ಬಿಹಾರದ ನಲಂದಾ ಜಿಲ್ಲೆಯಲ್ಲಿ ಅಮಾನವೀಯ ಘಟನೆಯೊಂದು ನಡೆದಿದ್ದು, ಮಹಿಳೆಯೊಬ್ಬಳ ದೇಹವನ್ನು ಹತ್ತು ಮೊಳೆಗಳನ್ನು ಕಾಲಿಗೆ ಹೊಡೆದು ಕೊಲೆ ಮಾಡಲಾಗಿದೆ. ನಲಂದಾ ಜಿಲ್ಲೆಯ ಚಂಡಿ ಪೊಲೀಸ್ ಠಾಣೆಯ ವ್ಯಾಪ್ತಿಯ ಬಹದ್ದೂರ್‌ಪುರ ಗ್ರಾಮದಲ್ಲಿ ಈ ಘಟನೆ ಬುಧವಾರ ನಡೆದಿದೆ. ಸ್ಥಳೀಯ ಗ್ರಾಮಸ್ಥರು ದೇಹವನ್ನು ಕಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
ಚಂಡಿ ಪೊಲೀಸ್ ಠಾಣೆಯು ಬುಧವಾರ ಬೆಳಿಗ್ಗೆ ಬಹದ್ದೂರ್‌ಪುರ ಗ್ರಾಮದ ರಸ್ತೆಯ ಬಳಿಯ ಹೊಲದಲ್ಲಿ ಶವವಿದೆ ಎಂಬ ಮಾಹಿತಿಯನ್ನು ಪಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಪೊಲೀಸರು ಸ್ಥಳಕ್ಕೆ ತಲುಪಿದಾಗ, ಗುರುತು ಪತ್ತೆಯಾಗದ ಮಹಿಳೆಯ ಕಾಲಿಗೆ 10 ಮೊಳೆಗಳನ್ನು ಹೊಡೆಯಲಾಗಿತ್ತು. ಪೊಲೀಸರು ದೇಹವನ್ನು ವಶಪಡಿಸಿಕೊಂಡು ಮರಣೋತ್ತರ ಪರೀಕ್ಷೆಗಾಗಿ ಬಿಹಾರಶರೀಫ್ ಸದರ್ ಆಸ್ಪತ್ರೆಗೆ ಕಳುಹಿಸಿದ್ದಾರೆ.
ಹಿಲ್ಸಾ ಡಿಎಸ್‌ಪಿ ಸುಮಿತ್ ಕುಮಾರ್ ಮಾತನಾಡಿ, “ಮೃತ ಮಹಿಳೆಯ ವಯಸ್ಸು 25-30 ವರ್ಷಗಳ ನಡುವೆ ಇರಬಹುದು ಮತ್ತು ಆಕೆಯ ಕಾಲುಗಳಿಗೆ ಮೊಳೆಗಳನ್ನು ಹೊಡೆಯಲಾಗಿತ್ತು, ಆದರೆ ಆಕೆಯ ದೇಹದ ಬಲಗೈಯಲ್ಲಿ ಸೂಜಿ ಗುರುತುಗಳೂ ಇದ್ದವು. ಈವರೆಗೆ ದೇಹವನ್ನು ಗುರುತಿಸಲಾಗಿಲ್ಲ. ಈ ಮಾಹಿತಿಯನ್ನು ಜಿಲ್ಲೆ ಮತ್ತು ನೆರೆಯ ಜಿಲ್ಲೆಗಳಿಗೆ ಕಳುಹಿಸಲಾಗಿದೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ” ಎಂದು ತಿಳಿಸಿದ್ದಾರೆ.
ಚಂಡಿ ಪೊಲೀಸ್ ಠಾಣೆಯ ಎಸ್‌ಎಚ್‌ಒ ಸುಮನ್ ಕುಮಾರ್ ಮಾತನಾಡಿ, “ಮಹಿಳೆ ಬಹದ್ದೂರ್‌ಪುರ ಗ್ರಾಮದ ಬಳಿ ರಸ್ತೆಯ ಬದಿಯಲ್ಲಿ ಹೇಗೆ ಸಿಕ್ಕಿಕೊಂಡಳು ಎಂಬುದನ್ನು ನಿರ್ಧರಿಸಲು ತನಿಖೆ ನಡೆಯುತ್ತಿದೆ. ಮಹಿಳೆಯನ್ನು ಕೊಲೆ ಮಾಡುವ ಮೊದಲು ಅತ್ಯಾಚಾರ ಮಾಡಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ. ಈ ಘಟನೆ ಬಳಿಕ ಬಿಹಾರ ವಿಧಾನಸಭೆಯ ವಿರೋಧ ಪಕ್ಷದ ನಾಯಕ ತೇಜಸ್ವಿ ಯಾದವ್ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ ಮತ್ತು ಸದನದಲ್ಲೂ ಈ ವಿಷಯವನ್ನು ಪ್ರಸ್ತಾಪಿಸಿದ್ದಾರೆ.
ಮುಖ್ಯಮಂತ್ರಿ ನಿತೀಶ್ ತಮ್ಮ ಸ್ವಂತ ಜಿಲ್ಲೆಯಲ್ಲಿ ಮಹಿಳೆಯರನ್ನು ರಕ್ಷಿಸಲು ವಿಫಲರಾಗಿದ್ದಾರೆ ಎಂದು ಅವರು ಆರೋಪಿಸಿದರು. ತೇಜಸ್ವಿ ತಮ್ಮ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ ಪೋಸ್ಟ್ ಅನ್ನು ಅಪ್‌ಲೋಡ್ ಮಾಡಿದ್ದಾರೆ, “ಮಹಿಳೆಯರ ವಿರುದ್ಧದ ಅಪರಾಧಗಳಲ್ಲಿ ಬಿಹಾರವು ಉನ್ನತ ರಾಜ್ಯಗಳಲ್ಲಿ ಒಂದಾಗಿದೆ. ಸಿಎಂ ನಾಚಿಕೆಪಡಬೇಕು. ತಮ್ಮ ಸ್ವಂತ ಜಿಲ್ಲೆಯಲ್ಲೂ ಈ ಆತ್ಮವನ್ನು ಕಲಕುವ ಭೀಕರ ಘಟನೆಯಿಂದ ಯಾರಾದರೂ ಬಾಧಿತರಾಗದಿದ್ದರೆ, ಅವರು ಮನುಷ್ಯರಲ್ಲ” ಎಂದು ಹೇಳಿದ್ದಾರೆ.
VIDEO | Bihar: Hilsa DSP Sumit Kumar on murder of a woman, whose body was found with nine nails hammered into her foot soles, says, “At about 9.30 am on March 5, the Chandi Police Station received an information about body of an unknown woman being recovered in Bahadurpur… pic.twitter.com/GE2crveqBF
— Press Trust of India (@PTI_News) March 6, 2025
महिला अत्याचार और उत्पीड़न में बिहार शीर्ष राज्यों में है। मुख्यमंत्री श्री नीतीश कुमार को शर्म है कि आती ही नहीं! उनके गृह जिला में घटित इस रूह कंपकंपाने वाले वीभत्स कांड और दरिंदगी से भी अगर किसी को कोई फर्क नहीं पड़ता तो वह इंसान है नहीं!
वैसे इस घटना को भी बेशर्म भाजपाई और… pic.twitter.com/JebH6v3hnL
— Tejashwi Yadav (@yadavtejashwi) March 6, 2025
