BIG NEWS : ರಾಜ್ಯದಲ್ಲಿ ಈಗಾಗಲೇ 52,304 ಮಂದಿಯಿಂದ ಅಂಗಾಂಗ ದಾನಕ್ಕೆ ನೋಂದಣಿ : ಸಚಿವ ದಿನೇಶ್ ಗುಂಡೂರಾವ್

ಬೆಂಗಳೂರು: ಅಂಗಾಂಗ ದಾನಕ್ಕೆ ಆನ್ಲೈನ್ ಮೂಲಕ ಹೆಚ್ಚಿನ ಸಂಖ್ಯೆಯಲ್ಲಿ ನೋಂದಣಿ ಮಾಡಿಸಿರುವ ನಂ.3ನೇ ರಾಜ್ಯ ಅಂದ್ರೆ, ಅದು ನಮ್ಮ ಕರ್ನಾಟಕ. ಈಗಾಗಲೇ 52,304 ಮಂದಿ ಅಂಗಾಂಗ ದಾನಕ್ಕೆ ನೋಂದಣಿ ಮಾಡಿಸಿದ್ದಾರೆ ಎಂದು ಸಚಿವ ದಿನೇಶ್ ಗುಂಡೂರಾವ್ ಹೇಳಿದ್ದಾರೆ.

ಹೀಗೆ, ಅಂಗಾಂಗ ದಾನದ ಬಗ್ಗೆ ಹೆಚ್ಚು ಅರಿವು ಮೂಡಿಸುವ ರಾಜ್ಯವೆಂದು ಗುರುತಿಸಿ ಕೇಂದ್ರ ಸರ್ಕಾರ ಕೊಡುವ 2024-2025ನೇ ಸಾಲಿನ ‘Excellence in promotion of Organ Donation’ ಪ್ರಶಸ್ತಿ ಕರ್ನಾಟಕಕ್ಕೆ ಲಭಿಸಿದೆ ಎಂದು ಸಚಿವ ದಿನೇಶ್ ಗುಂಡೂರಾವ್ ಹೇಳಿದ್ದಾರೆ.

ನಮ್ಮ ಸಾವಿನ ನಂತರ ಜೀವ ಉಳಿಸುವ ಅಂಗಾಂಗಗಳನ್ನು ಮಣ್ಣಲ್ಲಿ ಮಣ್ಣಾಗಿಸುವ, ಬೆಂಕಿಯಲ್ಲಿ ಸುಟ್ಟು ಬೂದಿಯಾಗಿಸುವ ಬದಲು ಅಗತ್ಯ ಇರುವವರಿಗೆ ದಾನ ಮಾಡಿ ಜೀವ ಉಳಿಸೋಣ.
ಒಬ್ಬ ವ್ಯಕ್ತಿಯ ನಿರ್ಧಾರ, 08 ಜೀವಗಳನ್ನು ಉಳಿಸಲಿದೆ. ಅಂಗಾಂಗ ದಾನ ಮಾಡಿ ಸಾವಿನ ನಂತರವೂ ಮತ್ತೊಬ್ಬರಿಗೆ ಬೆಳಕಾಗಿ ಬದುಕುವ ಈ ಅವಕಾಶವನ್ನು ಕಳೆದುಕೊಳ್ಳದಿರೋಣ. ನಮ್ಮ ಹತ್ತಿರದ ಸರ್ಕಾರಿ ಆಸ್ಪತ್ರೆಯಲ್ಲಿ ಅಂಗಾಂಗ ದಾನಕ್ಕೆ ನೋಂದಣಿ ಮಾಡಿಸಬಹುದು. ಇನ್ನೇಕೆ ತಡ, ಕುಟುಂಬದವರೊಂದಿಗೆ ಕೂತು ಚರ್ಚಿಸಿ, ಶ್ರೇಷ್ಠ ದಾನಕ್ಕೆ ಮುಂದಾಗೋಣ, ಇತರರನ್ನು ಪ್ರೇರೇಪಿಸೋಣ ಎಂದು ಸಚಿವರು ಹೇಳಿದ್ದಾರೆ.