ಬೆಂಗಳೂರು: ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ವೃತ್ತಿಜೀವನ ರೂಪಿಸಿಕೊಳ್ಳಲು ಬಯಸುವವರಿಗೆ ಯುಕೋ ಬ್ಯಾಂಕ್ ಭರ್ಜರಿ ಸಿಹಿಸುದ್ದಿ ನೀಡಿದೆ. 2026-27ನೇ ಸಾಲಿನ ನೇಮಕಾತಿ ಅಡಿಯಲ್ಲಿ ಚಾರ್ಟರ್ಡ್ ಅಕೌಂಟೆಂಟ್ (CA) ಹಾಗೂ ವಿವಿಧ ತಜ್ಞ ಅಧಿಕಾರಿ (Specialist Officer) ಹುದ್ದೆಗಳ ಭರ್ತಿಗೆ ಅಧಿಕೃತ ಅಧಿಸೂಚನೆ ಹೊರಡಿಸಿದೆ. ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ.
ಈ ನೇಮಕಾತಿಯ ಪ್ರಮುಖ ಮಾಹಿತಿಗಳು ಇಲ್ಲಿವೆ:
ಯಾವೆಲ್ಲಾ ಹುದ್ದೆಗಳಿವೆ? (ಒಟ್ಟು 173 ಹುದ್ದೆಗಳು)
ಈ ನೇಮಕಾತಿ ಅಭಿಯಾನದ ಮೂಲಕ ಬ್ಯಾಂಕ್ ಈ ಕೆಳಗಿನ ವಿವಿಧ ತಾಂತ್ರಿಕ ಮತ್ತು ಆಡಳಿತಾತ್ಮಕ ಹುದ್ದೆಗಳನ್ನು ಭರ್ತಿ ಮಾಡುತ್ತಿದೆ:
ಚಾರ್ಟರ್ಡ್ ಅಕೌಂಟೆಂಟ್ (CA): 75 ಹುದ್ದೆಗಳು
ಇತರ ಹುದ್ದೆಗಳು: ಟ್ರೇಡ್ ಫೈನಾನ್ಸ್ ಆಫೀಸರ್, ನೆಟ್‌ವರ್ಕ್ ಅಡ್ಮಿನಿಸ್ಟ್ರೇಟರ್, ಡೇಟಾಬೇಸ್ ಅಡ್ಮಿನಿಸ್ಟ್ರೇಟರ್, ಸಿಸ್ಟಮ್ ಅಡ್ಮಿನಿಸ್ಟ್ರೇಟರ್, ಕ್ಲೌಡ್ ಎಂಜಿನಿಯರ್, ಸೈಬರ್ ಸೆಕ್ಯುರಿಟಿ ಆಫೀಸರ್ ಮತ್ತು ಡೇಟಾ ವಿಶ್ಲೇಷಕ (Data Analyst).
ಅರ್ಹತೆ ಮತ್ತು ಅನುಭವ:
ಸಿಎ ಹುದ್ದೆ: ಐಸಿಎಐ (ICAI) ನಿಂದ ಸಿಎ ಪದವಿ ಹೊಂದಿರಬೇಕು. ಹುದ್ದೆಯ ಶ್ರೇಣಿಗೆ ಅನುಗುಣವಾಗಿ 1 ರಿಂದ 3 ವರ್ಷಗಳ ಅನುಭವದ ಅಗತ್ಯವಿದೆ.
ತಾಂತ್ರಿಕ ಹುದ್ದೆಗಳು: ಬಿಇ/ಬಿಟೆಕ್ (CS/EC/Telecom), ಎಂಸಿಎ ಅಥವಾ ಎಂಎಸ್ಸಿ ಕಂಪ್ಯೂಟರ್ ಸೈನ್ಸ್ ಪದವಿ ಜೊತೆಗೆ ಸಂಬಂಧಿತ ಕ್ಷೇತ್ರದಲ್ಲಿ ಅನುಭವವಿರಬೇಕು.
ಟ್ರೇಡ್ ಫೈನಾನ್ಸ್: ಯಾವುದೇ ಪದವಿ ಅಥವಾ ಎಂಬಿಎ ಪದವೀಧರರು 1 ವರ್ಷದ ಅನುಭವದೊಂದಿಗೆ ಅರ್ಜಿ ಸಲ್ಲಿಸಬಹುದು.
ವಯೋಮಿತಿ ಮತ್ತು ಸಂಬಳ:
ವಯಸ್ಸು: ಜನವರಿ 1, 2026 ಕ್ಕೆ ಅನ್ವಯವಾಗುವಂತೆ ಕನಿಷ್ಠ 20 ವರ್ಷ ಮತ್ತು ಗರಿಷ್ಠ 35 ವರ್ಷ (ವರ್ಗಾವಾರು ವಯೋಮಿತಿ ಸಡಿಲಿಕೆ ಇರಲಿದೆ).
ಸಂಬಳ: JMGS-: ₹48,480 ರಿಂದ ₹85,920
MMGS-II: ₹64,820 ರಿಂದ ₹93,960
ಇದರೊಂದಿಗೆ ಡಿಎ, ಎಚ್‌ಆರ್‌ಎ ಮತ್ತು ವೈದ್ಯಕೀಯ ಸೌಲಭ್ಯಗಳು ಲಭ್ಯವಿವೆ.
ಅರ್ಜಿ ಸಲ್ಲಿಸುವುದು ಹೇಗೆ?
ಬ್ಯಾಂಕಿನ ಅಧಿಕೃತ ವೆಬ್‌ಸೈಟ್ www.uco.bank.in ಗೆ ಭೇಟಿ ನೀಡಿ.
Careers ಟ್ಯಾಬ್ ಕ್ಲಿಕ್ ಮಾಡಿ, ನೇಮಕಾತಿ ಜಾಹೀರಾತು (HO/HRM/RECR/2025-26/COM-04) ಆಯ್ಕೆ ಮಾಡಿ.
Apply Online ಲಿಂಕ್ ಮೂಲಕ ಮೊದಲು ನೋಂದಣಿ ಮಾಡಿಕೊಳ್ಳಿ.
ಅಗತ್ಯ ದಾಖಲೆಗಳು, ಫೋಟೋ ಮತ್ತು ಸಹಿಯನ್ನು ಅಪ್‌ಲೋಡ್ ಮಾಡಿ ಅರ್ಜಿ ಶುಲ್ಕ ಪಾವತಿಸಿ.
ಪ್ರಮುಖ ದಿನಾಂಕಗಳು:
ಅರ್ಜಿ ಸಲ್ಲಿಸಲು ಆರಂಭದ ದಿನಾಂಕ: ಜನವರಿ 13, 2026
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಫೆಬ್ರವರಿ 2, 2026
