ನೀವು ಎಷ್ಟೇ ದುಬಾರಿ ಲಿಪ್‌ಸ್ಟಿಕ್ ಬಳಸಿದರೂ ಊಟ ಅಥವಾ ಕಾಫಿ ಸೇವಿಸಿದ ನಂತರ ಅದು ಮಸುಕಾಗುವುದು ಅಥವಾ ಹರಡುವುದು ಸಾಮಾನ್ಯ. ಕಚೇರಿ ಕೆಲಸ ಅಥವಾ ಸಮಾರಂಭಗಳ ನಡುವೆ ಪದೇ ಪದೇ ಟಚ್-ಅಪ್ ಮಾಡುವುದು ಕಿರಿಕಿರಿಯ ಉಂಟುಮಾಡಬಹುದು. ಆದರೆ ಮೇಕಪ್ ತಜ್ಞರ ಪ್ರಕಾರ, ಕೇವಲ ಬ್ರಾಂಡ್ ಮುಖ್ಯವಲ್ಲ, ಲಿಪ್‌ಸ್ಟಿಕ್ ಹಚ್ಚುವ ವಿಧಾನವೂ ಅಷ್ಟೇ ಮುಖ್ಯ. ಈ ಕೆಳಗಿನ ಐದು ಸರಳ ಹಂತಗಳನ್ನು ಪಾಲಿಸಿದರೆ ನಿಮ್ಮ ಲಿಪ್‌ಸ್ಟಿಕ್ ಸುಮಾರು 8 ರಿಂದ 12 ಗಂಟೆಗಳ ಕಾಲ ಅಳಿಸದಂತೆ ಇರುತ್ತದೆ.
1. ಕನ್ಸೀಲರ್ ಬಳಸಿ ಬೇಸ್ ತಯಾರಿಸಿ ಲಿಪ್‌ಸ್ಟಿಕ್ ಹಚ್ಚುವ ಮೊದಲು ತುಟಿಗಳಿಗೆ ಸ್ವಲ್ಪ ಕನ್ಸೀಲರ್ ಅಥವಾ ಫೌಂಡೇಶನ್ ಹಚ್ಚಿ. ಇದು ತುಟಿಗಳ ನೈಸರ್ಗಿಕ ಬಣ್ಣವನ್ನು ಮರೆಮಾಚಿ ಲಿಪ್‌ಸ್ಟಿಕ್ ನೈಜ ಬಣ್ಣವು ಎದ್ದು ಕಾಣುವಂತೆ ಮಾಡುತ್ತದೆ. ಅಲ್ಲದೆ, ಬಣ್ಣವು ತುಟಿಗೆ ಸರಿಯಾಗಿ ಅಂಟಿಕೊಳ್ಳಲು ಸಹಾಯ ಮಾಡುತ್ತದೆ.
2. ಲಿಪ್ ಲೈನರ್‌ನಿಂದ ತುಟಿಗಳನ್ನು ತುಂಬಿರಿ ಕೇವಲ ತುಟಿಗಳ ಅಂಚನ್ನು ಗುರುತಿಸಲು ಮಾತ್ರ ಲಿಪ್ ಲೈನರ್ ಬಳಸಬೇಡಿ. ಲಿಪ್‌ಸ್ಟಿಕ್ ಹಚ್ಚುವ ಮೊದಲು ಲೈನರ್‌ನಿಂದ ಇಡೀ ತುಟಿಗಳನ್ನು ಲಘುವಾಗಿ ತುಂಬಿಸಿ. ಇದರಿಂದ ಲಿಪ್‌ಸ್ಟಿಕ್ ಸ್ವಲ್ಪ ಮಸುಕಾದರೂ ನಿಮ್ಮ ತುಟಿಗಳ ಬಣ್ಣ ಸಮನಾಗಿ ಕಾಣುತ್ತದೆ.
3. ಸ್ಯಾಂಡ್‌ವಿಚ್ ವಿಧಾನ ಅನುಸರಿಸಿ ಇದು ಲಿಪ್‌ಸ್ಟಿಕ್ ದೀರ್ಘಕಾಲ ಉಳಿಯಲು ಮೇಕಪ್ ಎಕ್ಸ್‌ಪರ್ಟ್‌ಗಳು ಬಳಸುವ ಅತ್ಯುತ್ತಮ ವಿಧಾನ:
- ಮೊದಲ ಪದರ ಲಿಪ್‌ಸ್ಟಿಕ್ ಹಚ್ಚಿ.
- ತುಟಿಗಳ ಮೇಲೆ ತೆಳುವಾದ ಟಿಶ್ಯೂ ಪೇಪರ್ ಇಡಿ.
- ಟಿಶ್ಯೂ ಮೇಲೆ ಸ್ವಲ್ಪ ಲೂಸ್ ಪೌಡರ್ ಹಾಕಿ ಬ್ರಷ್‌ನಿಂದ ಲಘುವಾಗಿ ಒತ್ತಿ.
- ಟಿಶ್ಯೂ ತೆಗೆದು ಈಗ ಎರಡನೇ ಪದರ ಲಿಪ್‌ಸ್ಟಿಕ್ ಹಚ್ಚಿ. ಇದು ಬಣ್ಣವನ್ನು ಗಟ್ಟಿಯಾಗಿ ಲಾಕ್ ಮಾಡುತ್ತದೆ.
4. ಸೆಟ್ಟಿಂಗ್ ಸ್ಪ್ರೇ ಮೂಲಕ ಲಾಕ್ ಮಾಡಿ ಮೇಕಪ್ ಮುಗಿದ ನಂತರ ಸೆಟ್ಟಿಂಗ್ ಸ್ಪ್ರೇಯನ್ನು ಮುಖಕ್ಕೆ ಸಿಂಪಡಿಸಿ. ನಂತರ ಬೆರಳಿನಿಂದ ಅಥವಾ ಬ್ಯೂಟಿ ಬ್ಲೆಂಡರ್‌ನಿಂದ ತುಟಿಗಳ ಮೇಲೆ ಹಗುರವಾಗಿ ಒತ್ತಿ. ಇದು ಬೆವರು ಅಥವಾ ತೇವಾಂಶದಿಂದ ಲಿಪ್‌ಸ್ಟಿಕ್ ಅಳಿಸದಂತೆ ಕಾಪಾಡುತ್ತದೆ.
5. ಸ್ಟ್ರಾ ಬಳಸಿ ನೀರು ಕುಡಿಯಿರಿ ನೀರು ಅಥವಾ ಜ್ಯೂಸ್ ಕುಡಿಯುವಾಗ ನೇರವಾಗಿ ಗ್ಲಾಸ್ ಬಳಸುವ ಬದಲು ಸ್ಟ್ರಾ (Straw) ಬಳಸಿ. ಇದು ಲಿಪ್‌ಸ್ಟಿಕ್ ಮತ್ತು ಗ್ಲಾಸ್ ನಡುವಿನ ಘರ್ಷಣೆಯನ್ನು ಕಡಿಮೆ ಮಾಡುತ್ತದೆ, ಇದರಿಂದ ಬಣ್ಣ ಕಿತ್ತು ಬರುವುದಿಲ್ಲ.
ಈ ಸರಳ ವಿಧಾನಗಳನ್ನು ಬಳಸುವುದರಿಂದ ನೀವು ಪದೇ ಪದೇ ಕನ್ನಡಿ ನೋಡುವ ಅವಶ್ಯಕತೆ ಇರುವುದಿಲ್ಲ ಮತ್ತು ನಿಮ್ಮ ಅಂದ ದಿನವಿಡೀ ಹಾಗೆಯೇ ಇರುತ್ತದೆ.
