ಮಾರ್ಚ್ 15 ಅಂದ್ರೆ ವಿಶ್ವ ಗ್ರಾಹಕ ಹಕ್ಕುಗಳ ದಿನ. ಈ ದಿನ ಯಾಕೆ ಆಚರಿಸ್ತಾರೆ ಅಂತ ನಿಮಗೆ ಗೊತ್ತಾ? ಗ್ರಾಹಕರನ್ನ ಮೋಸ ಮಾಡೋಕೆ ಬಿಡಬಾರದು, ಅವರ ಹಕ್ಕುಗಳ ಬಗ್ಗೆ ಜಾಗೃತಿ ಮೂಡಿಸಬೇಕು ಅಂತ. ಅಷ್ಟೇ ಅಲ್ಲ, ಜಾಗತಿಕ ಮಾರುಕಟ್ಟೆಯಲ್ಲಿರೋ ಮೋಸಗಳ ಬಗ್ಗೆ ಎಲ್ಲರಿಗೂ ತಿಳಿಸಬೇಕು.
ನಮ್ಮ ದೇಶದಲ್ಲಿ, ಜಗತ್ತಿನಲ್ಲಿ ಗ್ರಾಹಕರು ತಮ್ಮ ಹಕ್ಕುಗಳಿಗಾಗಿ ಧ್ವನಿ ಎತ್ತುತ್ತಿದ್ದಾರೆ. ಅವರಿಗೆ ನ್ಯಾಯ ಬೇಕು, ರಕ್ಷಣೆ ಬೇಕು. ಯಾವುದೇ ಕಾರಣಕ್ಕೂ ಅವರ ಹಕ್ಕುಗಳನ್ನ ಕಸಿಯೋಕೆ ಬಿಡಬಾರದು.
ಈ ದಿನದ ಇತಿಹಾಸ ಏನು ಅಂತ ನೋಡೋದಾದ್ರೆ, ಅಮೆರಿಕಾದ ಅಧ್ಯಕ್ಷ ಜಾನ್ ಫಿಟ್ಜ್ ಗೆರಾಲ್ಡ್ ಕೆನಡಿ 1962ರ ಮಾರ್ಚ್ 15ರಂದು ಅಮೆರಿಕಾದ ಕಾಂಗ್ರೆಸ್‌ನಲ್ಲಿ ಗ್ರಾಹಕರ ಹಕ್ಕುಗಳ ಬಗ್ಗೆ ಮಾತಾಡಿದ್ರು. ಅದಾದ 20 ವರ್ಷಗಳ ನಂತರ, 1983ರ ಮಾರ್ಚ್ 15ರಂದು ಮೊದಲ ಬಾರಿಗೆ ಈ ದಿನವನ್ನ ಆಚರಿಸಲಾಯಿತು. ಕೆನಡಿ ಅವರು ಗ್ರಾಹಕರ ಹಕ್ಕುಗಳ ಬಗ್ಗೆ ಮಾತಾಡಿದ ಮೊದಲ ನಾಯಕ.
ಇವತ್ತು ಕಾಸು ಮಾಡೋಕೆ ಏನ್ ಬೇಕಾದ್ರೂ ಮಾಡ್ತಾರೆ. ಗ್ರಾಹಕರ ಹಕ್ಕುಗಳನ್ನ ತುಳಿಯೋಕೆ ನೋಡ್ತಾರೆ. ಅದಕ್ಕೆ ಈ ದಿನವನ್ನ ಆಚರಿಸೋದು ತುಂಬಾ ಮುಖ್ಯ. ಈ ದಿನ ಗ್ರಾಹಕರಿಗೆ ತಮ್ಮ ಹಕ್ಕುಗಳ ಬಗ್ಗೆ ತಿಳಿಸೋಕೆ ಒಂದು ವೇದಿಕೆ ಸಿಗುತ್ತೆ.
2025ಕ್ಕೆ ಈ ದಿನದ ಥೀಮ್ ಏನು ಗೊತ್ತಾ ? ‘ಸುಸ್ಥಿರ ಜೀವನ ಶೈಲಿಗೆ ನ್ಯಾಯಯುತ ಪರಿವರ್ತನೆ’. ಅಂದ್ರೆ, ಎಲ್ಲರಿಗೂ ಸುಸ್ಥಿರ ವಸ್ತುಗಳು ಸಿಗಬೇಕು, ಕೈಗೆಟಕುವ ದರದಲ್ಲಿ ಸಿಗಬೇಕು, ಅವರ ಅಗತ್ಯತೆಗಳಿಗೆ ತಕ್ಕಂತೆ ಇರಬೇಕು.
ನಿಮಗೆ ಗೊತ್ತಿರಲಿ, ಗ್ರಾಹಕರಿಗೆ ಕೆಲವು ಮುಖ್ಯ ಹಕ್ಕುಗಳಿವೆ. ಅಪಾಯಕಾರಿ ವಸ್ತುಗಳಿಂದ ರಕ್ಷಣೆ ಪಡೆಯೋ ಹಕ್ಕು, ವಸ್ತುಗಳ ಬಗ್ಗೆ ಸರಿಯಾದ ಮಾಹಿತಿ ಪಡೆಯೋ ಹಕ್ಕು, ನಮಗೆ ಇಷ್ಟವಾದ ವಸ್ತುಗಳನ್ನ ಆಯ್ಕೆ ಮಾಡೋ ಹಕ್ಕು, ನಮ್ಮ ಸಮಸ್ಯೆಗಳನ್ನ ಹೇಳಿಕೊಳ್ಳೋ ಹಕ್ಕು, ಮೋಸ ಆದ್ರೆ ಪರಿಹಾರ ಪಡೆಯೋ ಹಕ್ಕು, ಬುದ್ಧಿವಂತಿಕೆಯಿಂದ ಕೊಳ್ಳೋಕೆ ಶಿಕ್ಷಣ ಪಡೆಯೋ ಹಕ್ಕು.
ಹಾಗಾಗಿ, ಗ್ರಾಹಕರೇ ಎಚ್ಚರ! ನಿಮ್ಮ ಹಕ್ಕುಗಳ ಬಗ್ಗೆ ತಿಳಿದುಕೊಳ್ಳಿ, ಮೋಸ ಹೋಗ್ಬೇಡಿ, ಧ್ವನಿ ಎತ್ತಿ!”
Loading ...
