ಒಂದು ಕುಟುಂಬದ ಜನರು ಒಂದೇ ಹಲ್ಲುಜ್ಜುವ ಬ್ರಷ್ ಅನ್ನು ಬಳಸಬಹುದು ಮತ್ತು ನೈರ್ಮಲ್ಯವನ್ನು ಕಾಪಾಡಿಕೊಳ್ಳಬಹುದು ಎಂದು ಡೆಂಟಿಸ್ಟ್ ಶಿಫಾರಸು ಮಾಡುತ್ತಾರೆ. ಇದು ವಿಲಕ್ಷಣವಾಗಿ ತೋರುತ್ತದೆಯಾದರೂ, ವೈರಲ್ ಟಿಕ್‌ಟಾಕ್ ವೀಡಿಯೊದಲ್ಲಿ ಕುಟುಂಬಗಳು ಹಲ್ಲುಜ್ಜುವ ಬ್ರಷ್ ಅನ್ನು ಹಂಚಿಕೊಳ್ಳುವ ಅತ್ಯಂತ ಆರೋಗ್ಯಕರ ವಿಧಾನವನ್ನು ತಜ್ಞರು ವಿವರಿಸಿದ್ದಾರೆ.
ಜೆಸ್ಸಿಕಾ ಓ’ಕಾನ್ನರ್ ಎಂದು ಹೆಸರಿಸಲಾದ ದಂತವೈದ್ಯರು ಇದನ್ನು ತಿಳಿಸಿದ್ದಾರೆ. ಹಲ್ಲಿನ ಉತ್ಪನ್ನಗಳಿಗೆ ಕಡಿಮೆ ಹಣವನ್ನು ಖರ್ಚು ಮಾಡಲು ಪರಿಣಾಮಕಾರಿ ಮಾರ್ಗವನ್ನು ಹುಡುಕಲು ಬಯಸುತ್ತೀರಾ ಎಂದು ಬಳಕೆದಾರರನ್ನು ಕೇಳುವ ಮೂಲಕ ಅವರು ವಿಡಿಯೋ ಆರಂಭಿಸಿದ್ದಾರೆ. “ಹಣ ಉಳಿಸಲು ನೀವು ಹಲ್ಲುಜ್ಜುವ ಬ್ರಷ್ ಅನ್ನು ಹಂಚಿಕೊಳ್ಳಬಹುದು ಎಂದು ನಿಮಗೆ ತಿಳಿದಿದೆಯೇ? ಎಂದಿರುವ ಜೆಸ್ಸಿಕಾ ತಮ್ಮ ಬಹಳಷ್ಟು ರೋಗಿಗಳಿಗೆ ಈ ವಿಧಾನವನ್ನು ಈಗಾಗಲೇ ಶಿಫಾರಸು ಮಾಡಿದ್ದೇನೆ ಎಂದು ವಿವರಿಸಿದ್ದಾರೆ.
ಜನರು ಎಲೆಕ್ಟ್ರಿಕ್ ಟೂತ್ ಬ್ರಷ್ ಅನ್ನು ಬಳಸಬೇಕೆಂದು ಅವರು ಒತ್ತಾಯಿಸುತ್ತಾರೆ ಮತ್ತು ಅದನ್ನು ವೆಚ್ಚ-ಪರಿಣಾಮಕಾರಿ ರೀತಿಯಲ್ಲಿ ಹೇಗೆ ಮಾಡಬಹುದು ಎಂಬುದನ್ನು ತಿಳಿಸಿದ್ದಾರೆ. “ನಾನು ಯಾವಾಗಲೂ ಎಲೆಕ್ಟ್ರಿಕ್ ಟೂತ್ ಬ್ರಷ್ ಅನ್ನು ಪಡೆಯಲು ಶಿಫಾರಸು ಮಾಡುತ್ತೇವೆ. ಅದರಲ್ಲಿ ಕೆಳಗಿನ ಭಾಗ ಒಂದೇ ಇರುತ್ತದೆ. ಮೇಲಿನ ಭಾಗ ಬೇರೆ ಬೇರೆ ಇರುತ್ತದೆ. ಹಲ್ಲುಜ್ಜುವ ಭಾಗ ಬೇರೆ ಬೇರೆ ಇರುವ ಎಲೆಕ್ಟ್ರಿಕಲ್ ಟೂಥ್ಬ್ರಷ್ ಬಳಸಬಹುದು ಎಂಬುದು ನನ್ನ ಸಲಹೆ ಎಂದಿದ್ದಾರೆ.
