ಬೆಂಗಳೂರು: ಪ್ರತಿಷ್ಠಿತ ಕಂಪನಿಯಲ್ಲಿ 9 ರಿಂದ 5 ರವರೆಗೆ ಕೆಲಸ ಮಾಡಿ ಸಾಕಾಗಿದೆಯೇ? ಅಥವಾ ಕೆಲಸ ಕಳೆದುಕೊಂಡು ಹೊಸ ದಾರಿ ಹುಡುಕುತ್ತಿದ್ದೀರಾ? ಹಾಗಿದ್ದರೆ ನಿಮಗೊಂದು ನ್ಯೂಸ್ ಇನ್ನೇನು ಬಿರು ಬೇಸಿಗೆ ಆರಂಭವಾಗುತ್ತಿದೆ, ಈ ಸಮಯದಲ್ಲಿ ಬೆಂಗಳೂರಿನಂತಹ ಮಹಾನಗರಗಳಲ್ಲಿ ಚಿನ್ನಕ್ಕಿಂತಲೂ ನೀರಿಗೆ ಡಿಮ್ಯಾಂಡ್ ಹೆಚ್ಚು. ಕೇವಲ ಅಲ್ಪ ಹೂಡಿಕೆಯೊಂದಿಗೆ ಮಿನರಲ್ ವಾಟರ್ (Mineral Water) ಉದ್ಯಮ ಆರಂಭಿಸಿ, ನೀವೂ ಒಬ್ಬ ಯಶಸ್ವಿ ಉದ್ಯಮಿಯಾಗಬಹುದು.
ವರ್ಷಕ್ಕೆ 20% ಬೆಳವಣಿಗೆ ಕಾಣುತ್ತಿರುವ ಬ್ಲೂ ಓಷನ್ ಉದ್ಯಮ
ನೀರಿನ ವ್ಯವಹಾರವು ಎಂದಿಗೂ ನಷ್ಟವಿಲ್ಲದ ಕ್ಷೇತ್ರ. ಅಂಕಿಅಂಶಗಳ ಪ್ರಕಾರ, ಭಾರತದಲ್ಲಿ ಬಾಟಲಿ ನೀರಿನ ಮಾರುಕಟ್ಟೆ ವಾರ್ಷಿಕವಾಗಿ ಶೇ. 20 ಕ್ಕಿಂತ ಹೆಚ್ಚು ವೇಗವಾಗಿ ಬೆಳೆಯುತ್ತಿದೆ. ದೊಡ್ಡ ದೊಡ್ಡ ಕಂಪನಿಗಳು ಈ ನೀರಿನ ಬಾಟಲಿಗಳನ್ನು ಮಾರಿ ಕೋಟಿಗಟ್ಟಲೆ ಗಳಿಸುತ್ತಿವೆ. ಈಗ ಆ ಸಾಲಿಗೆ ಸೇರುವ ಸರದಿ ನಿಮ್ಮದು
ಉದ್ಯಮ ಆರಂಭಿಸಲು ಬೇಕಾದ ಮಾಸ್ಟರ್ ಪ್ಲಾನ್ ಇಲ್ಲಿದೆ:
ನೀವು ಒಂದು ಸಣ್ಣ ವಾಟರ್ ಪ್ಲಾಂಟ್ ಸ್ಥಾಪಿಸಲು ಮೊದಲು ಈ ಕೆಳಗಿನ ಸಿದ್ಧತೆ ಮಾಡಿಕೊಳ್ಳಬೇಕು:
ಸ್ಥಳ: 1000 ದಿಂದ 1500 ಚದರ ಅಡಿ ಜಾಗ (ನಿಮ್ಮ ಸ್ವಂತ ಮನೆಯಲ್ಲಿದ್ದರೂ ಓಕೆ). ಮುಖ್ಯವಾಗಿ ಟಿಡಿಎಸ್ (TDS) ಮಟ್ಟ ಹೆಚ್ಚಿಲ್ಲದ ಸ್ಥಳ ಆರಿಸಿಕೊಂಡರೆ ಶುದ್ಧೀಕರಣ ಸುಲಭ.
ದಾಖಲೆಗಳು: ಕಂಪನಿ ಕಾಯ್ದೆಯಡಿ ನೋಂದಣಿ, ಜಿಎಸ್‌ಟಿ (GST), ಪ್ಯಾನ್ ಕಾರ್ಡ್ ಮತ್ತು ಅತಿ ಮುಖ್ಯವಾಗಿ ISI ಪ್ರಮಾಣೀಕರಣ ಪಡೆಯಲೇಬೇಕು.
ಯಂತ್ರೋಪಕರಣಗಳು: ವಾಣಿಜ್ಯ ಬಳಕೆಯ ಆರ್‌ಒ (RO) ಫಿಲ್ಟರ್‌ಗಳು. ಇವುಗಳ ಬೆಲೆ ಸುಮಾರು ₹50,000 ದಿಂದ ₹2 ಲಕ್ಷದವರೆಗೆ ಇರುತ್ತದೆ.
ಹೂಡಿಕೆ ಮತ್ತು ಸಾಲದ ಸೌಲಭ್ಯ
ಒಂದು ಸುಸಜ್ಜಿತ ವಾಟರ್ ಪ್ಲಾಂಟ್ ಸ್ಥಾಪಿಸಲು ಅಂದಾಜು ₹4 ರಿಂದ ₹5 ಲಕ್ಷ ಬೇಕಾಗುತ್ತದೆ. ನಿಮ್ಮ ಬಳಿ ಅಷ್ಟು ಹಣವಿಲ್ಲದಿದ್ದರೆ ಚಿಂತಿಸಬೇಡಿ, ಈ ಉದ್ಯಮಕ್ಕಾಗಿ ಬ್ಯಾಂಕ್‌ಗಳಿಂದ ಸುಲಭವಾಗಿ ಬಿಸಿನೆಸ್ ಲೋನ್ ಪಡೆಯಬಹುದು.
ಲಾಭದ ಲೆಕ್ಕಾಚಾರ: ತಿಂಗಳಿಗೆ ₹3 ಲಕ್ಷ ಗಳಿಸುವುದು ಹೇಗೆ?
ನಿಮ್ಮ ಬಳಿ ಕೇವಲ 400 ಕಾಯಂ ಗ್ರಾಹಕರಿದ್ದಾರೆ ಎಂದು ಭಾವಿಸೋಣ.ದಿನಕ್ಕೆ ಒಬ್ಬರಿಗೆ ಒಂದರಂತೆ 25 ಲೀಟರ್‌ನ ಒಂದು ಕ್ಯಾನ್ ಪೂರೈಸಿದರೆ, ಒಂದು ಕ್ಯಾನ್‌ಗೆ ₹25 ದರ ವಿಧಿಸಿದರೂ ದಿನಕ್ಕೆ ₹10,000 ಆದಾಯ ಬರುತ್ತದೆ.
ಅಂದರೆ ತಿಂಗಳಿಗೆ ₹3,00,000 ವಹಿವಾಟು ನಿರ್ವಹಣಾ ವೆಚ್ಚ ಕಳೆದರೂ ನಿಮ್ಮ ಕೈಯಲ್ಲಿ ಕನಿಷ್ಠ ₹1.5 ರಿಂದ ₹2 ಲಕ್ಷ ನಿವ್ವಳ ಲಾಭ ಉಳಿಯುವುದು ಖಚಿತ.
