ಗಾಯಕ ಉದಿತ್ ನಾರಾಯಣ್ ತಮ್ಮ ಸಂಗೀತ ಕಚೇರಿಯಲ್ಲಿ ಮಹಿಳಾ ಅಭಿಮಾನಿಯೊಬ್ಬರನ್ನು ಚುಂಬಿಸಿದ ವಿವಾದದ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. “ಇದರಲ್ಲಿ ಯಾವುದೇ ಅಸಭ್ಯತೆ ಇರಲಿಲ್ಲ” ಎಂದು ಅವರು ಹೇಳಿದ್ದಾರೆ.
ಈ ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ, ಗಾಯಕ ಮಹಿಳೆಯನ್ನು ಬಲವಂತವಾಗಿ ಚುಂಬಿಸಿದ್ದಾರೆ ಎಂದು ಟೀಕಿಸಲಾಗಿತ್ತು.
ಇತ್ತೀಚಿನ ಸಂದರ್ಶನದಲ್ಲಿ, 69 ವರ್ಷದ ಗಾಯಕ “ನನಗೆ ಯಾವುದೇ ವಿಷಾದವಿಲ್ಲ” ಎಂದು ಹೇಳಿದ್ದಾರೆ ಮತ್ತು ಭವಿಷ್ಯದಲ್ಲಿ ಭಾರತರತ್ನ ಪ್ರಶಸ್ತಿಯನ್ನು ಪಡೆಯುವ ಆಶಯ ವ್ಯಕ್ತಪಡಿಸಿದ್ದಾರೆ. ತಮ್ಮ ನೆಚ್ಚಿನ ಗಾಯಕಿ ಲತಾ ಮಂಗೇಶ್ಕರ್ ಅವರನ್ನು ಆದರ್ಶವಾಗಿ ಪರಿಗಣಿಸಿ, “ಲತಾಜಿಯವರಂತೆ” ಭಾರತದ ಅತ್ಯುನ್ನತ ನಾಗರಿಕ ಪ್ರಶಸ್ತಿಯನ್ನು ಪಡೆಯುವ ಕನಸು ಕಾಣುತ್ತಿದ್ದೇನೆ ಎಂದು ಉದಿತ್ ಹೇಳಿದ್ದಾರೆ.
“ನನಗೆ ಹಲವಾರು ಫಿಲ್ಮ್‌ಫೇರ್ ಪ್ರಶಸ್ತಿಗಳು, ರಾಷ್ಟ್ರೀಯ ಪ್ರಶಸ್ತಿಗಳು, ಪದ್ಮಶ್ರೀ ಮತ್ತು ಪದ್ಮಭೂಷಣ ಪ್ರಶಸ್ತಿಗಳು ಸಿಕ್ಕಿವೆ. ಲತಾಜಿಯವರಂತೆ ನನಗೂ ಭಾರತರತ್ನ ಸಿಗಬೇಕೆಂದು ಆಶಿಸುತ್ತೇನೆ. ಅವರು ನನ್ನ ಆದರ್ಶ. ನನ್ನ ತಲೆಮಾರಿನ ಗಾಯಕರಲ್ಲಿ ನಾನು ಅವರ ನೆಚ್ಚಿನ ಸಹ ಗಾಯಕನಾಗಿದ್ದೆ” ಎಂದು ʼಬಾಲಿವುಡ್ ಹಂಗಾಮಾʼ ಸಂದರ್ಶನದಲ್ಲಿ ಉದಿತ್ ಹೇಳಿದ್ದಾರೆ.
ಈ ಘಟನೆಯು ನನ್ನ ಮತ್ತು ನನ್ನ ಅಭಿಮಾನಿಗಳ ನಡುವಿನ ಖಾಸಗಿ ವಿಷಯವಾಗಿದೆ. ನಮ್ಮ ನಡುವೆ ಅವಿನಾಭಾವ ಬಾಂಧವ್ಯವಿದೆ. ಟೀಕಿಸುವವರನ್ನು ನಾನು ಲೆಕ್ಕಿಸುವುದಿಲ್ಲ. ನನ್ನ ಮತ್ತು ನನ್ನ ಅಭಿಮಾನಿಗಳ ನಡುವೆ ಪರಸ್ಪರ ಪ್ರೀತಿ ಮತ್ತು ಗೌರವವಿದೆ ಎಂದು ಅವರು ಹೇಳಿದ್ದಾರೆ.
“ನನ್ನ ಅಭಿಮಾನಿಗಳು ಮತ್ತು ನನ್ನ ನಡುವೆ ಗಾಢವಾದ, ಶುದ್ಧವಾದ ಅವಿನಾಭಾವ ಬಾಂಧವ್ಯವಿದೆ. ನೀವು ವಿಡಿಯೋದಲ್ಲಿ ನೋಡಿದ್ದು ನನ್ನ ಅಭಿಮಾನಿಗಳು ಮತ್ತು ನನ್ನ ನಡುವಿನ ಪ್ರೀತಿಯ ಅಭಿವ್ಯಕ್ತಿ. ಅವರು ನನ್ನನ್ನು ಪ್ರೀತಿಸುತ್ತಾರೆ. ನಾನು ಅವರನ್ನು ಇನ್ನೂ ಹೆಚ್ಚು ಪ್ರೀತಿಸುತ್ತೇನೆ” ಎಂದು ಗಾಯಕ ಹೇಳಿದ್ದಾರೆ.
ನನ್ನ ಹೃದಯ ಶುದ್ಧವಾಗಿದೆ. ನನ್ನ ಶುದ್ಧ ಪ್ರೀತಿಯಲ್ಲಿ ಕೊಳೆಯನ್ನು ನೋಡಲು ಬಯಸುವವರ ಬಗ್ಗೆ ನನಗೆ ವಿಷಾದವಿದೆ. ಅವರಿಗೆ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ ಎಂದು ಅವರು ಪ್ರತಿಕ್ರಿಯಿಸಿದ್ದಾರೆ.
ವೈರಲ್ ವಿಡಿಯೋ ನಂತರ, ಉದಿತ್ ವೇದಿಕೆಯಲ್ಲಿ ಶ್ರೇಯಾ ಘೋಷಾಲ್ ಮತ್ತು ಅಲ್ಕಾ ಯಾಗ್ನಿರಂತಹ ಮಹಿಳಾ ಗಾಯಕಿಯರನ್ನು ಚುಂಬಿಸುವ ಹೆಚ್ಚುವರಿ ತುಣುಕುಗಳು ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿದ್ದವು.
ಉದಿತ್ ನಾರಾಯಣ್, ದೀಪಾ ಗಹತ್ರಾಜ್ ಅವರನ್ನು ವಿವಾಹವಾಗಿದ್ದು, ಅವರಿಗೆ ಆದಿತ್ಯ ನಾರಾಯಣ್ ಎಂಬ ಮಗನಿದ್ದಾನೆ, ಅವರು ದೂರದರ್ಶನ ನಿರೂಪಕ ಮತ್ತು ಹಿನ್ನೆಲೆ ಗಾಯಕ. ಈ ಹಿಂದೆ ಅವರು ರಂಜನಾ ಎಂಬವರನ್ನು ವಿವಾಹವಾಗಿದ್ದು, ವರ್ಷಗಳ ಕಾಲ ರಂಜನಾ ಅವರೊಂದಿಗಿನ ವಿವಾಹವನ್ನು ಅವರು ನಿರಾಕರಿಸಿದ್ದರು, ಆದರೆ ಅಂತಿಮವಾಗಿ ಅದನ್ನು ಒಪ್ಪಿಕೊಂಡು ಅವರ ನಿರ್ವಹಣೆಗೆ ಹಣವನ್ನು ಪಾವತಿಸುತ್ತಿದ್ದರು.
WTF! what is Udit Narayan doing 😱 pic.twitter.com/Rw0azu72uY
— Abhishek (@vicharabhio) January 31, 2025
https://www.youtube.com/watch?v=oJoxFS4m63w&t=45s
