ಕೃತಕ ಬುದ್ಧಿಮತ್ತೆ (ಎಐ) ಮುಂದೆ ಜನರಿಗೆ ವೇಗವಾಗಿ ಕೆಲಸ ಮಾಡಲು ಸಹಾಯ ಮಾಡುವ ಸಾಧನವಲ್ಲ ಎಂದು ಆಂಥ್ರೋಪಿಕ್ ಸಿಇಒ ಡಾರಿಯೋ ಅಮೋಡಿಯ ಹೇಳಿದ್ದಾರೆ. ಇದು ಕೆಲಸವನ್ನು ಸ್ವತಃ ಮಾಡುವತ್ತ ಸ್ಥಿರವಾಗಿ ಸಾಗುತ್ತಿದೆ ಮತ್ತು ಸಾಫ್ಟ್‌ವೇರ್ ಇಂಜಿನಿಯರ್‌ ಇದರ ಸಂಪೂರ್ಣ ಪರಿಣಾಮವನ್ನು ಅನುಭವಿಸುವ ಮೊದಲ ವೃತ್ತಿಗಳಲ್ಲಿ ಒಂದಾಗಬಹುದು ಎಂದು ವಿಶ್ಲೇಷಿಸಿದ್ದಾರೆ.
ದಾವೋಸ್‌ನಲ್ಲಿ ವಿಶ್ವ ಆರ್ಥಿಕ ವೇದಿಕೆಯಲ್ಲಿ ಮಾತನಾಡಿದ ಅಮೋಡಿಯ, “ಎಐ ಏನು ಮಾಡಬಹುದು ಎಂಬುದರ ಬಗ್ಗೆ ಜಗತ್ತು ಇನ್ನೂ ಚರ್ಚೆಯಲ್ಲಿ ನಿರತವಾಗಿದ್ದರೂ, ಉದ್ಯೋಗಗಳು, ಉತ್ಪಾದಕತೆ ಮತ್ತು ಆರ್ಥಿಕತೆಯ ರಚನೆಯ ಬಗ್ಗೆ ಈಗಾಗಲೇ ಏನು ಮಾಡುತ್ತಿದೆ ಎಂಬುದರ ಬಗ್ಗೆ ಸಾಕಷ್ಟು ಗಮನವನ್ನು ನೀಡಲಾಗುತ್ತಿಲ್ಲ” ಎಂದು ಹೇಳಿದರು.
ಸುಧಾರಿತ ಎಐ ವ್ಯವಸ್ಥೆಗಳೊಂದಿಗೆ ನಿಕಟವಾಗಿ ಕೆಲಸ ಮಾಡುವ ಅಮೋಡಿಯು, “ಎಐ ಪ್ರಗತಿಯನ್ನು ಇನ್ನೂ ಸರಿಯಾಗಿ ಊಹಿಸಲಾಗುತ್ತಿಲ್ಲ. ಇದರ ಕುರಿತು ಸಾರ್ವಜನಿಕ ಅಭಿಪ್ರಾಯವು ಮತ್ತು ಭಯ ಬದಲಾಗುತ್ತದೆಯಾದರೂ. ಎಐ ಶಕ್ತಿ ಸಂಪೂರ್ಣವಾಗಿ ಅರಿವಿಗೆ ಬಂದಿಲ್ಲ” ಎಂದರು.
“ಪ್ರತಿ ತಿಂಗಳು ಎಐ ಸ್ಥಿರವಾಗಿ, ಹೆಚ್ಚು ರೀತಿಯಲ್ಲಿ ಸಮರ್ಥವಾಗುತ್ತಿದೆ. ಈ ಪ್ರಗತಿಯು ಎಷ್ಟು ವೇಗವಾಗಿದೆ ಎಂದರೆ ಸಾಫ್ಟ್‌ವೇರ್ ಇಂಜಿನಿಯರ್‌ಗಳ ವೃತ್ತಿಜೀವನವು ಶೀಘ್ರದಲ್ಲೇ ಕಣ್ಮರೆಯಾಗಬಹುದು” ಎಂದು ಎಚ್ಚರಿಸಿದರು.
“ನಾವು ಎಐಗೆ ಹೊಂದಿಕೊಳ್ಳಬಹುದು. ಸಾಫ್ಟ್‌ವೇರ್ ಅಭಿವೃದ್ಧಿಯು ಇದಕ್ಕೆ ಒಂದು ಸ್ಪಷ್ಟ ಉದಾಹರಣೆಯಾಗಿದೆ. ಆಂಥ್ರೋಪಿಕ್‌ನಲ್ಲಿ ಕೆಲವು ಇಂಜಿನಿಯರ್‌ಗಳು ಇನ್ನು ಮುಂದೆ ಕೋಡ್ ಅನ್ನು ಸ್ವತಃ ಬರೆಯುವುದಿಲ್ಲ” ಎಂದು ಅವರು ಬಹಿರಂಗಪಡಿಸಿದರು.
“ಹೆಚ್ಚಿನವರು ಕೋಡ್ ಅನ್ನು ಉತ್ಪಾದಿಸಲು ಇತ್ತೀಚಿನ ಎಐ ಮಾದರಿಯಾದ ಕ್ಲೌಡ್ ಅನ್ನು ಅವಲಂಬಿಸಿದ್ದಾರೆ. ಔಟ್‌ಪುಟ್ ನೋಡಲು, ಪರಿಶೀಲಿಸಲು ಮತ್ತು ಸಂಪಾದಿಸಲು ಮಾತ್ರ ಇಂಜಿನಿಯರ್‌ಗಳು ಬೇಕಾಗಿದ್ದಾರೆ ಎಂಬುದು ಸಾಬೀತಾಗುತ್ತಿದೆ” ಎಂದರು.
“ಎರಡು ವಾರಗಳಿಗಿಂತ ಕಡಿಮೆ ಅವಧಿಯಲ್ಲಿ ಇವುಗಳನ್ನು ನಿರ್ಮಿಸಲಾಗಿದೆ. ಹೆಚ್ಚಾಗಿ ಎಐ-ರಚಿತ ಕೋಡ್ ಅನ್ನು ಬಳಕೆ ಮಾಡಲಾಗುತ್ತದೆ. ಈ ಬದಲಾವಣೆಯು ಸಾಫ್ಟ್‌ವೇರ್ ಇಂಜಿನಿಯರ್‌ಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುತ್ತಿದೆ ಎಂಬ ದೊಡ್ಡ ಸತ್ಯವನ್ನು ತೋರಿಸುತ್ತಿದೆ” ಎಂದು ಹೇಳಿದರು.
“ಈಗ ವೃತ್ತಿ ಜೀವನ ಧೀರ್ಘವಾಗಿರುತ್ತದೆ ಎಂದು ಸಮರ್ಥಿಸಿಕೊಳ್ಳಲು ಆಗದು. ಎಐ ವ್ಯವಸ್ಥೆಗಳು ಹೆಚ್ಚು ಸಂಕೀರ್ಣವಾದ ಕಾರ್ಯಗಳನ್ನು ತೆಗೆದುಕೊಳ್ಳುತ್ತವೆ. ಕಾಲಾನಂತರದಲ್ಲಿ, ಸಂಪೂರ್ಣ ಉದ್ಯೋಗ ವಿಭಾಗಗಳ ಅಸ್ತಿತ್ವವೇ ಕಣ್ಮರೆಯಾಗಲಿದೆ” ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
“ದಶಕಗಳಿಂದ ನಾವು ಅವಲಂಬಿತರಾಗಿದ್ದ ಉದ್ಯೋಗಗಳು ಅಸ್ತಿತ್ವದಲ್ಲಿಲ್ಲದಿರಬಹುದು ಮತ್ತು ನಾವು ಅದನ್ನು ಎಐ ಮೂಲಕ ನಿಭಾಯಿಸಬಹುದು ಎಂದು ನಾನು ಭಾವಿಸುತ್ತೇನೆ. ನಾವು ಅದಕ್ಕೆ ಹೊಂದಿಕೊಳ್ಳಬಹುದು. ಆದರೆ ಇಲ್ಲಿ ಏನು ನಡೆಯುತ್ತಿದೆ? ಮತ್ತು ಅದರ ಪರಿಣಾಮದ ಬಗ್ಗೆ ಜಾಗೃತಿಯನ್ನು ಮೂಡಿಸಿಕೊಳ್ಳಬೇಕು” ಎಂದು ತಿಳಿಸಿದರು.
“ನನ್ನ ಕೆಲವು ಇಂಜಿನಿಯರ್‌ಗಳು ನನಗೆ ನಾನು ಇನ್ನು ಮುಂದೆ ಯಾವುದೇ ಕೋಡ್ ಅನ್ನು ಬರೆಯುವುದಿಲ್ಲ. ನಾನು ಓಪನ್ ಎಐಗೆ ಕೆಲಸ ಮಾಡಲು ಅವಕಾಶ ಮಾಡಿಕೊಟ್ಟೆ ಮತ್ತು ಅದನ್ನು ನಾನು ಪರಿಶೀಲನೆ ಮಾಡುತ್ತೇನೆ” ಎಂದು ಹೇಳಿದ್ದಾರೆ ಎಂದರು.
ಜಾಗತಿಕ ಆರ್ಥಿಕತೆ ಹೆಚ್ಚಿನ ನಿರುದ್ಯೋಗವನ್ನು ಸೃಷ್ಟಿ ಮಾಡುತ್ತದೆ ಎಂಬುದನ್ನು ಅವರು ತಳ್ಳಿ ಹಾಕಿದರು. ಬಲವಾದ ಜಿಡಿಪಿ ಬೆಳವಣಿಗೆಯು ಯಾವಾಗಲೂ ಹೆಚ್ಚಿನ ಉದ್ಯೋಗಗಳನ್ನು ಸೃಷ್ಟಿಸಿದೆ ಎಂದು ಹೇಳಿದ್ದಾರೆ.
“ಕೆಲವರು ಕೃತಕ ಬುದ್ಧಿಮತ್ತೆಯೊಂದಿಗೆ ಕೆಲಸ ಮಾಡಲು ಕಲಿಯುವ ಮೂಲಕ ತಮ್ಮ ಅಸ್ತಿತ್ವದಲ್ಲಿರುವ ಕ್ಷೇತ್ರಗಳಲ್ಲಿ ಕೆಲವು ಬದಲಾವಣೆಗಳನ್ನು ಕಾಣಬಹುದು. ಇತರರು ಸಂಪೂರ್ಣವಾಗಿ ವಿಭಿನ್ನ ಕ್ಷೇತ್ರಗಳಿಗೆ ಹೋಗಬೇಕಾಗಬಹುದು. ಮಾನವ ಸಂವಹನದ ಅಗತ್ಯವಿರುವ ಉದ್ಯೋಗಗಳು ಕಣ್ಮರೆಯಾಗಲಿದೆ” ಎಂದು ಅಂದಾಜಿಸಿದರು.
