ಜನಪ್ರಿಯ ಗಾಯಕ ಸೋನು ನಿಗಮ್ ಇತ್ತೀಚೆಗೆ ಪುಣೆಯಲ್ಲಿ ನಡೆದ ತಮ್ಮ ಕಚೇರಿಯಲ್ಲಿ ಆರೋಗ್ಯ ಸಮಸ್ಯೆಯನ್ನು ಎದುರಿಸಿದ್ದರು.
ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ, ನೋವಿನಿಂದ ಬಳಲುತ್ತಿರುವ ಗಾಯಕನನ್ನು ಅವರ ತಂಡದವರು ನೋಡಿಕೊಳ್ಳುತ್ತಿರುವುದು ಮತ್ತು ನಂತರ ಹಾಸಿಗೆ ಮೇಲೆ ವಿಶ್ರಾಂತಿ ಪಡೆಯುತ್ತಿರುವುದು ಕಂಡುಬರುತ್ತದೆ. ಇದು ತೀವ್ರವಾದ ಸ್ನಾಯು ಸೆಳೆತ ಎಂದು ಶಂಕಿಸಲಾಗಿದೆ.
ಕಾರ್ಯಕ್ರಮಗಳಲ್ಲಿ ಗಾಯಕ ಕೇವಲ ಹಾಡಿ ಹೋಗುವುದಿಲ್ಲ, ಹಾಡುವುದರ ಜೊತೆಗೆ ತನ್ನ ಬ್ಯಾಂಡ್‌ ಬೀಟ್‌ಗಳಿಗೆ ತಕ್ಕಂತೆ ಹೆಜ್ಜೆ ಹಾಕುತ್ತಾರೆ. ಅವರು ಹಂಚಿಕೊಂಡ ವೀಡಿಯೊದಲ್ಲಿ, ಲೈವ್ ಪ್ರದರ್ಶನಗಳ ಸಮಯದಲ್ಲಿ ನೃತ್ಯ ಚಲನೆಗಳು ಹಠಾತ್ ಸೆಳೆತಕ್ಕೆ ಕಾರಣವಾಗಬಹುದು ಎಂದು ಹೇಳಿದ್ದಾರೆ.
ಸ್ನಾಯು ಸೆಳೆತ ಎಂದರೇನು ?
ಸ್ನಾಯು ಸೆಳೆತವು ಸ್ನಾಯುವಿನ ಅನೈಚ್ಛಿಕ ಸಂಕೋಚನವಾಗಿದ್ದು, ಅದು ನಿಯಂತ್ರಿಸಲಾಗದ ಸಾಮಾನ್ಯ ಆರೋಗ್ಯ ಸಮಸ್ಯೆ. ನೋವಿನ ತೀವ್ರತೆಯು ಭಿನ್ನವಾಗಿರಬಹುದಾದರೂ, ನಿರ್ದಿಷ್ಟ ಬಿಗಿತ ಮತ್ತು ಅಸ್ವಸ್ಥತೆಗೆ ಕಾರಣವಾಗಬಹುದು. ಇದು ತೋಳು, ಕಾಲುಗಳು, ಬೆನ್ನು, ಕುತ್ತಿಗೆ ಇತ್ಯಾದಿಗಳಲ್ಲಿ ಸಂಭವಿಸಬಹುದು.
ಇದು ಯಾರಿಗಾದರೂ ಯಾವುದೇ ಸಮಯದಲ್ಲಿ ಕಾಣಿಸಿಕೊಳ್ಳಬಹುದು, ಅದು ನಡೆಯುವಾಗ, ಕುಳಿತುಕೊಳ್ಳುವಾಗ. ಹಠಾತ್ ನೋವು, ಮರಗಟ್ಟುವಿಕೆ ಭಾವನೆಯೊಂದಿಗೆ ಸಂಭವಿಸುತ್ತದೆ.
ಕಳಪೆ ಭಂಗಿ, ಅತಿಯಾದ ಶ್ರಮ, ಬೊಜ್ಜು, ವಯಸ್ಸಾಗುವುದು ಇತರೆ ಕೆಲವು ಅಪಾಯಕಾರಿ ಅಂಶಗಳಾಗಿರಬಹುದು. ನಿರ್ಜಲೀಕರಣ, ಒತ್ತಡ, ಎಲೆಕ್ಟ್ರೋಲೈಟ್ ಅಸಮತೋಲನ ಹೆಚ್ಚಿನ ತೀವ್ರತೆಯ ದೈಹಿಕ ಚಟುವಟಿಕೆಯು ಸಹ ಸೆಳೆತಕ್ಕೆ ಕಾರಣವಾಗಬಹುದು.
ಪೀಡಿತ ಪ್ರದೇಶದಲ್ಲಿ ಬಿಸಿ ಅಥವಾ ತಣ್ಣನೆಯ ಪ್ಯಾಕ್ ಅನ್ನು ಅನ್ವಯಿಸುವುದು, ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇವು ಹೆಚ್ಚಾಗಿ ಗಂಭೀರವಲ್ಲದಿದ್ದರೂ, ದೀರ್ಘಕಾಲದ ಮತ್ತು ಮರುಕಳಿಸುವ ಸೆಳೆತದ ಸಂದರ್ಭದಲ್ಲಿ, ಯಾವುದೇ ನರವೈಜ್ಞಾನಿಕ ಸಮಸ್ಯೆಯನ್ನು ತಳ್ಳಿಹಾಕಲು ಪರೀಕ್ಷಿಸಿಕೊಳ್ಳಬೇಕು.
View this post on Instagram
