ಇಕ್ರಿಸಾಟ್(ICRISAT -International Crops Research Institute for the Semi-Arid Tropics) ರಾಗಿಯ ಬಗ್ಗೆ ಸಂಶೋಧನೆ ನಡೆಸಿ ರಾಪಿಡ್ ರಾಗಿ(Rapid Ragi) ಎನ್ನುವ ಹೊಸ ತಳಿಯನ್ನು ಅಭಿವೃದ್ಧಿಪಡಿಸಿದೆ.
ಸ್ಫೀಡ್ ಬ್ರೀಡಿಂಗ್ ವಿಧಾನದ ಮೂಲಕ ವಿಜ್ಞಾನಿಗಳು ಹೊಸ ತಳಿಯನ್ನು ಸೃಷ್ಟಿಸಿದ್ದಾರೆ. ಸಾಂಪ್ರದಾಯಿಕ ರಾಗಿಗಿಂತಲೂ ಉತ್ತಮ ದರ್ಜೆಯ ರಾಗಿ ತಳಿಯನ್ನು ಇಕ್ರಿಸಾಟ್ ಬಿಡುಗಡೆ ಮಾಡಿದೆ.
ಪ್ರಮುಖ ಸಿರಿಧಾನ್ಯ ಬೆಳೆಯಾಗಿ ಗುರುತಿಸಲ್ಪಟ್ಟಿರುವ ರಾಗಿ ಕೊಯ್ಲಿಗೆ ಬರಲು ಸಾಮಾನ್ಯವಾಗಿ 135 ದಿನ ಬೇಕಾಗುತ್ತದೆ. ವಾರ್ಷಿಕ ಎರಡು ಬೆಳೆ ಬೆಳೆಯಲು ಮಾತ್ರ ಸಾಧ್ಯವಾಗುತ್ತದೆ. ಆದರೆ ಇಕ್ರಿಸಾಟ್ ಅಭಿವೃದ್ಧಿಪಡಿಸಿದ ರ್ಯಾಪಿಡ್ ರಾಗಿ 68 ದಿನಗಳಲ್ಲಿ ಕೊಯ್ಲಿಗೆ ಬರುತ್ತದೆ. ವರ್ಷದಲ್ಲಿ ಐದು ಬೆಳೆ ಬೆಳೆಯಬಹುದು.
ಬೀಜ ಬಿತ್ತನೆಯ ನಂತರ ವೇಗವಾಗಿ ಮೊಳಕೆಯೊಡೆಯುತ್ತದೆ. ಹೆಚ್ಚಿನ ಬೆಳಕು, ಉಷ್ಣಾಂಶ ತೇವಾಂಶವನ್ನು ತಡೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದ್ದು, ಕಡಿಮೆ ನೀರಿನಿಂದಲೂ ಇದನ್ನು ಬೆಳೆಯಬಹುದಾಗಿದೆ. ಪ್ರಸ್ತುತ ರಾಗಿ ತಳಿಯಿಂದ ಪಡೆಯುವ ಇಳುವರಿಗಿಂತಲೂ ರ್ಯಾಪಿಡ್ ರಾಗಿಯಿಂದ ಹೆಚ್ಚಿನ ಇಳುವರಿ ಸಿಗುತ್ತದೆ ಎಂದು ಹೇಳಲಾಗಿದೆ.
