ಪೈಪ್​ ಹಿಡಿದು ತಾನೇ ಸ್ನಾನ ಮಾಡುವ ಆನೆ: ಕ್ಯೂಟ್​ ವಿಡಿಯೋ ವೈರಲ್​

ಥಾಯ್ಲೆಂಡ್‌ನಿಂದ ಆನೆಯೊಂದು ಕಬ್ಬಿನ ಟ್ರಕ್​ಗಳನ್ನು ನಿಲ್ಲಿಸಿ ಕಬ್ಬನ್ನು ತಿಂದು ನಂತರ ಟ್ರ್ಯಾಕ್ಟರ್​ ಅನ್ನು ಮುಂದಕ್ಕೆ ಬಿಡುವ ವಿಡಿಯೋ ಬಹಳ ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದೆ. ಅದೇ ರೀತಿ ಇದೀಗ ಮತ್ತೊಂದು ವೀಡಿಯೊ ವೈರಲ್ ಆಗಿದೆ.

ಇದರಲ್ಲಿ ಆನೆ ಸ್ನಾನ ಮಾಡುವುದನ್ನು ನೋಡಬಹುದು. ಹಳ್ಳ, ಕೊಳ್ಳಗಳಲ್ಲಿ ಆನೆ ಸ್ನಾನ ಮಾಡುವುದನ್ನು ನೀವು ಸಾಮಾನ್ಯವಾಗಿ ನೋಡಿರಬಹುದು. ಅಥವಾ ಬೇರೆ ಯಾರಾದರೂ ಇದಕ್ಕೆ ಪೈಪ್​ಮೂಲಕ ಸ್ನಾನ ಮಾಡಿಸುವುದನ್ನೂ ನೋಡಿರಬಹುದು. ಆದರೆ ಇದು ಬಹಳ ವಿಭಿನ್ನ ಮನಮೋಹನ ಸ್ನಾನವಾಗಿದೆ.

ಏಕೆಂದರೆ ಈ ವೀಡಿಯೋದಲ್ಲಿ, ಆನೆಯು ನೀರಿನ ಪೈಪ್ ಅನ್ನು ಹಿಡಿದು ಸ್ನಾನ ಮಾಡುವುದನ್ನು ನೋಡಬಹುದು. ತನ್ನ ಸೊಂಡಿಲಿನಿಂದ ಪೈಪ್​ ಹಿಡಿದು ಮನುಷ್ಯರ ಸಹಾಯವಿಲ್ಲದೆ, ತನ್ನ ದೇಹದ ಎಲ್ಲಾ ಭಾಗಗಳಿಗೆ ನೀರನ್ನು ಸಿಂಪಡಿಸಿಕೊಂಡು ಸ್ನಾನ ಮಾಡಿದೆ. ಇದನ್ನು ನೋಡಿ ಸೋ ಕ್ಯೂಟ್​ ಎನ್ನುತ್ತಿದ್ದಾರೆ ನೆಟ್ಟಿಗರು. ಈ ವಿಡಿಯೋವನ್ನು ಐಎಫ್​ಎಸ್​ ಅಧಿಕಾರಿ ಸುಶಾಂತ್​ ನಂದಾ ಅವರು ಟ್ವೀಟ್ ಮಾಡಿದ್ದಾರೆ.

I don’t support keeping wild in confinement,
But support the intelligence of elephants…marvellous creatures.
Here taking a bath on his own 😊😊 pic.twitter.com/jZvhF3OJRM

— Susanta Nanda IFS (Retd) (@susantananda3) March 11, 2023