ಬ್ಲ್ಯಾಕ್ ಫಾರೆಸ್ಟ್ ಕೇಕ್ ತಿನ್ನದೆ ಇರುವವರು ಯಾರಿದ್ದಾರೆ? ಇಲ್ಲ ಎನ್ನುವ ಉತ್ತರ ಬಹುಶಃ ಸಿಗದೇ ಇರಬಹುದು. ಆದರೆ ಈ ಕೇಕ್ ನ ಮೂಲ ಎಷ್ಟು ಜನರಿಗೆ ತಿಳಿದಿದೆ?
ಬ್ಲ್ಯಾಕ್ ಫಾರೆಸ್ಟ್ ಕೇಕ್ ನ ಮೂಲ ಜರ್ಮನಿ. ಬ್ಲ್ಯಾಕ್ ಫಾರೆಸ್ಟ್ ಎನ್ನುವುದು ಜರ್ಮನಿಯ ದಟ್ಟವಾದ ಅರಣ್ಯ ಪ್ರದೇಶ. ಸೂರ್ಯನ ಕಿರಣಗಳು ನೆಲದ ಮೇಲೆ ಬೀಳದೇ ಇರುವಷ್ಟು ದಟ್ಟವಾದ ಹಸಿರು ಇಲ್ಲಿ ಅವಿತುಕೊಂಡಿದೆ.
ಈ ಬ್ಲ್ಯಾಕ್ ಫಾರೆಸ್ಟ್ ನ ಪರ್ವತ ಶ್ರೇಣಿಯಲ್ಲಿ ಸಿಗುವ ಚೆರ್ರಿ ಹಣ್ಣಿನಿಂದ ಒಂದು ಬಗೆಯ ಮದ್ಯವನ್ನು ತಯಾರು ಮಾಡಲಾಗುತ್ತದೆ. ಈ ಮದ್ಯವನ್ನು ಕೇಕ್ ತಯಾರಿಸುವಾಗ ಸಾಮಾನ್ಯವಾಗಿ ಬಳಸುವುದರಿಂದ ಬ್ಲ್ಯಾಕ್ ಫಾರೆಸ್ಟ್ ಎಂಬ ಹೆಸರು ಬಂತು. ಕೇಕ್ ನ ಪದರಗಳ ನಡುವೆ ಚೆರ್ರಿ ಹಣ್ಣನ್ನು ಸಹಾ ಧಾರಾಳವಾಗಿ ಬಳಸುತ್ತಾರೆ.
