ಕೊಚ್ಚಿ: ಕೇರಳದಲ್ಲಿ ಭಾನುವಾರ ಬೆಳಿಗ್ಗೆ ಖಾಸಗಿ ಆಸ್ಪತ್ರೆಯ ತುರ್ತು ದ್ವಾರದಲ್ಲಿ ವೈದ್ಯರು ಚಿಕಿತ್ಸೆ ನೀಡಿದ ನಂತರ 21 ವರ್ಷದ ಮಹಿಳೆಯೊಬ್ಬರು ಕಾರ್ ನಲ್ಲೇ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ ಎಂದು ಆಸ್ಪತ್ರೆ ಅಧಿಕಾರಿಗಳು ತಿಳಿಸಿದ್ದಾರೆ.
ವಿಪಿಎಸ್ ಲೇಕ್ಶೋರ್ ಆಸ್ಪತ್ರೆಯ ವೈದ್ಯರ ಪ್ರಕಾರ, ತುರ್ತು ವಿಭಾಗದ ಆವರಣವನ್ನು ತಲುಪಿದ ಕೆಲವೇ ಕ್ಷಣಗಳಲ್ಲಿ ಮಹಿಳೆಗೆ ಹೆರಿಗೆ ನೋವು ಕಾಣಿಸಿಕೊಂಡಿತು.
ಹೆರಿಗೆ ನೋವು ಗಮನಿಸಿದ ತುರ್ತು ವೈದ್ಯ ಡಾ. ಆದಿಲ್ ಅಶ್ರಫ್ ತುರ್ತು ದ್ವಾರಕ್ಕೆ ಧಾವಿಸಿದ್ದಾರೆ, ಅಲ್ಲಿ ಮಗು ಈಗಾಗಲೇ ಹೆರಿಗೆಯಾಗುತ್ತಿತ್ತು. ಯಾವುದೇ ತೊಂದರೆಗಳಿಲ್ಲದೆ ರೋಗಿಯನ್ನು ಒಳಗೆ ಸ್ಥಳಾಂತರಿಸಲು ಸಮಯವಿಲ್ಲದ ಕಾರಣ, ಕಾರ್ ನಲ್ಲೇ ಹೆರಿಗೆ ಮಾಡಲಾಯಿತು ಎಂದು ಆಸ್ಪತ್ರೆ ಹೇಳಿಕೆಯಲ್ಲಿ ತಿಳಿಸಿದೆ.
ಮಹಿಳೆ ತನ್ನ ಕುಟುಂಬದೊಂದಿಗೆ ಕಣ್ಣೂರಿನಿಂದ ಪ್ರಯಾಣ ಬೆಳೆಸಿ ಮದುವೆ ಸಮಾರಂಭದಲ್ಲಿ ಭಾಗವಹಿಸಲು ಅರೂರ್ ತಲುಪಿದ್ದರು.
ಜನವರಿ 22 ರಂದು ಹೆರಿಗೆಯ ನಿರೀಕ್ಷಿತ ದಿನಾಂಕವಾಗಿದ್ದರೂ, ಬೆಳಗಿನ ಜಾವ 3 ಗಂಟೆ ಸುಮಾರಿಗೆ ಅವರಿಗೆ ಹೆರಿಗೆ ನೋವು ಕಾಣಿಸಿಕೊಂಡಿತು ಮತ್ತು ಆರಂಭದಲ್ಲಿ ಅವರನ್ನು ಹತ್ತಿರದ ಅರೂರಿನ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ನೋವು ಸಂಕೋಚನ ಕಡಿಮೆ ಮಾಡಲು ಔಷಧಿಗಳನ್ನು ನೀಡಲಾಯಿತು. ಆದರೆ, ಬೆಳಿಗ್ಗೆ 8 ಗಂಟೆ ಸುಮಾರಿಗೆ ನೋವು ತೀವ್ರಗೊಂಡಂತೆ, ಕುಟುಂಬವು ವಿಪಿಎಸ್ ಲೇಕ್ಶೋರ್ ಆಸ್ಪತ್ರೆಗೆ ಹೋಗಲು ನಿರ್ಧರಿಸಿತು.
ಹೆರಿಗೆಯ ನಂತರ, ತಾಯಿಯನ್ನು ಪ್ರಸವಪೂರ್ವ ಆರೈಕೆಗಾಗಿ ಹೆರಿಗೆ ಕೋಣೆಗೆ ಸ್ಥಳಾಂತರಿಸಲಾಯಿತು, ಆದರೆ ನವಜಾತ ಶಿಶುವನ್ನು ನಿಗಾ ಘಟಕಕ್ಕೆ(NICU) ದಾಖಲಿಸಲಾಯಿತು. ತಾಯಿ ಮತ್ತು ಮಗು ಇಬ್ಬರೂ ಸ್ಥಿರವಾಗಿದ್ದಾರೆ ಮತ್ತು ಚೆನ್ನಾಗಿದ್ದಾರೆ ಎಂದು ಆಸ್ಪತ್ರೆ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಘಟನೆಯ ಕುರಿತು ಪ್ರತಿಕ್ರಿಯಿಸಿದ ಅಶ್ರಫ್, ರೋಗಿಯು ತುರ್ತು ಪ್ರವೇಶದ್ವಾರವನ್ನು ತಲುಪುವ ಹೊತ್ತಿಗೆ ಮಗು ಈಗಾಗಲೇ ಹೊರಬರುತ್ತಿತ್ತು ಮತ್ತು ಅವಳನ್ನು ಮತ್ತಷ್ಟು ಸ್ಥಳಾಂತರಿಸುವ ಯಾವುದೇ ಪ್ರಯತ್ನವು ತೊಡಕುಗಳಿಗೆ ಕಾರಣವಾಗಬಹುದಾಗಿತ್ತು. ಆಸ್ಪತ್ರೆ ತಂಡದ ಸಕಾಲಿಕ ಕ್ರಮ ತಾಯಿ ಮತ್ತು ನವಜಾತ ಶಿಶುವಿನ ಜೀವಗಳನ್ನು ಉಳಿಸಿದೆ ಎಂದು ಕುಟುಂಬದ ಸದಸ್ಯರೊಬ್ಬರು ಹೇಳಿದ್ದಾರೆ.
