ದಪ್ಪ, ಹೊಳಪಾದ ಮತ್ತು ಬಲವಾದ ಕೂದಲನ್ನು ಎಲ್ಲರೂ ಇಷ್ಟಪಡುತ್ತಾರೆ. ಆದರೆ ಬೇಸಿಗೆಯ ಋತುವಿನಲ್ಲಿ ಕೂದಲಿನ ರಕ್ಷಣೆ ಬಹಳ ಮುಖ್ಯ. ಬಿಸಿಲಿನಿಂದ ಕೂದಲು ನಿರ್ಜೀವವಾಗುತ್ತದೆ. ಈ ಸಂದರ್ಭದಲ್ಲಿ ಹೆಚ್ಚುವರಿ ಆರೈಕೆಯ ಅಗತ್ಯವಿದೆ.
ಸೂರ್ಯನ ಬೆಳಕು, ಮಾಲಿನ್ಯ, ಕೊಳೆ, ತಪ್ಪು ಆಹಾರ ಪದ್ಧತಿಗಳಿಂದ ಕೂದಲು ಕೂಡ ನಿರ್ಜೀವವಾಗುತ್ತದೆ. ಈ ಸುಡುವ ಬೇಸಿಗೆಯಲ್ಲಿ ಕೂದಲನ್ನು ಹೇಗೆ ಆರೋಗ್ಯವಾಗಿರಿಸಿಕೊಳ್ಳಬಹುದು ಎಂಬುದನ್ನು ನೋಡೋಣ.
ಕೂದಲನ್ನು ಕವರ್ ಮಾಡಿ – ಬೇಸಿಗೆಯಲ್ಲಿ ಕೂದಲು ಬಲವಾದ ಸೂರ್ಯನ ಬೆಳಕಿನಿಂದ ಹಾನಿಗೊಳಗಾಗಬಹುದು. ಹಾಗಾಗಿ ಕೂದಲನ್ನು ಸ್ಟೋಲ್, ಕ್ಯಾಪ್ ಅಥವಾ ಛತ್ರಿಯಿಂದ ಮುಚ್ಚಬೇಕು. ಇದರಿಂದ ಕೂದಲು ಸುರಕ್ಷಿತವಾಗಿರುತ್ತದೆ.
ಕೂದಲನ್ನು ಟ್ರಿಮ್ ಮಾಡಿ – ಕೂದಲು ಆರೋಗ್ಯಕರವಾಗಿರಲು ಅದನ್ನು ನಿಯಮಿತವಾಗಿ ಟ್ರಿಮ್ ಮಾಡುವುದು ಅವಶ್ಯಕ. ಇದರಿಂದ ಕೂದಲು ಸೀಳುವ ಸಮಸ್ಯೆ ಬರುವುದಿಲ್ಲ ಮತ್ತು ಕೂದಲು ಫ್ರೆಶ್‌ ಆಗಿ ಕಾಣುತ್ತದೆ. ಅದಕ್ಕಾಗಿಯೇ ತಿಂಗಳಿಗೊಮ್ಮೆ ಕೂದಲು ಟ್ರಿಮ್ಮಿಂಗ್ ಮಾಡಬೇಕು.
ತಲೆ ಸ್ನಾನಕ್ಕೂ ಮುನ್ನ ಎಣ್ಣೆಯನ್ನು ಹಚ್ಚಿ – ನಿರ್ಜೀವ ಕೂದಲನ್ನು ತೊಳೆಯುವ ಮೊದಲು ತೆಂಗಿನ ಎಣ್ಣೆ ಹಚ್ಚಿ ಚೆನ್ನಾಗಿ ಮಸಾಜ್ ಮಾಡಿ. ಎಣ್ಣೆಯಿಂದ ಮಸಾಜ್ ಮಾಡಿದ ನಂತರ ಕನಿಷ್ಠ ಒಂದು ಗಂಟೆಯ ಬಳಿಕ ಕೂದಲನ್ನು ತೊಳೆಯಿರಿ. ನಿಮ್ಮ ಕೂದಲು ತುಂಬಾ ಡ್ರೈ ಆಗಿದ್ದರೆ ಹಿಂದಿನ ರಾತ್ರಿ ಎಣ್ಣೆ ಮಸಾಜ್ ಮಾಡಿ ಮತ್ತು ಮರುದಿನ ಶಾಂಪೂ ಹಾಕಿಕೊಂಡು ಸ್ನಾನ ಮಾಡುವುದು ಉತ್ತಮ. ಇದು ನಿಮ್ಮ ಕೂದಲಿಗೆ ಉತ್ತಮ ತೇವಾಂಶವನ್ನು ನೀಡುತ್ತದೆ.
ಉತ್ತಮ ಶಾಂಪೂ ಮತ್ತು ಕಂಡೀಷನರ್ ಬಳಸಿ – ಯಾವುದೇ ಸಮಯದಲ್ಲಾದರೂ ತಲೆಸ್ನಾನಕ್ಕೆ ಉತ್ತಮ ಶಾಂಪೂ ಮತ್ತು ಕಂಡಿಷನರ್ ಬಳಸಬೇಕು. ರಾಸಾಯನಿಕಗಳನ್ನು ಹೊಂದಿರದ ಮತ್ತು ನೈಸರ್ಗಿಕ ಪದಾರ್ಥಗಳಿಂದ ತಯಾರಿಸಿದ ಶಾಂಪೂ ಮತ್ತು ಕಂಡಿಷನರ್ ಅನ್ನು ಆಯ್ಕೆ ಮಾಡಿಕೊಳ್ಳಿ. ಇದು ನಿಮ್ಮ ಕೂದಲಿನ ಶುಷ್ಕತೆಯನ್ನು ಕಡಿಮೆ ಮಾಡುತ್ತದೆ ಮತ್ತು ಕೂದಲನ್ನು ಹೈಡ್ರೀಕರಿಸುತ್ತದೆ.
