ಅಮೆರಿಕದ ಮಿಸಿಸ್ಸಿಪ್ಪಿ ಹಾಗೂ ಅಲಬಾಮಾ ರಾಜ್ಯಗಳನ್ನು ಅಕ್ಷರಶಃ ನಲುಗಿಸಿರುವ ಚಂಡಮಾರುತದ ಅಬ್ಬರಕ್ಕೆ 26 ಮಂದಿ ಮೃತಪಟ್ಟಿದ್ದಾರೆ. ಇದೇ ವೇಳೆ, ಚಂಡಮಾರುತವು ಶಾಲೆಯೊಂದಕ್ಕೆ ಅಪ್ಪಳಿಸುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಮಿಸಿಸ್ಸಿಪ್ಪಿ ರಾಜ್ಯದಲ್ಲಿರುವ ಅಮೋರಿ ಪ್ರೌಢಶಾಲೆ ಈ ಚಂಡಮಾರುತಕ್ಕೆ ಪೀಡಿತವಾಗಿದ್ದು, ಶಾಲೆಯ ಐಟಿ ನಿರ್ದೇಶಕ ಸ್ಯಾಮ್ ಸ್ಟ್ರಿಕ್‌ಲ್ಯಾಂಡ್ ಈ ವಿಡಿಯೋ ತುಣುಕನ್ನು ಹಂಚಿಕೊಂಡಿದ್ದಾರೆ.
ಶಾಲೆಯ ಆಸ್ತಿ ಪಾಸ್ತಿಗೆ ಹಾನಿಯಾಗಿದ್ದರೂ ಸಹ ದೀಪಗಳು ಉರಿಯುತ್ತಲೇ ಇದ್ದು, ಚಂಡಮಾರುತದಿಂದ ಆದ ಹಾನಿ ಯಾವ ಮಟ್ಟಿಗೆ ಇದೆ ಎಂದು ಕಣ್ಣಿಗೆ ಕಟ್ಟಿಕೊಟ್ಟಿವೆ.
ಚಂಡಮಾರುತಕ್ಕೆ ತುತ್ತಾದ ಪ್ರದೇಶಗಳಲ್ಲಿ ತುರ್ತು ಪರಿಸ್ಥಿತಿಯನ್ನು ಅಧ್ಯಕ್ಷ ಜೋ ಬಿಡೆನ್ ಘೋಷಿಸಿದ್ದಾರೆ.
Security camera video inside Amory High School (MS) last night… Video from Sam Strickland pic.twitter.com/WgoePQIOXB
— James Spann (@spann) March 25, 2023
