ಅರಿಜಿತ್ ಸಿಂಗ್ ಅತ್ಯಂತ ಜನಪ್ರಿಯ ಗಾಯಕರಲ್ಲಿ ಒಬ್ಬರು. 2011 ರ ಚಲನಚಿತ್ರ ʼಮರ್ಡರ್ 2ʼ ನಿಂದ ʼಫಿರ್ ಮೊಹಬ್ಬತ್ʼ ಹಾಡಿನ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ್ದು, ಬಳಿಕ ತುಮ್ ಹಿ ಹೋ, ಅಗರ್ ತುಮ್ ಸಾತ್ ಹೋ, ಕೇಸರಿಯಾ, ಅಪ್ನಾ ಬನಾ ಲೆ, ವೆ ಕಮ್ಲೇಯಾ, ಚಲೇಯಾ ಮತ್ತು ಓ ಸೇರಿದಂತೆ ಹಲವಾರು ಹಿಟ್ ಟ್ರ್ಯಾಕ್‌ಗಳನ್ನು ಹಾಡಿದ್ದಾರೆ.
ಇತ್ತೀಚೆಗೆ ಮತ್ತೊಬ್ಬ ಗಾಯಕ ಇಕ್ಕಾ, ಪ್ರಸಿದ್ದ ಗಾಯಕರು ಹೇಗೆ ಅತ್ಯಧಿಕ ಹಣವನ್ನು ಗಳಿಸುತ್ತಾರೆ ಎಂಬ ಮಹತ್ವದ ಸಂಗತಿಯನ್ನು ವಿವರಿಸಿದ್ದಾರೆ.
ಸಾಮಾನ್ಯವಾಗಿ ಅರಿಜಿತ್, ಮದುವೆಗಳಲ್ಲಿ ಪ್ರದರ್ಶನ ನೀಡಲು ಇಷ್ಟಪಡುವುದಿಲ್ಲ ಎಂಬುದನ್ನು ಹೇಳಿರುವ ಇಕ್ಕಾ, ಆದಾಗ್ಯೂ, ಒಮ್ಮೆ ಒಬ್ಬರು ಅವರನ್ನು ಮದುವೆಯಲ್ಲಿ ಪ್ರದರ್ಶನ ನೀಡುವಂತೆ ಕೇಳಿದ್ದು ಮತ್ತು ಪಾವತಿಯಾಗಿ ಮುಂಬೈನಲ್ಲಿ ಡ್ಯುಪ್ಲೆಕ್ಸ್ ಮನೆಯನ್ನು ತೆಗೆದುಕೊಂಡರು ಎಂದು ತಿಳಿಸಿದ್ದಾರೆ. ಕೇವಲ 1-1.5 ಗಂಟೆಗಳ ಪ್ರದರ್ಶನಕ್ಕಾಗಿ ಇಷ್ಟನ್ನು ಪಡೆದುಕೊಂಡರು ಎಂಬ ಸಂಗತಿಯನ್ನು ಇಕ್ಕಾ ಹಂಚಿಕೊಂಡಿದ್ದಾರೆ.
ಎ.ಆರ್. ರೆಹಮಾನ್ ಲೈವ್ ಶೋಗೆ 3 ಕೋಟಿ ರೂಪಾಯಿಗಳನ್ನು ವಿಧಿಸುತ್ತಾರೆ ಎಂಬ ಸಂಗತಿಯನ್ನು ಇಕ್ಕಾ ಬಹಿರಂಗಪಡಿಸಿದ್ದು, “ಅರಿಜಿತ್ ಸರ್ ಎಷ್ಟು ತೆಗೆದುಕೊಳ್ಳುತ್ತಾರೆ ಎಂಬುದನ್ನು ಪರೀಕ್ಷಿಸಿ. ಇದು ಸಮಯದ ಬಗ್ಗೆಯೂ ಆಗಿದೆ” ಎಂದಿದ್ದಾರೆ.
ಏತನ್ಮಧ್ಯೆ, ಅರಿಜಿತ್ ಸಿಂಗ್ ಇತ್ತೀಚೆಗೆ ನವೆಂಬರ್ 30, 2024 ರಿಂದ ಭಾರತದಾದ್ಯಂತ ಐದು ನಗರಗಳ ಪ್ರವಾಸವನ್ನು ಘೋಷಿಸಿದ್ದು, ಬೆಂಗಳೂರು (ನವೆಂಬರ್ 30, 2024), ಹೈದರಾಬಾದ್ (ಡಿಸೆಂಬರ್ 7, 2024), ದೆಹಲಿ (ಫೆಬ್ರವರಿ 2, 2025), ಮುಂಬೈ (ಮಾರ್ಚ್ 23, 2025) ಮತ್ತು ಚೆನ್ನೈ (ಏಪ್ರಿಲ್ 27, 2025) ಅನ್ನು ಒಳಗೊಂಡಿದೆ.
