6 ದುರುಳರಿಂದ ಅತ್ಯಾಚಾರಕ್ಕೆ ಯತ್ನದ ವೇಳೆ ಧೈರ್ಯದಿಂದ ಎದುರಿಸಿ ಪಾರಾದ ಹುಡುಗಿ: ವಿಡಿಯೋ ವೈರಲ್

ಉತ್ತರ ಪ್ರದೇಶದ ಜೌನ್‌ಪುರ ಜಿಲ್ಲೆಯ ಮಚ್ಲಿ ಸಹರ್‌ನ ರಸೂಲಾಬಾದ್‌ ನಲ್ಲಿ ಆರು ಮಂದಿ ಬಾಲಕಿಯನ್ನು ಆಕೆಯ ಮನೆಯಿಂದ ಅಪಹರಿಸಿ ಅತ್ಯಾಚಾರಕ್ಕೆ ಯತ್ನಿಸಿದ್ದಾರೆ.

ಹುಡುಗಿಯ ಮೇಲೆ ದುರುಳರು ಮುಗಿಬೀಳುವ ದೃಶ್ಯ ಕ್ಯಾಮೆರಾದಲ್ಲಿ ಕಂಡುಬಂದಿದೆ. ಭಯಾನಕ ವಿಡಿಯೋದದಲ್ಲಿ ಕನಿಷ್ಠ ನಾಲ್ವರು ಪುರುಷರು ಬಾಲಕಿಯನ್ನು ನಿಂದಿಸುವುದನ್ನು ಮತ್ತು ಬಲವಂತವಾಗಿ ಆಕೆಯ ಮೇಲೆ ಬಲಾತ್ಕಾರಕ್ಕೆ ಯತ್ನಿಸುವುದನ್ನು ತೋರಿಸಿದೆ. ಆರೋಪಿಗಳು ತನ್ನ ಕೈಯನ್ನು ತಿರುಗಿಸಿ ದೈಹಿಕವಾಗಿ ಹಲ್ಲೆ ಮಾಡಿದರೂ ಸಹ ಬಾಲಕಿ ಆರೋಪಿಗಳೊಂದಿಗೆ ಹೋರಾಡಿದ್ದಾಳೆ. ಆರೋಪಿಗಳು ತನ್ನ ಮೇಲೆ ಬಲವಂತಪಡಿಸುತ್ತಲೇ ಇದ್ದುದರಿಂದ ಹುಡುಗಿ ಸಹಾಯಕ್ಕಾಗಿ ಕೂಗುತ್ತಾಳೆ. ಆರೋಪಿಯೊಬ್ಬರು ಇಡೀ ಘಟನೆಯನ್ನು ಮೊಬೈಲ್‌ನಲ್ಲಿ ಸೆರೆಹಿಡಿಯುತ್ತಿರುವುದು ಕಂಡುಬಂದಿದೆ.

ಬಾಲಕಿ ಸಹಾಯಕ್ಕಾಗಿ ಕೂಗಾಡಿದ್ದು, ಅದನ್ನು ಕೇಳಿ ಸ್ಥಳೀಯರು ಸ್ಥಳಕ್ಕೆ ಧಾವಿಸಬಹುದೆಂಬ ಭಯದಿಂದ ಆರು ಆರೋಪಿಗಳು ಓಡಿಹೋಗಿದ್ದರಿಂದ ಬಾಲಕಿ ಆರೋಪಿಗಳಿಂದ ಪಾರಾಗುವಲ್ಲಿ ಯಶಸ್ವಿಯಾಗಿದ್ದಾಳೆ. ಎಲ್ಲಾ ಆರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದು, ಆರೋಪಿಗಳನ್ನು ಪೊಲೀಸರು ವಿಚಾರಣೆ ನಡೆಸುತ್ತಿದ್ದು, ಪ್ರಕರಣದ ತನಿಖೆ ನಡೆಯುತ್ತಿದೆ. ಘಟನೆಯ ವಿಡಿಯೋ ‘ಎಕ್ಸ್’ (ಟ್ವಿಟರ್) ನಲ್ಲಿ ವೈರಲ್ ಆಗಿದೆ.

https://twitter.com/imrankh58451712/status/1691708070391427396