ನವದೆಹಲಿ: ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ(ಯುಐಡಿಎಐ) ಇಂದು ಆಧಾರ್ ಮ್ಯಾಸ್ಕಾಟ್ ಉದಯ್ ಬಿಡುಗಡೆ ಮಾಡಿದೆ. ಆಧಾರ್ ಸಂಬಂಧಿತ ಮಾಹಿತಿಯನ್ನು ಹೆಚ್ಚು ಸುಲಭವಾಗಿ ಮತ್ತು ಜನಸ್ನೇಹಿಯಾಗಿ ಮಾಡುವಲ್ಲಿ ಈ ಮ್ಯಾಸ್ಕಾಟ್ ಸಹಾಯಕವಾಗಲಿದೆ ಎಂದು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ ತಿಳಿಸಿದೆ.
ನವೀಕರಣಗಳು, ದೃಢೀಕರಣ ಮತ್ತು ಆಫ್‌ಲೈನ್ ಪರಿಶೀಲನೆ ಸೇರಿದಂತೆ ಆಧಾರ್ ಸೇವೆಗಳ ಸಂವಹನವನ್ನು ಮ್ಯಾಸ್ಕಾಟ್ ಸರಳಗೊಳಿಸುತ್ತದೆ ಎಂದು ಹೇಳಿದೆ.
ಕಳೆದ ವರ್ಷ ಯುಐಡಿಎಐ ಮೈಗವ್ ಪ್ಲಾಟ್‌ಫಾರ್ಮ್‌ನಲ್ಲಿ ರಾಷ್ಟ್ರವ್ಯಾಪಿ ಮ್ಯಾಸ್ಕಾಟ್ ವಿನ್ಯಾಸ ಸ್ಪರ್ಧೆಯನ್ನು ಆಯೋಜಿಸಿತ್ತು, ಆಧಾರ್‌ಗಾಗಿ ಅಧಿಕೃತ ಮ್ಯಾಸ್ಕಾಟ್ ಅನ್ನು ವಿನ್ಯಾಸಗೊಳಿಸಲು ಜನರನ್ನು ಆಹ್ವಾನಿಸಿತು. ದೇಶಾದ್ಯಂತ 875 ನಮೂದುಗಳನ್ನು ಸ್ವೀಕರಿಸಲಾಗಿದೆ.
ಯುಐಡಿಎಐ ಸಿಇಒ ಭುವನೇಶ್ ಕುಮಾರ್, ಈ ಮ್ಯಾಸ್ಕಾಟ್ ಅನ್ನು ವಿನ್ಯಾಸಗೊಳಿಸಲು ಮತ್ತು ಹೆಸರಿಸಲು ಜನರನ್ನು ಆಹ್ವಾನಿಸುವ ಮೂಲಕ ಆಧಾರ್‌ನ ಮೂಲ ತತ್ವವನ್ನು ಪುನರುಚ್ಚರಿಸಿದೆ. ನಾಗರಿಕರ ಪ್ರತಿಕ್ರಿಯೆಗಳು ಆಧಾರ್‌ನೊಂದಿಗೆ ಜನರ ಸಂಪರ್ಕವನ್ನು ಪ್ರದರ್ಶಿಸುತ್ತವೆ ಎಂದು ಹೇಳಿದ್ದಾರೆ.
