ಹೊಸದಾಗಿ ಆರಂಭಿಸಲಾದ ‘ವಂದೇ ಭಾರತ್’ ಸ್ಲೀಪರ್ ರೈಲಿನಲ್ಲಿ ಕಸ ಎಸೆಯುತ್ತಿರುವ ವಿಡಿಯೋಗಳು ಈಗ ವೈರಲ್ ಆಗಿವೆ. ಸಾರ್ವಜನಿಕ ಆಸ್ತಿಯ ಬಗ್ಗೆ ನಮ್ಮ ಜವಾಬ್ದಾರಿ ಏನು ಎಂಬ ಪ್ರಶ್ನೆಯನ್ನು ಇದು ಮತ್ತೊಮ್ಮೆ ಹುಟ್ಟುಹಾಕಿದೆ.
ಕೋಲ್ಕತ್ತಾ-ಗುವಾಹಟಿ ವಂದೇ ಭಾರತ್ ಸ್ಲೀಪರ್ ರೈಲು ಉದ್ಘಾಟನೆಯಾದ ಒಂದು ದಿನದೊಳಗೆ, ರೈಲಿನ ಹೊಸ ಬೋಗಿಗಳಲ್ಲಿ ಕಸ ಬೀಳುತ್ತಿರುವ ವಿಡಿಯೋ ವೈರಲ್ ಆಗಿದೆ. ಈ ವಿಡಿಯೋ ನೋಡಿದಾಗ, ನಮ್ಮ ಪ್ರೀಮಿಯಂ ರೈಲುಗಳಲ್ಲಿ ನಾಗರಿಕ ಜವಾಬ್ದಾರಿ ಮತ್ತು ಸ್ವಚ್ಛತೆಯ ಬಗ್ಗೆ ಇನ್ನೂ ಸಾಕಷ್ಟು ಕೆಲಸ ಮಾಡಬೇಕಾಗಿದೆ ಎಂಬ ಕಲ್ಪನೆ ಬರುತ್ತದೆ.
ಈ ವಿಡಿಯೋದಲ್ಲಿ ಹೊಸದಾಗಿ ಆರಂಭಿಸಲಾದ ಸ್ಲೀಪರ್ ಕೋಚ್‌ನಲ್ಲಿ ಐಸ್ ಕ್ರೀಮ್ ಚಮಚ, ಮುಚ್ಚಳಗಳು ಮತ್ತು ಕಸವನ್ನು ಕಾಣಬಹುದು. ಈ ರೈಲನ್ನು ವಿಶೇಷವಾಗಿ ದೂರದ ಪ್ರಯಾಣಕ್ಕಾಗಿ ವಿನ್ಯಾಸಗೊಳಿಸಲಾಗಿದೆ. ಆದರೆ ಪ್ರಯಾಣಿಕರು ರೈಲಿನಲ್ಲಿ ಕಸ ಹಾಕಿ ದುರ್ವತನೆ ಮೆರೆದಿದ್ದಾರೆ. ಇಂತಹ ನಡವಳಿಕೆಯು ವಂದೇ ಭಾರತ್ ರೈಲನ್ನು ಆಧುನೀಕರಿಸುವ ಉದ್ದೇಶವನ್ನೇ ಹಾಳುಮಾಡಬಹುದು ಎಂದು ನೆಟ್ಟಿಗರು ಅಸಮಾಧಾನ ಹೊರ ಹಾಕಿದ್ದಾರೆ.
ನೆಟ್ಟಿಗರ ಆಕ್ರೋಶ
ವಿಡಿಯೋದಲ್ಲಿರುವ ವ್ಲಾಗರ್, ವಿಡಿಯೋವನ್ನು ಚಿತ್ರೀಕರಿಸುತ್ತಾ, “ಇಲ್ಲೆಲ್ಲಾ ಕಸ ಬಿದ್ದಿದೆ. ಯಾರ ತಪ್ಪು? ಇದು ಪ್ರಯಾಣಿಕರದ್ದೋ, ಸರ್ಕಾರದದ್ದೋ ಅಥವಾ ನನ್ನದ್ದೋ? ಕಾಮೆಂಟ್‌ಗಳಲ್ಲಿ ಹೇಳಿ” ಎಂದು ಕೇಳಿದರು. ವಿಡಿಯೋ ಆನ್‌ಲೈನ್‌ನಲ್ಲಿ ವೈರಲ್ ಆಗಿದೆ. ನೆಟ್ಟಿಗರು ಇಂತಹ ಕೆಲಸ ಮಾಡುವವರ ವಿರುದ್ಧ ಕಠಿಣ ಶಿಕ್ಷೆ ವಿಧಿಸಬೇಕು ಎಂದರು..
ಒಬ್ಬರು ನೆಟ್ಟಿಗರು ಹೀಗೆ ಬರೆದಿದ್ದಾರೆ, “ಭಾರತದಲ್ಲಿ ನಾಗರಿಕ ಜವಾಬ್ದಾರಿ ಸತ್ತಿದೆ. ಜನರು ವಿಶ್ವ ದರ್ಜೆಯ ಸೌಲಭ್ಯಗಳನ್ನು ಬಯಸುತ್ತಾರೆ. ಆದರೆ ಅವುಗಳನ್ನು ಸ್ವಚ್ಛವಾಗಿಡುವ ಬಗ್ಗೆ ಅವರಿಗೆ ಕಾಳಜಿ ಇಲ್ಲ. ದಂಡ ಶಿಕ್ಷೆಗಳನ್ನು ವಿಧಿಸಬೇಕು ಎಂದು ಅವರು ಹೇಳಿದರು.
