ಚಿಕಾಗೋದ ಹಣಕಾಸು ಸಲಹೆಗಾರ್ತಿ ಮೆರೆಡಿತ್ ಟಬೋನ್ ಇಟಲಿಯ ಸ್ಯಾಂಬುಕಾ ಡಿ ಸಿಸಿಲಿಯಾದಲ್ಲಿ ತಾನು ಖರೀದಿಸಿದ ಮನೆಯನ್ನು ನೋಡಿಯೇ ಇರಲಿಲ್ಲ. 2019 ರಲ್ಲಿ, ಇಟಲಿ ಕೇವಲ $1.05 (ಸುಮಾರು ರೂ. 90) ಕ್ಕೆ ಕೆಲವು ಹಳೆ ಮನೆಗಳನ್ನು ಹರಾಜು ಹಾಕುತ್ತಿತ್ತು. ಆಗ ಟಬೋನ್, 17 ನೇ ಶತಮಾನದ ಮನೆಯ ಮೇಲೆ ಹೂಡಿಕೆ ಮಾಡಲು ನಿರ್ಧರಿಸಿದ್ದು, ಆ ಮನೆಯಲ್ಲಿ ವಿದ್ಯುತ್ ಅಥವಾ ನೀರು ಸಂಪರ್ಕ ಇರಲಿಲ್ಲ. ನಾಲ್ಕು ವರ್ಷಗಳು ಮತ್ತು $446,000 (ಸುಮಾರು ರೂ. 3.8 ಕೋಟಿ) ವೆಚ್ಚದ ನಂತರ, ಅವರು ಅಂತಿಮವಾಗಿ ಆ ಸ್ಥಳವನ್ನು ತಮ್ಮ ಮನೆಯನ್ನಾಗಿಸಿಕೊಂಡಿದ್ದಾರೆ.
“ನಾನು ಖರೀದಿಸಿದಾಗ ಆ ಆಸ್ತಿಯ ಸ್ಥಿತಿ ಅತ್ಯಂತ ಕೆಟ್ಟದಾಗಿತ್ತು” ಎಂದು 44 ವರ್ಷದ ಟಬೋನ್ ಸಿಎನ್‌ಬಿಸಿ ಮೇಕ್ ಇಟ್‌ಗೆ ತಿಳಿಸಿದರು. “ನಾನು ಬೆಟ್ಟಿಂಗ್ ಮಾಡಿ, ಪ್ರತಿದಿನ ನನ್ನ ಇಮೇಲ್ ಪರಿಶೀಲಿಸಿ, ನಾನು ಗೆದ್ದಿದ್ದೇನೆ ಎಂದು ಕಂಡುಕೊಂಡ ಕ್ಷಣದಿಂದ, ಈ ಮನೆಯನ್ನು ನವೀಕರಿಸುವ ಪ್ರಕ್ರಿಯೆಯಾದ್ಯಂತ ದಣಿವು ಇತ್ತು.” ಎಂದಿದ್ದಾರೆ. ಟಬೋನ್ ತನ್ನ ಪೂರ್ವಜರು 1908 ರಲ್ಲಿ ಅಮೆರಿಕಕ್ಕೆ ಹೋಗುವ ಮೊದಲು ವಾಸಿಸುತ್ತಿದ್ದ ಇಟಾಲಿಯನ್ ಗ್ರಾಮದಲ್ಲಿ ಮನೆ ಕೊಂಡುಕೊಳ್ಳಲು ನಿರ್ಧರಿಸಿದ್ದರು.
ಸ್ಯಾಂಬುಕಾ, ಮೆಡಿಟರೇನಿಯನ್ ದ್ವೀಪ ಮತ್ತು ಸಮೀಪದ ಕಡಲತೀರಗಳ ದೃಶ್ಯಗಳನ್ನು ಹೊಂದಿರುವ ಬೆಟ್ಟದ ಮೇಲಿನ ಪಟ್ಟಣವಾಗಿದೆ. ಇತ್ತೀಚಿನ ವರ್ಷಗಳಲ್ಲಿ ನಿವಾಸಿಗಳು ದೊಡ್ಡ ನಗರಗಳಿಗೆ ಸ್ಥಳಾಂತರಗೊಂಡಂತೆ, ಇಟಲಿಯ ಇತರ ಗ್ರಾಮೀಣ ಪ್ರದೇಶಗಳಂತೆ ಜನಸಂಖ್ಯೆ ಕಡಿಮೆಯಾಗುತ್ತಿರುವ ಸಮುದಾಯವನ್ನು ಪುನರುಜ್ಜೀವನಗೊಳಿಸಲು ಹಲವು ಮನೆಗಳನ್ನು ಒಂದು ಡಾಲರ್‌ಗಿಂತ ಸ್ವಲ್ಪ ಹೆಚ್ಚಿನ ಬೆಲೆಗೆ ಮಾರುಕಟ್ಟೆಗೆ ತಂದಿತು ಎಂದು ಸಿಎನ್‌ಎನ್ ವರದಿ ಮಾಡಿದೆ.
ಟಬೋನ್ ಅದರ ಬಗ್ಗೆ ತಿಳಿದಾಗ, ಮನೆಯನ್ನು ನೋಡುವ ಮೊದಲೇ ಅದಕ್ಕಾಗಿ ಬೆಟ್ಟಿಂಗ್ ಮಾಡಿದ್ದಾರೆ. 2019 ರ ಮೇ ತಿಂಗಳಲ್ಲಿ, ಅವರು ಹರಾಜನ್ನು ಗೆದ್ದಿರುವುದಾಗಿ ಪುರಸಭೆಯಿಂದ ಇಮೇಲ್ ಪಡೆದಿದ್ದು, ಮನೆ ಮಾಲೀಕತ್ವವನ್ನು ಪಡೆಯಲು $6,200 (ಸುಮಾರು ರೂ. 5 ಲಕ್ಷ) ಖರ್ಚು ಮಾಡಿದ್ದರು. ಆದರೆ ಶೀಘ್ರದಲ್ಲೇ ಆ ಕಟ್ಟಡ ತುಂಬಾ ಚಿಕ್ಕದಾಗಿದೆ ಎಂದು ಪಕ್ಕದ ಮನೆಯನ್ನೂ ಸಹ $23,000 (ಸುಮಾರು ರೂ. 19.5 ಲಕ್ಷ) ಕ್ಕೆ ಖರೀದಿಸಿದರು. ಎರಡೂ ಕಟ್ಟಡಗಳು ಒಂದೇ ಗೋಡೆಯನ್ನು ಹಂಚಿಕೊಂಡಿದ್ದರಿಂದ ಟಬೋನ್ ಅದನ್ನು ಒಂದೇ ಆರಾಮದಾಯಕ ಮನೆಯಾಗಿ ಸಂಯೋಜಿಸಲು ಸುಲಭವಾಯಿತು.
ಆದರೆ ನವೀಕರಣವನ್ನು ಪೂರ್ಣಗೊಳಿಸಲು ಅವರಿಗೆ ಮೂರು ವರ್ಷಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಂಡಿತು. ಆರಂಭದಲ್ಲಿ, ಟಬೋನ್‌ನ ಬಜೆಟ್ $40,000 (ಸುಮಾರು ರೂ. 34 ಲಕ್ಷ) ಆಗಿತ್ತು, ಆದರೆ ಅವರು ನವೀಕರಣಕ್ಕಾಗಿ ಸುಮಾರು 4 ಕೋಟಿ ರೂಪಾಯಿ ಖರ್ಚು ಮಾಡಿದ್ದಾರೆ. “ನಾನು ನನ್ನ ಜೀವನದಲ್ಲಿ ಎಂದಿಗೂ ಇಂತಹ ನವೀಕರಣವನ್ನು ಮಾಡಿಲ್ಲ” ಎಂದು ಅವರು ಸಿಎನ್‌ಬಿಸಿ ಮೇಕ್ ಇಟ್‌ಗೆ ತಿಳಿಸಿದರು. “ನಾನು ಅದನ್ನು ಮಾಡಲು ಇಡೀ ತಂಡವನ್ನು ನೇಮಿಸಿಕೊಂಡೆ ಮತ್ತು ನಾನು ಹೆಚ್ಚು ಸಮಯ ಕಳೆದ ಏಕೈಕ ವಿಷಯವೆಂದರೆ ವಿನ್ಯಾಸ.” ಎಂದಿದ್ದಾರೆ.
View this post on Instagram
View this post on Instagram
Loading ...