ವಿದೇಶದಲ್ಲಿ ನಡೆದ ಆಘಾತಕಾರಿ ಘಟನೆಯೊಂದರಲ್ಲಿ, 23 ವರ್ಷದ ಯುವತಿಯೊಬ್ಬರು ತಮ್ಮ ದೇಹದೊಳಗೆ ಲೈಂಗಿಕ ಅಟಿಕೆ ಇದೆ ಎಂಬುದನ್ನು ಮರೆತು MRI ಸ್ಕ್ಯಾನ್ ಗೆ ಒಳಗಾಗಿದ್ದು, ಆ ಸಮಯದಲ್ಲಿ ತನ್ನ ದೇಹದೊಳಗೆ ಸೇರಿಸಿದ್ದ ಲೈಂಗಿಕ ಆಟಿಕೆಯಿಂದಾಗಿ ಗಂಭೀರ ಗಾಯಗಳಿಂದ ಬಳಲುತ್ತಿದ್ದಾರೆ.
ಸಿಲಿಕೋನ್ ನಿಂದ ತಯಾರಿಸಲಾಗಿದೆ ಎಂದು ನಂಬಿದ್ದ ಈ ಆಟಿಕೆಯಲ್ಲಿ ಲೋಹದ ಕೋರ್ ಇದ್ದಿದ್ದು, MRI ಸ್ಕ್ಯಾನರ್‌ನ ಶಕ್ತಿಶಾಲಿ ಕಾಂತೀಯ ಕ್ಷೇತ್ರದಿಂದಾಗಿ ಆಕೆಯ ದೇಹದೊಳಗೆ ಎಳೆದೊಯ್ಯಲ್ಪಟ್ಟಿದೆ.
ಈ ಘಟನೆಯು 2023ರ ಏಪ್ರಿಲ್‌ನಲ್ಲಿ ಸಂಭವಿಸಿದ್ದು, ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿರುವ ಒಂದು ಸ್ಕ್ಯಾನ್ ಚಿತ್ರದಿಂದಾಗಿ ಬಹಿರಂಗಗೊಂಡಿದೆ.
MRI ಸ್ಕ್ಯಾನ್‌ಗೆ ಒಳಗಾಗುವ ಮೊದಲು ರೋಗಿಯನ್ನು ಪರೀಕ್ಷಿಸಿದಾಗ ಆಕೆ ತನ್ನ ದೇಹದಲ್ಲಿ ಯಾವುದೇ ಲೋಹದ ವಸ್ತು ಇಲ್ಲ ಎಂದು ಹೇಳಿದ್ದರು. ಆದರೆ ಸ್ಕ್ಯಾನ್ ಪ್ರಾರಂಭವಾದಾಗ ರೋಗಿಯು ತೀವ್ರ ನೋವಿನಿಂದ ಕೂಗಾಡಿದ್ದು, ವೈದ್ಯಕೀಯ ತಂಡವು ತಕ್ಷಣವೇ ಸ್ಕ್ಯಾನ್ ಅನ್ನು ನಿಲ್ಲಿಸಿದೆ. ರೋಗಿಯನ್ನು ತುರ್ತು ಆಸ್ಪತ್ರೆಗೆ ಸಾಗಿಸಲಾಯಿತು.
MRI ಸ್ಕ್ಯಾನರ್‌ಗಳು ಶಕ್ತಿಶಾಲಿ ಕಾಂತೀಯ ಕ್ಷೇತ್ರಗಳನ್ನು ಬಳಸುತ್ತವೆ, ಇದು ಲೋಹವನ್ನು ಬಲವಾಗಿ ಆಕರ್ಷಿಸುತ್ತದೆ. ಲೋಹದ ವಸ್ತುಗಳು MRI ಸ್ಕ್ಯಾನರ್‌ನೊಳಗೆ ಇದ್ದರೆ ಅವು ಅತಿ ವೇಗದಲ್ಲಿ ಚಲಿಸಬಹುದು ಮತ್ತು ದೇಹಕ್ಕೆ ಗಂಭೀರ ಗಾಯಗಳನ್ನು ಉಂಟುಮಾಡಬಹುದು.
ಈ ಘಟನೆಯು MRI ಸ್ಕ್ಯಾನ್‌ಗೆ ಒಳಗಾಗುವ ಮೊದಲು ತಮ್ಮ ದೇಹದಲ್ಲಿ ಯಾವುದೇ ಲೋಹದ ವಸ್ತು ಇದೆಯೇ ಎಂದು ವೈದ್ಯರಿಗೆ ತಿಳಿಸುವುದು ಎಷ್ಟು ಮುಖ್ಯ ಎಂಬುದನ್ನು ಎತ್ತಿ ತೋರಿಸುತ್ತದೆ. ಇದರಲ್ಲಿ ಲೈಂಗಿಕ ಆಟಿಕೆಗಳು, ಟ್ಯಾಟೂಗಳಲ್ಲಿನ ಲೋಹದ ಕಣಗಳು, ಮತ್ತು ಇತರ ಸಣ್ಣ ಲೋಹದ ವಸ್ತುಗಳು ಸೇರಿವೆ.
ಲಾಂಕಾಸ್ಟರ್ ವಿಶ್ವವಿದ್ಯಾನಿಲಯದ ಮಾನವ ಅಂಗರಚನಾಶಾಸ್ತ್ರ ತಜ್ಞ ಪ್ರೊಫೆಸರ್ ಆಡಮ್ ಟೇಲರ್ ಅವರ ಪ್ರಕಾರ, ಈ ರೀತಿಯ ಘಟನೆಗಳು ಅಪರೂಪವಾಗಿದ್ದರೂ, ರೋಗಿಗಳು ತಮ್ಮ ದೇಹದಲ್ಲಿ ಯಾವುದೇ ಲೋಹದ ವಸ್ತು ಇದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳುವುದು ಬಹಳ ಮುಖ್ಯ.
