಿವೆ ಮತ್ತು 2030ರ ಆವೃತ್ತಿಯನ್ನು ಘೋಷಿಸುವವರೆಗೆ ಒಟ್ಟಿಗೆ ಇರುತ್ತದವೆ. ಮಹಿಳಾ ವಿಭಾಗದಲ್ಲಿ ಐಸಿಸಿ 2027ರವರೆಗೆ ತವರು ದೇಶಗಳನ್ನು ಘೋಷಿಸಿದೆ.
19 ವರ್ಷದೊಳಗಿನವರ ವಿಭಾಗದಲ್ಲಿ 2027ರವರೆಗೆ ಆತಿಥೇಯರನ್ನು ಘೋಷಿಸಲಾಗಿದೆ ಮತ್ತು ಭಾರತವು ಅಲ್ಲಿಯವರೆಗೆ ಯಾವುದೇ ಆವೃತ್ತಿಯನ್ನು ಆಯೋಜಿಸುವುದಿಲ್ಲ. 2026ರ ಟಿ-20 ವಿಶ್ವಕಪ್ ನಂತರ ಭಾರತವು ಆತಿಥ್ಯ ವಹಿಸಲಿರುವ ಐಸಿಸಿ ಟೂರ್ನಿಗಳ ಸಂಪೂರ್ಣ ಪಟ್ಟಿಯನ್ನು ಈಗಾಗಲೇ ತಯಾರು ಮಾಡಲಾಗಿದೆ.
ಈ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಅವರ ದಾಖಲೆಗಳು ಏನಾಗಬಹುದು? ಎಂಬ ಲೆಕ್ಕಾಚಾರವಿದೆ. ಕ್ರಿಕೆಟ್ ಪ್ರೇಮಿಗಳು ನೆಚ್ಚಿನ ಆಟಗಾರರು ತವರು ನೆಲದಲ್ಲಿಯೇ ಹೊಸ ಹೊಸ ದಾಖಲೆಗಳನ್ನು ಮಾಡುವುದನ್ನು ಕಣ್ತುಂಬಿಕೊಳ್ಳಲು ಕಾದು ಕುಳಿತಿದ್ದಾರೆ.
