ಖ್ಯಾತ ನಟ ಕಮಲ್ ಹಾಸನ್ ಅವರು ಇಂದು (ನವೆಂಬರ್ 7, 2024) ತಮ್ಮ 70 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದು, ಅಭಿಮಾನಿಗಳು ಸಂಭ್ರಮಿಸಿದ್ದಾರೆ. ಆರು ದಶಕಗಳಿಗೂ ಹೆಚ್ಚು ಕಾಲದ ತಮ್ಮ ಅಮೋಘ ವೃತ್ತಿಜೀವನದಲ್ಲಿ ಅಭಿಮಾನಿಗಳನ್ನು ರಂಜಿಸಿದ ಅವರು ಸಿನಿಪ್ರೇಮಿಗಳ ಹೃದಯದಲ್ಲಿ ವಿಶಿಷ್ಟ ಸ್ಥಾನವನ್ನು ಹೊಂದಿದ್ದಾರೆ.
ಸಂಪೂರ್ಣ ಸಮರ್ಪಣೆ ಮತ್ತು ಕಠಿಣ ಪರಿಶ್ರಮದ ಮೂಲಕ ಚಿತ್ರರಂಗದಲ್ಲಿ ತಮ್ಮ ಛಾಪು ಮೂಡಿಸಿರುವ ಅವರು ಈಗ ಭಾರತದ ಶ್ರೀಮಂತ ನಟರಲ್ಲಿ ಒಬ್ಬರಾಗಿದ್ದಾರೆ.
cnbctv18.com ವರದಿಯ ಪ್ರಕಾರ, ಕಮಲ್ ಅವರ ನಿವ್ವಳ ಆಸ್ತಿ ಮೌಲ್ಯವು ಸುಮಾರು USD 70 ಮಿಲಿಯನ್ ಎಂದು ವರದಿಯಾಗಿದೆ. ಸಿನಿಮಾಗಳು ಮಾತ್ರ ಅವರ ಆದಾಯದ ಏಕೈಕ ಮೂಲವಲ್ಲ ಎಂಬುದು ಕೂಡಾ ಕುತೂಹಲಕಾರಿ ಅಂಶ. ಕಮಲ್ ಅವರು ತಮ್ಮ ನಿರ್ಮಾಣ ಸಂಸ್ಥೆಯಾದ ರಾಜ್ ಕಮಲ್ ಫಿಲ್ಮ್ಸ್ ಇಂಟರ್‌ನ್ಯಾಶನಲ್‌ನಿಂದ ಕೂಡಾ ಗಮನಾರ್ಹ ಗಳಿಕೆ ಮಾಡುತ್ತಾರೆ, ಇದರ ಜೊತೆಗೆ ಬ್ರ್ಯಾಂಡ್ ಎಂಡಾರ್ಸ್‌ಮೆಂಟ್‌, ಫ್ಯಾಷನ್ ಉದ್ಯಮ ಮತ್ತು ಟಿವಿ ಕಾರ್ಯಕ್ರಮಗಳಿಂದಲೂ ಹಣ ಗಳಿಸುತ್ತಾರೆ.
ಕಮಲ್ ಪ್ರತಿ ಪ್ರಾಜೆಕ್ಟ್‌ಗೆ 100 ಕೋಟಿ ರೂಪಾಯಿ ಶುಲ್ಕವನ್ನು ವಿಧಿಸುತ್ತಾರೆ ಎಂದು ಹೇಳಲಾಗುತ್ತದೆ, ಇದರಿಂದಾಗಿ ಅವರು ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರಾಗಿದ್ದಾರೆ. ಅವರ ಅದ್ದೂರಿ ಜೀವನಶೈಲಿಯ ಭಾಗವಾಗಿ ಅವರು ಚೆನ್ನೈನಲ್ಲಿ ಐಷಾರಾಮಿ ಬಂಗಲೆ, ಯುಕೆಯಲ್ಲಿ ಆಸ್ತಿ ಮತ್ತು ದುಬಾರಿ ಕಾರುಗಳ ಸಂಗ್ರಹ ಹೊಂದಿದ್ದಾರೆಂದು ಹೇಳಲಾಗಿದೆ.
ಕಮಲ್ ಹಾಸನ್ ಅವರ ಮುಂದಿನ ಯೋಜನೆ
ವೃತ್ತಿಪರವಾಗಿ, ಕಮಲ್ ಮುಂದಿನ ಬೆಳ್ಳಿತೆರೆಯಲ್ಲಿ ʼಥಗ್ ಲೈಫ್ʼ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮಣಿರತ್ನಂ ನಿರ್ದೇಶನದ ಈ ಚಿತ್ರದಲ್ಲಿ ಸಿಲಂಬರಸನ್, ತ್ರಿಶಾ ಕೃಷ್ಣನ್, ಜೋಜು ಜಾರ್ಜ್, ಅಲಿ ಫಜಲ್, ಅಶೋಕ್ ಸೆಲ್ವನ್, ಪಂಕಜ್ ತ್ರಿಪಾಠಿ, ನಾಸರ್, ಅಭಿರಾಮಿ ಗೋಪಿಕುಮಾರ್, ಐಶ್ವರ್ಯ ಲಕ್ಷ್ಮಿ, ಜಿಶು ಸೆಂಗುಪ್ತ, ಸನ್ಯಾ ಮಲ್ಹೋತ್ರಾ, ರೋಹಿತ್ ಸರಾಫ್ ಮತ್ತು ವೈಯಾಪುರಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ಆಕ್ಷನ್ ಡ್ರಾಮಾವನ್ನು 2025 ರಲ್ಲಿ ಬಿಡುಗಡೆಗೆ ನಿರ್ಧರಿಸಲಾಗಿದ್ದು, ಖ್ಯಾತ ಸಂಯೋಜಕ ಎಆರ್ ರೆಹಮಾನ್ ಅವರ ಸಂಗೀತವನ್ನು ಹೊಂದಿದೆ, ರವಿ ಕೆ ಚಂದ್ರನ್ ಅವರ ಛಾಯಾಗ್ರಹಣ ಮತ್ತು ಎ ಶ್ರೀಕರ್ ಪ್ರಸಾದ್ ಅವರ ಸಂಕಲನವಿದೆ.
Loading ...