ಆಗ್ರಾದ ತೀವ್ರವಾದ ಶಾಖದಲ್ಲಿ, ತಾಪಮಾನವು 46°C ಗೆ ಏರಿದಾಗ, ಹೆಚ್ಚಿನ ರೈತರು ತಮ್ಮ ಜಮೀನುಗಳನ್ನು ಉಳಿಸಿಕೊಳ್ಳಲು ಹೆಣಗಾಡುತ್ತಾರೆ. ರಾಸಾಯನಿಕ ಕೃಷಿಯು ಮಣ್ಣನ್ನು ಬರಿದಾಗಿಸಿದೆ, ವೇಗವಾಗಿ ನೀರು ಆವಿಯಾಗಲು ಮತ್ತು ಬೆಳೆಗಳು ಒಣಗಲು ಕಾರಣವಾಗುತ್ತದೆ.
ಆದರೆ ರೋಹ್ಟನ್ ಸಿಂಗ್ ಅವರ ಒಂದು ಎಕರೆ ಜಮೀನು ನೈಸರ್ಗಿಕ ಕೃಷಿಯ ಶಕ್ತಿಯನ್ನು ಸಾರುವಂತೆ ನಿಂತಿದೆ. ಎಕರೆಗೆ ಕೇವಲ ₹20,000 ವಾರ್ಷಿಕ ಹೂಡಿಕೆಯೊಂದಿಗೆ, ಅವರು ತಮ್ಮ ಗಿರ್ ಹಸುಗಳಿಗೆ ವರ್ಷಪೂರ್ತಿ ಮೇವು ಮತ್ತು ಉತ್ಕೃಷ್ಟ ಸಾಸಿವೆ ಎಣ್ಣೆಯನ್ನು ಉತ್ಪಾದಿಸುತ್ತಾರೆ.
ಸಿಂಗ್ ಅವರ ಪ್ರಯಾಣವು ಐದು ವರ್ಷಗಳ ಹಿಂದೆ ಅವರು ʼಆರ್ಟ್ ಆಫ್ ಲಿವಿಂಗ್‌ʼ ನ ಶ್ರೀ ಶ್ರೀ ನೈಸರ್ಗಿಕ ಕೃಷಿ ಕಾರ್ಯಕ್ರಮಕ್ಕೆ ಸೇರಿದಾಗ ಪ್ರಾರಂಭವಾಯಿತು. ರಾಸಾಯನಿಕ ಕೃಷಿಯು ತಮ್ಮ ಭೂಮಿಯನ್ನು ಹೇಗೆ ದುರ್ಬಲಗೊಳಿಸುತ್ತಿದೆ ಎಂಬುದನ್ನು ಅವರು ಸ್ವತಃ ಕಂಡುಕೊಂಡರು.
ಹಸುಗಳಿಗೆ ದುಬಾರಿ ಆಹಾರವನ್ನು ಖರೀದಿಸುತ್ತಿದ್ದ ಅವರು ಕಾರ್ಯಕ್ರಮದಿಂದ ಸ್ಫೂರ್ತಿ ಪಡೆದು,ಮಲ್ಚಿಂಗ್, ಗೋಮೂತ್ರ ಅನ್ವಯ ಮತ್ತು ಬೆಳೆ ಸರದಿಗಳಂತಹ ತಂತ್ರಗಳನ್ನು ಅಳವಡಿಸಿಕೊಂಡು, ತಮ್ಮ ಜಮೀನನ್ನು ಪುನಶ್ಚೇತನಗೊಳಿಸಿದರು.
ಆರಂಭದಲ್ಲಿ, ಸಿಂಗ್ ತಮ್ಮ ಜಮೀನಿನ ಒಂದು ಸಣ್ಣ ಭಾಗವನ್ನು ನೈಸರ್ಗಿಕ ಕೃಷಿಗೆ ಮೀಸಲಿಟ್ಟಿದ್ದು,. ಫಲಿತಾಂಶಗಳು ಅದ್ಭುತವಾಗಿದ್ದವು. ಕೀಟಗಳು ಕಡಿಮೆಯಾಗುವುದರ ಜೊತೆಗೆ ಮಣ್ಣು ಸಮೃದ್ಧವಾಯಿತು ಮತ್ತು ಉತ್ಪನ್ನಗಳು ಉತ್ತಮ ರುಚಿ ಹೊಂದಿದ್ದವು. ಪ್ರೋತ್ಸಾಹಗೊಂಡ ಅವರು, ಈ ವಿಧಾನಗಳನ್ನು ತಮ್ಮ ಇಡೀ ಜಮೀನಿಗೆ ವಿಸ್ತರಿಸಿದರು.
ಸಿಂಗ್ ಅವರ ಸಾಧನೆಗಳಲ್ಲಿ ಕಠಿಣವಾದ ಬೇಸಿಗೆಯಲ್ಲೂ ನಿರಂತರ ಮೇವಿನ ಪೂರೈಕೆಯನ್ನು ಕಾಪಾಡಿಕೊಳ್ಳುವುದಾಗಿದೆ. ಅವರ ರಹಸ್ಯ ಅಸ್ತ್ರವೆಂದರೆ ಜೀವಮೃತ, ಇದು ನೈಸರ್ಗಿಕ ಮಣ್ಣಿನ ವರ್ಧಕವಾಗಿದ್ದು, ನೀರು ಉಳಿಸಿಕೊಳ್ಳುವಿಕೆಯನ್ನು ಸುಧಾರಿಸುತ್ತದೆ.
