ಇರಾನ್ನ ಎರಡನೇ ಅತಿದೊಡ್ಡ ನಗರವಾದ ಮಶಾದ್ನಲ್ಲಿ ನಡೆದ ಪ್ರತಿಭಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ವಿಡಿಯೋದಲ್ಲಿ ಮಹಿಳೆಯೊಬ್ಬರು ಬಟ್ಟೆ ಕಳಚಿ ಪೊಲೀಸ್ ಕಾರಿನ ಮೇಲೆ ಹತ್ತಿ ಪ್ರತಿಭಟನೆ ನಡೆಸುತ್ತಿರುವುದು ಕಂಡುಬಂದಿದೆ.
ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾದ ವಿಡಿಯೋದಲ್ಲಿ, ಮಹಿಳೆ ಜನಸಂದಣಿಯ ಬೀದಿಗಳಲ್ಲಿ ಕಾರಿನ ಮುಂಭಾಗದಲ್ಲಿ ನಿಂತು, ಸಶಸ್ತ್ರ ಅಧಿಕಾರಿಗಳನ್ನು ಕೂಗುತ್ತಿರುವುದು ಮತ್ತು ನಂತರ ವಿಂಡ್ಶೀಲ್ಡ್ ಮೇಲೆ ಹತ್ತಿ ದಿಕ್ಕರಿಸುವ ಹೇಳಿಕೆ ಮಾಡುತ್ತಿರುವುದು ಕಂಡುಬಂದಿದೆ. ಅಧಿಕಾರಿಗಳು ಆಕೆಯನ್ನು ಕೆಳಗಿಳಿಸಲು ಪ್ರಯತ್ನಿಸಿದರೂ, ಆಕೆ ನಿರಾಕರಿಸುತ್ತಾಳೆ.
ಯುರೋನ್ಯೂಸ್ ವರದಿ ಪ್ರಕಾರ, ಸ್ವಯಂಚಾಲಿತ ಆಯುಧವನ್ನು ಹೊಂದಿರುವ ಪುರುಷ ಅಧಿಕಾರಿ, ಮಹಿಳೆಯ ಬೆತ್ತಲೆ ಕಾರಣದಿಂದಾಗಿ ಆಕೆಯನ್ನು ಬಂಧಿಸಲು ಹಿಂಜರಿಯುತ್ತಾನೆ.
ಆಕೆಯ ಈ ಕೃತ್ಯದ ಹಿಂದಿನ ನಿಖರವಾದ ಕಾರಣ ತಿಳಿದಿಲ್ಲವಾದರೂ, ಸಾಮಾಜಿಕ ಮಾಧ್ಯಮ ವರದಿಗಳ ಪ್ರಕಾರ, ಅವರು ಇರಾನ್ನಲ್ಲಿ ಮಹಿಳೆಯರ ಮೇಲೆ ಹೆಚ್ಚುತ್ತಿರುವ ದಬ್ಬಾಳಿಕೆಯ ಕಾನೂನುಗಳನ್ನು ವಿರೋಧಿಸುತ್ತಿದ್ದರು. ಮಹಿಳೆಯ ದಿಟ್ಟ ಪ್ರತಿಭಟನೆ ಮಿಶ್ರ ಪ್ರತಿಕ್ರಿಯೆಗಳನ್ನು ಹುಟ್ಟುಹಾಕಿದೆ. ಕೆಲವರು ಆಕೆಯ ಮಾನಸಿಕ ಆರೋಗ್ಯದ ಬಗ್ಗೆ ಊಹಾಪೋಹಗಳನ್ನು ನಡೆಸುತ್ತಿದ್ದಾರೆ, ಮತ್ತೆ ಕೆಲವರು ಆಕೆಯನ್ನು ದೇಶದ ದಬ್ಬಾಳಿಕೆಯ ಕಾನೂನುಗಳ ವಿರುದ್ಧ ಪ್ರತಿರೋಧದ ಸಂಕೇತವೆಂದು ಶ್ಲಾಘಿಸಿದ್ದಾರೆ.
ಈ ಘಟನೆಯು ಇರಾನ್ನಲ್ಲಿ ನಡೆಯುತ್ತಿರುವ ದೊಡ್ಡ ಚಳವಳಿಯ ಭಾಗವಾಗಿದೆ, ಅಲ್ಲಿ ಮಹಿಳೆಯರು ನೈತಿಕ ಪೋಲೀಸ್ ಮೂಲಕ ಜಾರಿಗೊಳಿಸುವ ಕಟ್ಟುನಿಟ್ಟಿನ ಡ್ರೆಸ್ ಕೋಡ್ ಅನ್ನು ವಿರೋಧಿಸುತ್ತಿದ್ದಾರೆ. ಈ ಹಿಂದೆ, ಟೆಹ್ರಾನ್ ವಿಶ್ವವಿದ್ಯಾನಿಲಯದಲ್ಲಿ ಮಹಿಳೆಯೊಬ್ಬರು ತಮ್ಮ ಒಳಉಡುಪುಗಳಲ್ಲಿ ಬೀದಿಗಳಿದು ಪ್ರತಿಭಟಿಸಿದ್ದರು, ಇದು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕ ಚರ್ಚೆಗೆ ಕಾರಣವಾಗಿತ್ತು.
ಮತ್ತೊಂದು ಘಟನೆಯಲ್ಲಿ, ಮಹಿಳೆಯೊಬ್ಬರು ಮೆಹ್ರಾಬಾದ್ ವಿಮಾನ ನಿಲ್ದಾಣದಲ್ಲಿ ಮೌಲ್ವಿಯನ್ನು ಎದುರಿಸಿದ್ದು, ವಿಡಿಯೋದಲ್ಲಿ, ಮಹಿಳೆ ಮೌಲ್ವಿಯ ಟರ್ಬನ್ ತೆಗೆದು, “ಈಗ ನಿಮಗೆ ಗೌರವವಿದೆಯೇ ?” ಎಂದು ಕೂಗುತ್ತಿರುವುದು ಕಂಡುಬಂದಿತ್ತು.
ಈ ಪ್ರತಿಭಟನೆಯು ಅಂತರಾಷ್ಟ್ರೀಯ ಗಮನವನ್ನು ಸೆಳೆದಿದ್ದು, ಅನೇಕರು ಇರಾನಿನ ಮಹಿಳೆಯರು ತಮ್ಮ ಹಕ್ಕುಗಳಿಗಾಗಿ ಹೋರಾಡುತ್ತಿರುವುದಕ್ಕೆ ಬೆಂಬಲ ವ್ಯಕ್ತಪಡಿಸಿದ್ದಾರೆ. ಈ ಮಹಿಳೆಯರ ಧೈರ್ಯ ನಿಜಕ್ಕೂ ಸ್ಫೂರ್ತಿದಾಯಕ. ಇದು ಸರ್ವಾಧಿಕಾರದ ವಿರುದ್ಧ ಬಲವಾದ ಹೇಳಿಕೆ. ಅವರು ದಬ್ಬಾಳಿಕೆಯಿಂದ ಮುಕ್ತರಾಗುತ್ತಾರೆ ಎಂದು ನಾನು ಭಾವಿಸುತ್ತೇನೆ ಎಂದು ಒಬ್ಬ ಬಳಕೆದಾರರು X ನಲ್ಲಿ ಬರೆದಿದ್ದಾರೆ.
ಕಳೆದ ವರ್ಷ ಡಿಸೆಂಬರ್ನಲ್ಲಿ, ಇರಾನ್ ಶಾಸಕಾಂಗವು “ಪಾವಿತ್ರ್ಯ ಮತ್ತು ಹಿಜಾಬ್” ಮಸೂದೆಯನ್ನು ಅಂಗೀಕರಿಸಿದ್ದು, ಇದು ತಮ್ಮ ಕೂದಲು, ತೋಳು ಮತ್ತು ಕಾಲುಗಳನ್ನು ಪ್ರದರ್ಶಿಸುವಂತೆ ಉಡುಪು ಧರಿಸುವ ಮಹಿಳೆಯರು ಮತ್ತು ಹುಡುಗಿಯರಿಗೆ ಕಠಿಣ ಶಿಕ್ಷೆಗಳು ಮತ್ತು ದಂಡಗಳನ್ನು ಪರಿಚಯಿಸುತ್ತದೆ. ಆದಾಗ್ಯೂ, ಕಾರ್ಯಕರ್ತ ಗುಂಪುಗಳು ಮತ್ತು ಅಮ್ನೆಸ್ಟಿ ಇಂಟರ್ನ್ಯಾಷನಲ್ ಸೇರಿದಂತೆ ಮಾನವ ಹಕ್ಕುಗಳ ಸಂಸ್ಥೆಗಳಿಂದ ಅಂತರಾಷ್ಟ್ರೀಯ ಆಕ್ರೋಶದ ಹಿನ್ನೆಲೆಯಲ್ಲಿ ಮಸೂದೆಯನ್ನು ತಡೆಹಿಡಿಯಲಾಗಿದೆ.
