ಸಣ್ಣ ವ್ಯಾಪಾರಿಗಳ ಮೇಲೆ UPI MDR ಹೊರೆಯಾಗಲ್ಲ, ಡಿಜಿಟಲ್ ಪಾವತಿಯೂ ದುಬಾರಿಯಾಗುವುದಿಲ್ಲ: NPCI ಸ್ಪಷ್ಟನೆ

ನವದೆಹಲಿ: UPI MDR ಸಣ್ಣ ವ್ಯಾಪಾರಿಗಳ ಮೇಲೆ ಹೊರೆಯಾಗುವುದಿಲ್ಲ ಅಥವಾ ಡಿಜಿಟಲ್ ಪಾವತಿಗಳನ್ನು ದುಬಾರಿಯನ್ನಾಗಿ ಮಾಡುವುದಿಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ

UPI ಮರ್ಚೆಂಟ್ ಡಿಸ್ಕೌಂಟ್ ರೇಟ್ ಅಥವಾ MDR ಮೇಲಿನ GST ಸಣ್ಣ ವ್ಯಾಪಾರಿಗಳ ಮೇಲೆ ಹೊರೆಯಾಗುವುದಿಲ್ಲ ಅಥವಾ ಡಿಜಿಟಲ್ ಪಾವತಿಗಳನ್ನು ದುಬಾರಿಯನ್ನಾಗಿ ಮಾಡುವುದಿಲ್ಲ ಎಂದು ಸರ್ಕಾರ ಇಂದು ಸ್ಪಷ್ಟಪಡಿಸಿದೆ.

ಸಾಮಾಜಿಕ ಮಾಧ್ಯಮ ಪೋಸ್ಟ್‌ ನಲ್ಲಿ, ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ(NPCI) ಅಂತಹ ಮಾಧ್ಯಮ ವರದಿಗಳನ್ನು ತಪ್ಪು ಎಂದು ಕರೆದಿದೆ. ಎರಡು ಸಾವಿರ ರೂಪಾಯಿಗಳಿಗಿಂತ ಹೆಚ್ಚಿನ ವ್ಯಕ್ತಿಯಿಂದ ವ್ಯಾಪಾರಿಗೆ ನಡೆಯುವ ವಹಿವಾಟುಗಳಿಗೆ ಮಾತ್ರ MDR ಅನ್ವಯಿಸುತ್ತದೆ ಎಂದು ಹೇಳಿದೆ. ಎರಡು ಸಾವಿರ ರೂಪಾಯಿಗಳವರೆಗಿನ ವ್ಯಕ್ತಿಯಿಂದ ವ್ಯಾಪಾರಿಗೆ ನಡೆಯುವ ವಹಿವಾಟುಗಳು ಶೂನ್ಯ MDR ಅನ್ನು ಹೊಂದಿವೆ ಮತ್ತು ಆದ್ದರಿಂದ ಶೂನ್ಯ GST ಪರಿಣಾಮ ಬೀರುತ್ತದೆ ಎಂದು ಹೇಳಿದೆ.

ಎರಡು ಸಾವಿರ ರೂಪಾಯಿಗಳವರೆಗಿನ ವಹಿವಾಟುಗಳು UPI ವ್ಯಾಪಾರಿ ವಹಿವಾಟಿನ ಪರಿಮಾಣದ ಶೇಕಡ 96 ಕ್ಕಿಂತ ಹೆಚ್ಚು ಎಂದು NPCI ಹೇಳಿದೆ. ವ್ಯಾಪಾರಿ MDR ಮೇಲೆ ಪಾವತಿಸುವ GST ಅನ್ನು ಸರಕುಗಳ ಮಾರಾಟದ ಮೇಲೆ ಪಾವತಿಸಬೇಕಾದ GST ಗೆ ವಿರುದ್ಧವಾಗಿ ಸರಿಹೊಂದಿಸಲಾಗುತ್ತದೆ, ಇನ್‌ ಪುಟ್ ತೆರಿಗೆಗಳನ್ನು ಔಟ್‌ ಪುಟ್ ತೆರಿಗೆ ಹೊಣೆಗಾರಿಕೆಗೆ ಹೊಂದಿಸುವ ರೀತಿಯಲ್ಲಿಯೇ. ಒಂದು ಲಕ್ಷ ರೂಪಾಯಿಗಳವರೆಗಿನ ಮಾಸಿಕ UPI ರಶೀದಿಗಳನ್ನು ಹೊಂದಿರುವ ವ್ಯಾಪಾರಿಗಳು MDR ಪಾವತಿಸಲು ಹೊಣೆಗಾರರಲ್ಲ ಎಂದು NPCI ಹೇಳಿದೆ.

UPI ಮರ್ಚೆಂಟ್ ಡಿಸ್ಕೌಂಟ್ ರೇಟ್ (MDR) ಮೇಲಿನ GST ಸಣ್ಣ ವ್ಯಾಪಾರಿಗಳಿಗೆ ಹೊರೆಯಾಗುತ್ತದೆ ಮತ್ತು ಡಿಜಿಟಲ್ ಪಾವತಿಗಳನ್ನು ದುಬಾರಿಯಾಗಿಸುತ್ತದೆ ಎಂದು ಕೆಲವು ಮಾಧ್ಯಮ ವರದಿಗಳು ಆರೋಪಿಸಿವೆ. ಇದು ಸರಿಯಲ್ಲ.

MDR ಕೇವಲ 2,000 ರೂಪಾಯಿಗಿಂತ ಹೆಚ್ಚಿನ P2M ವಹಿವಾಟುಗಳಿಗೆ ಮಾತ್ರ ಅನ್ವಯಿಸುತ್ತದೆ. 2,000 ರೂಪಾಯಿವರೆಗಿನ ವಹಿವಾಟುಗಳಿಗೆ MDR ಶೂನ್ಯವಾಗಿರುತ್ತದೆ ಮತ್ತು ಆದ್ದರಿಂದ GSTಯ ಯಾವುದೇ ಪರಿಣಾಮವಿರುವುದಿಲ್ಲ. 2,000 ರೂಪಾಯಿವರೆಗಿನ ವಹಿವಾಟುಗಳು UPI ವ್ಯಾಪಾರಿ ವಹಿವಾಟುಗಳ ಪ್ರಮಾಣದಲ್ಲಿ ಶೇ. 96 ಕ್ಕಿಂತ ಹೆಚ್ಚು ಪಾಲನ್ನು ಹೊಂದಿವೆ ಎಂದು ಸರ್ಕಾರದ ದತ್ತಾಂಶಗಳು ಸೂಚಿಸುತ್ತವೆ. ಪರಿಣಾಮವಾಗಿ, ಬಹುಪಾಲು UPI ಪಾವತಿಗಳಿಗೆ MDR ಅನ್ವಯಿಸುವುದಿಲ್ಲ ಮತ್ತು ಆದ್ದರಿಂದ MDR ಮೇಲಿನ GSTಯೂ ಇರುವುದಿಲ್ಲ ಎಂದು ಹೇಳಲಾಗಿದೆ.

ಇದಲ್ಲದೆ, ‘ಇನ್‌ ಪುಟ್ ತೆರಿಗೆ’ಯನ್ನು ‘ಔಟ್‌ಪುಟ್ ತೆರಿಗೆ’ ಹೊಣೆಗಾರಿಕೆಯೊಂದಿಗೆ ಸರಿದೂಗಿಸುವಂತೆಯೇ, ವ್ಯಾಪಾರಿಯು MDR ಮೇಲೆ ಪಾವತಿಸುವ GSTಯನ್ನು ಸರಕುಗಳ ಮಾರಾಟದ ಮೇಲೆ ಪಾವತಿಸಬೇಕಾದ GSTಯೊಂದಿಗೆ ಹೊಂದಾಣಿಕೆ ಮಾಡಲಾಗುತ್ತದೆ. ಪರಿಣಾಮವಾಗಿ, ವ್ಯಾಪಾರಿಗಳು ತಾವು ಪಾವತಿಸುವ MDR ಮೊತ್ತದ ಮೇಲಿನ GST ವೆಚ್ಚವನ್ನು ಭರಿಸಬೇಕಾಗಿರುವುದಿಲ್ಲ. ಮಾಸಿಕ 1 ಲಕ್ಷ ರೂಪಾಯಿವರೆಗೆ UPI ಮೂಲಕ ಹಣ ಸ್ವೀಕರಿಸುವ ವ್ಯಾಪಾರಿಗಳು MDR ಪಾವತಿಸುವ ಅಗತ್ಯವಿಲ್ಲ, ಆದ್ದರಿಂದ ಅವರಿಗೆ MDR ಮೇಲಿನ GSTಯ ಪ್ರಶ್ನೆಯೇ ಉದ್ಭವಿಸುವುದಿಲ್ಲ. ಆದ್ದರಿಂದ, MDR ಮೇಲಿನ GST ವ್ಯಾಪಾರಿಗಳ ಮೇಲೆ ಹೆಚ್ಚುವರಿ ಹೊರೆಯನ್ನು ಹೇರುತ್ತದೆ ಎಂಬ ಆತಂಕಗಳು ಆಧಾರರಹಿತವಾಗಿವೆ. ಬಹುಪಾಲು UPI ವಹಿವಾಟುಗಳು ಮತ್ತು ಸಣ್ಣ ವ್ಯಾಪಾರಿಗಳ ಮೇಲೆ ಇದರ ಯಾವುದೇ ಪರಿಣಾಮವಿರುವುದಿಲ್ಲ ಎಂದು NPCI ತಿಳಿಸಿದೆ.