ಮಹತ್ವದ ಬೆಳವಣಿಗೆಯೊಂದರಲ್ಲಿ ಐಸಿಸಿ ಟಿ-20 ಪುರುಷರ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಿಂದ ಬಾಂಗ್ಲಾದೇಶ ಹೊರ ಹಾಕಲಾಗಿದೆ. ಬಾಂಗ್ಲಾದೇಶದ ಬದಲು ಸ್ಕಾಟ್ಲೆಂಡ್ ತಂಡ ವಿಶ್ವಕಪ್ ಆಡಲಿದೆ.
ಇಂತಹ ಬದಲಾವಣೆಯು ಬಹಳ ಹಿಂದೆಯೇ ಅನಿವಾರ್ಯವೆಂದು ಐಸಿಸಿ ಹೇಳಿತ್ತು. ಈ ವಾರ ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ (ಬಿಸಿಬಿ)ಗೆ 24 ಗಂಟೆಗಳ ಗಡುವು ನೀಡಲಾಗಿತ್ತು. ಭಾರತದಲ್ಲಿ ಪಂದ್ಯ ಆಡುವ ಕುರಿತು ತೀರ್ಮಾನಿಸಿ ಎಂದು ಐಸಿಸಿ ಸೂಚನೆ ನೀಡಿತ್ತು.
ಆದರೆ ಐಸಿಸಿ ನೀತಿಗಳಿಗೆ ಹೊಂದಿಕೆಯಾಗದ ಬೇಡಿಕೆಗಳನ್ನು ಬಾಂಗ್ಲಾದೇಶ ಮುಂದಿಟ್ಟಿತ್ತು. ಇದನ್ನು ಹಿಂಪಡೆಯದಿದ್ದರೆ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಎಚ್ಚರಿಕೆಯನ್ನು ನೀಡಲಾಗಿತ್ತು.
ಶನಿವಾರ ಬೆಳಗ್ಗೆ ಐಸಿಸಿ ಅಂತಿಮವಾಗಿ ತನ್ನ ನಿರ್ಧಾರವನ್ನು ಘೋಷಣೆ ಮಾಡಿದೆ. ಕ್ರಿಕ್ಬಜ್ ವರದಿಯ ಪ್ರಕಾರ, ಐಸಿಸಿ ಸಿಇಒ ಸಂಜೋಗ್ ಗುಪ್ತಾ ಔಪಚಾರಿಕವಾಗಿ ಐಸಿಸಿ ಮಂಡಳಿಗೆ ಪತ್ರ ಬರೆದಿದ್ದಾರೆ. ಬಿಸಿಬಿ ಮಂಡಳಿಯ ಐಸಿಸಿ ನಿರ್ಧಾರವನ್ನು ಅನುಸರಿಸಲು ವಿಫಲವಾಗಿದೆ ಎಂದು ತಿಳಿಸಿ, ಬಾಂಗ್ಲಾದೇಶ ತಂಡದ ಬದಲು ಸ್ಕಾಟ್ಲೆಂಡ್ ಅನ್ನು ವಿಶ್ವಕಪ್ನಲ್ಲಿ ಆಡಿಸುವುದನ್ನು ಬಿಟ್ಟು ಬೇರೆ ಆಯ್ಕೆ ಇಲ್ಲ ಎಂದು ಹೇಳಿದ್ದಾರೆ.
ಈ ಪತ್ರವನ್ನು ಮಂಡಳಿಯ ಎಲ್ಲಾ ಸದಸ್ಯರಿಗೆ ವಿತರಿಸಲಾಗಿದೆ ಮತ್ತು ಸ್ವತಃ ಐಸಿಸಿ ಮಂಡಳಿಯ ಸದಸ್ಯರಾದ ಬಿಸಿಬಿ ಅಧ್ಯಕ್ಷ ಅಮಿನುಲ್ ಇಸ್ಲಾಂಗೆ ಸಹ ತಿಳಿಸಲಾಗಿದೆ. ಅದೇ ಸಮಯದಲ್ಲಿ ಸ್ಕಾಟ್ಲೆಂಡ್ ಕ್ರಿಕೆಟ್ ತಂಡಕ್ಕೆ ಔಪಚಾರಿಕ ಆಹ್ವಾನವನ್ನು ಕಳುಹಿಸಿದ್ದು, ವಿಶ್ವಕಪ್ ಅಸೋಸಿಯೇಟ್ ರಾಷ್ಟ್ರಕ್ಕೆ ಪ್ರವೇಶ ಪಡೆಯುವುದನ್ನು ಅದು ದೃಢಪಡಿಸಿದೆ.
ಸ್ಕಾಟ್ಲೆಂಡ್ ಕ್ರಿಕೆಟ್ನ ಸಿಇಒ ಟ್ರುಡಿ ಲಿಂಡ್ಬ್ಲೇಡ್ ಅವರು ಕ್ರಿಕ್ಬಜ್ ಪ್ರಶ್ನೆಗಳಿಗೆ ತಕ್ಷಣ ಪ್ರತಿಕ್ರಿಯಿಸದಿದ್ದರೂ, ದುಬೈ ಮತ್ತು ಎಡಿನ್ಬರ್ಗ್ ನಡುವಿನ ಮಾತುಕತೆಯು ಶನಿವಾರ ಮುಂಜಾನೆ ಆರಂಭವಾಗಿದೆ. ಇದು ಈಗಾಗಲೇ ಕಾರ್ಯಗತಗೊಳ್ಳುತ್ತಿದೆ ಎಂದು ತಿಳಿಸಿದ್ದಾರೆ.
ವಿಶ್ವಕಪ್ಗೆ ಸ್ಕಾಟ್ಲೆಂಡ್ ಸೇರ್ಪಡೆಯನ್ನು ಇತ್ತೀಚಿನ ಐಸಿಸಿ ಟೂರ್ನಿಗಳಲ್ಲಿನ ಸ್ಥಿರ ಪ್ರದರ್ಶನಗಳನ್ನು ಆಧರಿಸಿ ಮಾಡಲಾಗಿದೆ ಮತ್ತು ಅವರು ಪ್ರಸ್ತುತ 14ನೇ ವಿಶ್ವ ಶ್ರೇಯಾಂಕದಲ್ಲಿದ್ದಾರೆ.
2024ರ ಟಿ 20 ವಿಶ್ವಕಪ್ನಲ್ಲಿ ಅವರು ಇಂಗ್ಲೆಂಡ್ ತಂಡದಂತೆಯೇ ಅಂಕಗಳಲ್ಲಿ ‘ಬಿ’ ಗುಂಪಿನಲ್ಲಿ 3ನೇ ಸ್ಥಾನ ಗಳಿಸಿದ್ದರು. ಆದರೆ ರನ್ ರೇಟ್ ಅನ್ನು ಸ್ವಲ್ಪಮಟ್ಟಿಗೆ ಕಳೆದುಕೊಂಡರು.
2022ರಲ್ಲಿ ಸ್ಕಾಟ್ಲೆಂಡ್ ಗುಂಪು ಹಂತದಲ್ಲಿ ವೆಸ್ಟ್ ಇಂಡೀಸ್ ಅನ್ನು ಸೋಲಿಸಿತ್ತು. ಆದರೆ ಮತ್ತೆ ತಂಡ ಪ್ರಗತಿಯನ್ನು ಕಂಡಿರಲಿಲ್ಲ. 2021ರಲ್ಲಿ ಅವರು ತಮ್ಮ ಗುಂಪಿನಲ್ಲಿ ಅಗ್ರಸ್ಥಾನ ಪಡೆದಿದ್ದರು.
ಈಗ ಐಸಿಸಿ ತೀರ್ಮಾನದಿಂದ ಟಿ-20 ಪುರುಷರ ವಿಶ್ವಕಪ್ಗೆ ಸ್ಕಾಟ್ಲೆಂಡ್ ಪ್ರವೇಶ ಮಾಡಲಿದ್ದು, ಬಾಂಗ್ಲಾದೇಶ ಆಡಬೇಕಿದ್ದ ಎಲ್ಲಾ ಪಂದ್ಯವನ್ನು ಸ್ಕಾಟ್ಲೆಂಡ್ ಆಡಲಿದೆ.
