2023 ರಲ್ಲಿ ಭಾರತದಲ್ಲಿ ಕನಿಷ್ಠ 202 ಹುಲಿಗಳು ಹಾಗೂ 544 ಚಿರತೆಗಳು ಮೃತಪಟ್ಟಿದೆ ಎಂದು ವರದಿಗಳು ತಿಳಿಸಿದೆ.
ಅಖಿಲ ಭಾರತ ಹುಲಿ ಅಂದಾಜು (ಎಐಟಿಇ) -2022 ರ ಪ್ರಕಾರ, ದೇಶದಲ್ಲಿ ಒಟ್ಟು 3,682 ದೊಡ್ಡ ಹುಲಿಗಳಿದೆ. 2023 ರಲ್ಲಿ 202 ಹುಲಿಗಳು ಸಾವನ್ನಪ್ಪಿದೆ ಎಂದು ತಿಳಿಸಿದೆ. ಜನವರಿ 1, 2023 ರಿಂದ ಡಿಸೆಂಬರ್ 24 ರವರೆಗೆ 202 ಸಾವುಗಳು ಸಂಭವಿಸಿವೆ ಮತ್ತು ಹುಲಿ ಮತ್ತು ಚಿರತೆ ಸಾವುಗಳನ್ನು ಮೇಲ್ವಿಚಾರಣೆ ಮಾಡುವ ವನ್ಯಜೀವಿ ಸಂರಕ್ಷಣಾ ಸಂಸ್ಥೆಯಾದ ವೈಲ್ಡ್ಲೈಫ್ ಪ್ರೊಟೆಕ್ಷನ್ ಸೊಸೈಟಿ ಆಫ್ ಇಂಡಿಯಾ (ಡಬ್ಲ್ಯುಪಿಎಸ್ಐ) ಬಹಿರಂಗಪಡಿಸಿದೆ.
ಮಹಾರಾಷ್ಟ್ರದಿಂದ ಅತಿದೊಡ್ಡ ಕೊಡುಗೆ ಬಂದಿದೆ, ಅಲ್ಲಿ ವರ್ಷದಲ್ಲಿ 52 ಹುಲಿಗಳು ಸಾವನ್ನಪ್ಪಿವೆ ಎಂದು ವರದಿಯಾಗಿದೆ. ಮಧ್ಯ ಭಾರತದ ರಾಜ್ಯವಾದ ಮಧ್ಯಪ್ರದೇಶವು 47 ಸಾವುಗಳೊಂದಿಗೆ ಎರಡನೇ ಸ್ಥಾನದಲ್ಲಿದೆ.ಮಹಾರಾಷ್ಟ್ರದ ಒಟ್ಟು ಸಾವುಗಳಲ್ಲಿ ಅರ್ಧದಷ್ಟು ಚಂದ್ರಾಪುರ ಮತ್ತು ಗಡ್ಚಿರೋಲಿ ಜಿಲ್ಲೆಗಳಲ್ಲಿ ವರದಿಯಾಗಿವೆ.
ಈ ವರ್ಷದ ಜನವರಿ 1 ರಿಂದ ಡಿಸೆಂಬರ್ 24 ರವರೆಗೆ ಕನಿಷ್ಠ 544 ಚಿರತೆಗಳು ಸಾವನ್ನಪ್ಪಿವೆ ಎಂದು ವರದಿಯಾಗಿದೆ. 544 ಚಿರತೆಗಳ ಪೈಕಿ 152 ಚಿರತೆಗಳನ್ನು ಬೇಟೆಗಾರರು ಕೊಂದಿದ್ದಾರೆ ಎಂದು ವರದಿಗಳು ತಿಳಿಸಿದೆ.
