ಎಲ್ಲ ಹೋಟೆಲ್, ಬಾರ್ ಇತರೆಡೆ ಧೂಮಪಾನ ಪ್ರತ್ಯೇಕ ಸ್ಥಳ ನಿಗದಿ ಕಡ್ಡಾಯ ಆದೇಶ: ತಪ್ಪಿದಲ್ಲಿ ಪರವಾನಗಿ ಅಮಾನತು ಎಚ್ಚರಿಕೆ

ಬೆಂಗಳೂರು: ಸಾರ್ವಜನಿಕ ಸ್ಥಳಗಳಲ್ಲಿ ಧೂಮಪಾನ ನಿಯಂತ್ರಣಕ್ಕೆ ಪ್ರತ್ಯೇಕ ಜಾಗ ನಿಗದಿ ಕಡ್ಡಾಯ ಮಾಡಲಾಗಿದೆ. ಒಂದು ವಾರದಲ್ಲಿ ಕಡ್ಡಾಯವಾಗಿ ಗೊತ್ತುಪಡಿಸಿದ ಧೂಮಪಾನ ಪ್ರದೇಶ ಒದಗಿಸುವಂತೆ ಗ್ರೇಟರ್ ಬೆಂಗಳೂರು ಪ್ರಾಧಿಕಾರ(GBA) ಆದೇಶ ಹೊರಡಿಸಿದೆ. ತಪ್ಪಿದಲ್ಲಿ ಪರಾವಾನಗಿ ಅಮಾನತುಗೊಳಿಸುವುದಾಗಿ ಎಚ್ಚರಿಕೆ ನೀಡಲಾಗಿದೆ.

ಗೊತ್ತುಪಡಿಸಿದ ಧೂಮಪಾನ ಪ್ರದೇಶ ನಿರ್ಮಿಸುವ ಬಗ್ಗೆ ಬಿಬಿಎಂಪಿಯಿಂದ 2020ರಲ್ಲಿ ಆದೇಶ ಹೊರಡಿಸಲಾಗಿದೆ. 2003ರ ಕೋಟ್ಬಾ ಕಾಯ್ದೆಯಂತೆ 30ಕ್ಕಿಂತ ಹೆಚ್ಚು ಆಸನವಿರುವ ಎಲ್ಲ ದರ್ಶಿನಿಗಳು, ಹೋಟೆಲ್ ಗಳು, ಬಾರ್ ಅಂಡ್ ರೆಸ್ಟೋರೆಂಟ್, ಕ್ಲಬ್ ಗಳಲ್ಲಿ ಧೂಮಪಾನಕ್ಕೆ ಪ್ರತ್ಯೇಕ ಜಾಗ ನಿಗದಿಪಡಿಸುವುದು ಕಡ್ಡಾಯವಾಗಿದೆ. ಇನ್ನು ಒಂದು ವಾರದೊಳಗೆ ಧೂಮಪಾನಕ್ಕೆ ಪ್ರತ್ಯೆಕ ಸ್ಥಳ ನಿರ್ಮಿಸದಿದ್ದರೆ ಪರವಾನಗಿ ಅಮಾನತು ಮಾಡುವುದಾಗಿ ಎಚ್ಚರಿಕೆ ನೀಡಲಾಗಿದೆ.