ಜೈನ ಸಮುದಾಯಕ್ಕೆ ಹೊಸ ಆಚಾರ್ಯರ ನೇಮಕವಾಗಿದೆ. ಮಧ್ಯಪ್ರದೇಶದ ದಾಮೋಹ್ ಜಿಲ್ಲೆಯ ಕುಂದಲ್‌ಪುರ ಯಾತ್ರಾ ಪ್ರದೇಶದಲ್ಲಿ ನಡೆದ ಈ ಐತಿಹಾಸಿಕ ಕ್ಷಣಕ್ಕೆ ಲಕ್ಷಾಂತರ ಜನರು ಸಾಕ್ಷಿಯಾದರು. ಜೈನ ಮುನಿಗಳಾದ ಸಮಯ ಸಾಗರ್ ಜಿ ಮಹಾರಾಜ್ ಹೊಸ ಆಚಾರ್ಯ ಹುದ್ದೆಯನ್ನು ವಹಿಸಿಕೊಂಡಿದ್ದಾರೆ. ಈಗ ಅವರು ಸಮಾಧಿಷ್ಠ ಆಚಾರ್ಯ ವಿದ್ಯಾಸಾಗರ ಮಹಾರಾಜರ ಉತ್ತರಾಧಿಕಾರಿಯಾಗಿ ಆಚಾರ್ಯ ಹುದ್ದೆಯನ್ನು ಅಲಂಕರಿಸಲಿದ್ದಾರೆ.
ಈ ಸಂದರ್ಭದಲ್ಲಿ ಆರ್‌ಎಸ್‌ಎಸ್‌ ಮುಖ್ಯಸ್ಥ ಮೋಹನ್ ಭಾಗವತ್, ಮಧ್ಯಪ್ರದೇಶ ಸಿಎಂ ಡಾ. ಮೋಹನ್ ಯಾದವ್, ಮಧ್ಯಪ್ರದೇಶ ಸರ್ಕಾರದ ಹಲವು ಸಚಿವರು ಮತ್ತು ಲಕ್ಷಾಂತರ ಜೈನ ಅನುಯಾಯಿಗಳು ಉಪಸ್ಥಿತರಿದ್ದರು. ಆಚಾರ್ಯ ವಿದ್ಯಾಸಾಗರ್ ಅವರು ಸಮಾಧಿ ತೆಗೆದುಕೊಳ್ಳುವ ಮೊದಲೇ ಆಚಾರ್ಯ ಹುದ್ದೆಯ ಎಲ್ಲಾ ಜವಾಬ್ದಾರಿಗಳನ್ನು ಸಮಯ ಸಾಗರ್ ಮಹಾರಾಜರಿಗೆ ವಹಿಸಿದ್ದರು.
ಸಮಯ ಸಾಗರ್ ಜಿ ಮಹಾರಾಜರ ಆಚಾರ್ಯ ಪಾದಾರೋಹಣದ ಸಂದರ್ಭದಲ್ಲಿ ಎಲ್ಲಾ ಜೈನ ಸನ್ಯಾಸಿಗಳು ಮತ್ತು ಸಂಘದ ಮುಖ್ಯಸ್ಥ ಮೋಹನ್ ಭಾಗವತ್, ಅವರನ್ನು ಆಸನಕ್ಕೆ ಕರೆದೊಯ್ದರು. ನಂತರ ಸಮಯ ಸಾಗರ್ ಮಹಾರಾಜ್ ಜಿ ಅವರ ಪಾದಗಳನ್ನು ಚಿನ್ನ ಮತ್ತು ಬೆಳ್ಳಿಯ ಪಾತ್ರೆಗಳಲ್ಲಿ ತುಂಬಿದ ನೀರಿನಿಂದ ತೊಳೆಯಲಾಯಿತು. ನಂತರ ಮುನಿ ಸಂಘವು ಸಮಯ ಸಾಗರ್ ಮಹಾರಾಜರನ್ನು ಹುದ್ದೆಯನ್ನು ಸ್ವೀಕರಿಸಲು ವಿನಂತಿಸಿತು, ಅದನ್ನು ಅವರು ಒಪ್ಪಿಕೊಂಡರು. ಇದಾದ ಬಳಿಕ ಶಾಸ್ತ್ರೋಕ್ತವಾಗಿ ಆಚಾರ್ಯರ ಹುದ್ದೆಯನ್ನು ವಹಿಸಿಕೊಳ್ಳುವ ಪ್ರಕ್ರಿಯೆ ಆರಂಭವಾಯಿತು. ಸಮಯ ಸಾಗರ್ ಮಹಾರಾಜನಿಗೆ 5 ಚಿನ್ನದ ಕಲಶಗಳನ್ನು ಸ್ಥಾಪಿಸಿ ಪೂಜಿಸಲಾಯಿತು.
ಜೈನ ಧರ್ಮದ ಮುಂದಿನ ಸಂತ, ಶಿರೋಮಣಿ ಆಚಾರ್ಯ ಸಮಯ ಸಾಗರ್ ಜಿ ಮಹಾರಾಜ್, ಸಮಾಧಿಷ್ಠ ಆಚಾರ್ಯ ಶ್ರೀ ವಿದ್ಯಾಸಾಗರ್ ಜಿ ಮಹಾರಾಜ್ ಅವರ ಕಿರಿಯ ಸಹೋದರ. ಆಚಾರ್ಯ ಸಮಯ ಸಾಗರ್ ಜಿ ಮಹಾರಾಜ್ ಅವರಿಗೆ ಪ್ರಸ್ತುತ 65 ವರ್ಷ. ಅವರು 27 ಅಕ್ಟೋಬರ್ 1958 ರಂದು ಕರ್ನಾಟಕದ ಬೆಳಗಾವಿಯಲ್ಲಿ ಜನಿಸಿದರು. ತಂದೆ ಮಲ್ಲಪ್ಪಾಜಿ ಜೈನ್ ಮತ್ತು ತಾಯಿ ಶ್ರೀಮಂತಿ ಜೀ ಜೈನ್.
ಶಾಂತಿ ಶಿರೋಮಣಿ ಆಚಾರ್ಯ ಸಮಯ ಸಾಗರ್ ಜಿ ಮಹಾರಾಜ್ ಅವರು 1975ರ ಮೇ 2ರಂದು ಬ್ರಹ್ಮಚರ್ಯದ ಪ್ರತಿಜ್ಞೆ ಮಾಡಿದರು. ಡಿಸೆಂಬರ್ 18 ದೀಕ್ಷೆಯನ್ನು ಪಡೆದರು. ನಂತರ 1978ರಲ್ಲಿ ಜೈನ ಸಿದ್ಧ ಕ್ಷೇತ್ರ ನೈನಗಿರಿ ಜಿಯಲ್ಲಿ ಸಹ ದೀಕ್ಷೆ ಪಡೆದರು. ಬಳಿಕ 1980ರಲ್ಲಿ ಜೈನ ಮುನಿ ದೀಕ್ಷೆಯನ್ನು ಪಡೆದುಕೊಂಡಿದ್ದರು.
