BREAKING: ತಡರಾತ್ರಿ 11.35 ರವರೆಗೂ ನಡೆದ ವಿಧಾನಸಭೆ ಕಲಾಪ

ಬೆಂಗಳೂರು: ಬುಧವಾರ ಬೆಳಗ್ಗೆ 9 ಗಂಟೆಗೆ ಪ್ರಾರಂಭವಾದ ವಿಧಾನಸಭೆ ಕಲಾಪವನ್ನು ಸ್ವೀಕರ್ ಯು.ಟಿ. ಖಾದರ್ ಅವರು ತಡರಾತ್ರಿ 11:35 ರವರೆಗೂ ನಡೆಸಿದ್ದಾರೆ.

ಬುಧವಾರ ಬೆಳಗ್ಗೆ 9 ಗಂಟೆಗೆ ಕಲಾಪದ ಸಮಯ ನಿಗದಿಯಾಗಿತ್ತು. ಆದರೆ, ಬಹುತೇಕ ಸದಸ್ಯರು ಮತ್ತು ಸಚಿವರು ತಡವಾಗಿ ಸದನಕ್ಕೆ ಆಗಮಿಸಿದ್ದರಿಂದ 9:50ಕ್ಕೆ ಕಲಾಪ ಪ್ರಾರಂಭವಾಯಿತು. ನಂತರ ಮಧ್ಯಾಹ್ನ ಭೋಜನ ವಿರಾಮ ಹೊರತುಪಡಿಸಿ ರಾತ್ರಿ 11:35ರವರೆಗೂ ಕಲಾಪ ಮುಂದುವರೆಯಿತು. ಸದಸ್ಯರು ವಿವಿಧ ವಿಷಯಗಳ ಮೇಲಿನ ಚರ್ಚೆಯಲ್ಲಿ ಭಾಗವಹಿಸಿದ್ದರು.