ಅಮೆರಿಕದ ರಾಜಕೀಯ ಅಖಾಡದಲ್ಲಿ ಈಗ ಭಾರೀ ಸಂಚಲನ ಶುರುವಾಗಿದೆ! ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಅಧಿಕಾರಕ್ಕೆ ಸವಾಲೊಡ್ಡುವ ರೀತಿಯಲ್ಲಿ 2026ರ ಮಧ್ಯಂತರ ಚುನಾವಣೆಯಲ್ಲಿ ಡೆಮಾಕ್ರಟಿಕ್ ಪಕ್ಷ ಪ್ರಮುಖ ಗೆಲುವುಗಳನ್ನು ದಾಖಲಿಸುತ್ತಿದೆ. ಅದರಲ್ಲೂ ರಿಪಬ್ಲಿಕನ್ ಪಕ್ಷದ ಭದ್ರಕೋಟೆಯಾಗಿದ್ದ ಉತ್ತರ ಕೆರೊಲಿನಾದಲ್ಲೇ ಸೆನೆಟ್ ಸ್ಥಾನವನ್ನು ಕಸಿದುಕೊಂಡಿರುವುದು ರಾಜಕೀಯ ವಲಯದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.
ಟ್ರಂಪ್ ಬೆಂಬಲಿತ ಅಭ್ಯರ್ಥಿಯನ್ನೇ ಸೋಲಿಸುವ ಮೂಲಕ ಮಾಜಿ ಗವರ್ನರ್ ರಾಯ್ ಕೂಪರ್ ಡೆಮಾಕ್ರಟಿಕ್ ಪಕ್ಷಕ್ಕೆ ದೊಡ್ಡ ಗೆಲುವು ತಂದುಕೊಟ್ಟಿದ್ದಾರೆ. ಇತ್ತ ಜಾರ್ಜಿಯಾದಲ್ಲೂ ಜಾನ್ ಒಸಾಫ್ ಮರು ಆಯ್ಕೆಯಾಗುವ ಮೂಲಕ ತಮ್ಮ ಸ್ಥಾನವನ್ನು ಉಳಿಸಿಕೊಂಡಿದ್ದಾರೆ. ನ್ಯೂ ಹ್ಯಾಂಪ್‌ಶೈರ್‌ನಲ್ಲಿ ಕ್ರಿಸ್ ಪಪ್ಪಾಸ್ ಅವರು ಮಾಜಿ ಸೆನೆಟರ್ ಜಾನ್ ಸುನುನು ಅವರನ್ನು ಸೋಲಿಸಿ ಮತ್ತೊಂದು ಪ್ರಮುಖ ಗೆಲುವು ದಾಖಲಿಸಿದ್ದಾರೆ.
ಒಂದೆಡೆ ಡೆಮಾಕ್ರಟಿಕ್ ಪಕ್ಷದ ಗೆಲುವಿನ ನಾಗಾಲೋಟ ಮುಂದುವರಿದಿದ್ದರೆ, ಮತ್ತೊಂದೆಡೆ ರಿಪಬ್ಲಿಕನ್ ಪಕ್ಷವೂ ಸೆನೆಟ್ ಮತ್ತು ಹೌಸ್‌ನ ಹಲವು ಕ್ಷೇತ್ರಗಳಲ್ಲಿ ಜಯಭೇರಿ ಬಾರಿಸಿದೆ. ಹೀಗಾಗಿ ಅಮೆರಿಕದ ಕಾಂಗ್ರೆಸ್‌ನಲ್ಲಿ ಯಾರ ಪ್ರಾಬಲ್ಯ ಮುಂದುವರಿಯಲಿದೆ ಎಂಬ ಕುತೂಹಲ ಹೆಚ್ಚಾಗಿದೆ.
ಟ್ರಂಪ್ ಅವರ ಎರಡನೇ ಅವಧಿಯ ಆಡಳಿತದ ಮುಂದಿನ ಹಾದಿಯನ್ನು ನಿರ್ಧರಿಸುವ ಈ ಚುನಾವಣೆ ಈಗ ಜಾಗತಿಕ ಗಮನ ಸೆಳೆದಿದೆ. ಕಾಂಗ್ರೆಸ್‌ನ ಹಿಡಿತವನ್ನು ಮರಳಿ ಪಡೆಯುವ ಡೆಮಾಕ್ರಟಿಕ್ ಪಕ್ಷದ ಕನಸು ನನಸಾಗುತ್ತದೆಯೇ ಅಥವಾ ರಿಪಬ್ಲಿಕನ್ ಪಕ್ಷ ತನ್ನ ಪ್ರಾಬಲ್ಯ ಉಳಿಸಿಕೊಳ್ಳುತ್ತದೆಯೇ ಎಂಬುದಕ್ಕೆ ಅಂತಿಮ ಫಲಿತಾಂಶ ಉತ್ತರ ನೀಡಲಿದೆ.
ಸೆನೆಟ್ ಚುನಾವಣೆಯಲ್ಲಿ ಗೆದ್ದವರ ಪಟ್ಟಿ
ಸೆನೆಟ್‌ನಲ್ಲಿ ರಿಪಬ್ಲಿಕನ್ ಪಕ್ಷ ಚುನಾವಣೆಗೆ ಮುನ್ನ 53-47ರ ಬಹುಮತ ಹೊಂದಿತ್ತು. ಸೆನೆಟ್‌ನ ನಿಯಂತ್ರಣ ಪಡೆಯಲು ಡೆಮಾಕ್ರಟಿಕ್ ಪಕ್ಷಕ್ಕೆ ನಾಲ್ಕು ಸ್ಥಾನಗಳ ನಿವ್ವಳ ಹೆಚ್ಚಳದ ಅಗತ್ಯವಿತ್ತು. ಉತ್ತರ ಕೆರೊಲಿನಾದಲ್ಲಿ ರಾಯ್ ಕೂಪರ್ ಗೆಲುವು ದಾಖಲಿಸಿರುವುದು ಪಕ್ಷಕ್ಕೆ ಪ್ರಮುಖ ಮುನ್ನಡೆಯಾಗಿದೆ.
ಡೆಮಾಕ್ರಟಿಕ್ ಪಕ್ಷದ ವಿಜೇತರು:
-
ರಾಯ್ ಕೂಪರ್: ಉತ್ತರ ಕೆರೊಲಿನಾ ಸೆನೆಟ್ ಕ್ಷೇತ್ರದಲ್ಲಿ ರಿಪಬ್ಲಿಕನ್ ಅಭ್ಯರ್ಥಿ ಮೈಕೆಲ್ ವಾಟ್ಲಿ ಅವರನ್ನು ಸೋಲಿಸಿ ಗೆಲುವು.
-
ಜಾನ್ ಒಸಾಫ್: ಜಾರ್ಜಿಯಾದಲ್ಲಿ ಮರು ಆಯ್ಕೆ.
-
ಕ್ರಿಸ್ ಪಪ್ಪಾಸ್: ನ್ಯೂ ಹ್ಯಾಂಪ್‌ಶೈರ್ ಸೆನೆಟ್ ಕ್ಷೇತ್ರದಲ್ಲಿ ಮಾಜಿ ಸೆನೆಟರ್ ಜಾನ್ ಸುನುನು ವಿರುದ್ಧ ಗೆಲುವು.
-
ಮಾರ್ಕ್ ವಾರ್ನರ್: ವರ್ಜೀನಿಯಾದಲ್ಲಿ ಮರು ಆಯ್ಕೆ.
-
ಕ್ರಿಸ್ ಕೂನ್ಸ್: ಡೆಲವೇರ್‌ನಲ್ಲಿ ಮರು ಆಯ್ಕೆ.
-
ಜಾಕ್ ರೀಡ್: ರೋಡ್ ಐಲೆಂಡ್‌ನಲ್ಲಿ ಮರು ಆಯ್ಕೆ.
-
ಕೋರಿ ಬುಕ್ಕರ್: ನ್ಯೂಜೆರ್ಸಿಯಲ್ಲಿ ಮರು ಆಯ್ಕೆ.
-
ಎಡ್ ಮಾರ್ಕಿ: ಮ್ಯಾಸಚೂಸೆಟ್ಸ್‌ನಲ್ಲಿ ಮರು ಆಯ್ಕೆ.
-
ಜೂಲಿಯಾನಾ ಸ್ಟ್ರಾಟನ್: ಇಲಿನಾಯ್ಸ್ ಸೆನೆಟ್ ಚುನಾವಣೆಯಲ್ಲಿ ಗೆಲುವು. ನಿವೃತ್ತರಾಗುತ್ತಿರುವ ಡಿಕ್ ಡರ್ಬಿನ್ ಅವರ ಸ್ಥಾನವನ್ನು ತುಂಬಲಿದ್ದಾರೆ.
-
ಜೇಮ್ಸ್ ಟಲಾರಿಕೊ: ಟೆಕ್ಸಾಸ್ ಸೆನೆಟ್ ಕ್ಷೇತ್ರದಲ್ಲಿ ಗೆಲುವು ಸಾಧಿಸಿ ರಿಪಬ್ಲಿಕನ್ ಪಕ್ಷದಿಂದ ಸ್ಥಾನ ಕಸಿದುಕೊಂಡಿದ್ದಾರೆ.
-
ಆನಿ ಆಂಡ್ರ್ಯೂಸ್: ದಕ್ಷಿಣ ಕೆರೊಲಿನಾ ಸೆನೆಟ್ ಚುನಾವಣೆಯಲ್ಲಿ ಲಿಂಡ್ಸೆ ಗ್ರಹಾಂ ಅವರ ಸಹೋದರಿ ಡಾರ್ಲಿನ್ ಗ್ರಹಾಂ ಅವರನ್ನು ಸೋಲಿಸಿದ್ದಾರೆ.
ರಿಪಬ್ಲಿಕನ್ ಪಕ್ಷದ ವಿಜೇತರು:
-
ಆಂಡಿ ಬಾರ್: ಕೆಂಟುಕಿಯಿಂದ ಅಮೆರಿಕ ಸೆನೆಟ್‌ಗೆ ಆಯ್ಕೆ.
-
ಆಶ್ಲೆ ಮೂಡಿ: ಫ್ಲೋರಿಡಾ ಸೆನೆಟ್ ಚುನಾವಣೆಯಲ್ಲಿ ಗೆಲುವು. ಮಾರ್ಕೊ ರೂಬಿಯೊ ವಿದೇಶಾಂಗ ಕಾರ್ಯದರ್ಶಿಯಾದ ಬಳಿಕ ತೆರವಾಗಿದ್ದ ಸ್ಥಾನವನ್ನು ಇವರು ತುಂಬಿದ್ದರು.
-
ಕೆವಿನ್ ಹರ್ನ್: ಒಕ್ಲಹೋಮಾದಿಂದ ಅಮೆರಿಕ ಸೆನೆಟ್‌ಗೆ ಆಯ್ಕೆ.
ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಚುನಾವಣೆಯಲ್ಲಿ ಗೆದ್ದವರು ಯಾರು?
ಅಮೆರಿಕದ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಚುನಾವಣೆಯಲ್ಲಿಯೂ ಡೆಮಾಕ್ರಟಿಕ್ ಮತ್ತು ರಿಪಬ್ಲಿಕನ್ ಪಕ್ಷಗಳ ನಡುವೆ ತೀವ್ರ ಪೈಪೋಟಿ ನಡೆದಿದೆ. ರಿಪಬ್ಲಿಕನ್ ಪಕ್ಷದ ಅಲ್ಪ ಬಹುಮತವನ್ನು ಕಸಿದುಕೊಳ್ಳಲು ಡೆಮಾಕ್ರಟಿಕ್ ಪಕ್ಷ ಪ್ರಯತ್ನಿಸುತ್ತಿದೆ.
ಅಸೋಸಿಯೇಟೆಡ್ ಪ್ರೆಸ್ (AP) ವರದಿಯ ಪ್ರಕಾರ, ಫ್ಲೋರಿಡಾದಲ್ಲಿ ರಿಪಬ್ಲಿಕನ್ ಪಕ್ಷ ಮರುವಿನ್ಯಾಸಗೊಳಿಸಿದ್ದ ಮೂರು ಕಾಂಗ್ರೆಸ್ ಕ್ಷೇತ್ರಗಳನ್ನು ಡೆಮಾಕ್ರಟಿಕ್ ಪಕ್ಷ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಜೇರೆಡ್ ಮೊಸ್ಕೊವಿಟ್ಜ್, ಡೆಬ್ಬಿ ವಾಸರ್‌ಮನ್ ಶುಲ್ಟ್ಜ್ ಮತ್ತು ಕ್ಯಾಥಿ ಕ್ಯಾಸ್ಟರ್ ಈ ಕ್ಷೇತ್ರಗಳಲ್ಲಿ ಗೆಲುವು ದಾಖಲಿಸಿದ್ದಾರೆ.
ಡೆಮಾಕ್ರಟಿಕ್ ಪಕ್ಷದ ವಿಜೇತರ ಪಟ್ಟಿ:
-
ಲಿಜ್ಜಿ ಪ್ಯಾನಿಲ್ ಫ್ಲೆಚರ್ – ಟೆಕ್ಸಾಸ್‌ನ 7ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಸಿಲ್ವಿಯಾ ಗಾರ್ಸಿಯಾ – ಟೆಕ್ಸಾಸ್‌ನ 29ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಕ್ವೇಸಿ ಮ್ಫುಮೆ – ಮೇರಿಲ್ಯಾಂಡ್‌ನ 7ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಆಡ್ರಿಯನ್ ಬೋಫೋ – ಮೇರಿಲ್ಯಾಂಡ್‌ನ 5ನೇ ಕ್ಷೇತ್ರದಲ್ಲಿ ಗೆಲುವು.
-
ಜೇಸನ್ ಕ್ರೋ – ಕೊಲೊರಾಡೋದ 6ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಮೆಲಿಸ್ಸಾ ಬೀನ್ – ಇಲಿನಾಯ್ಸ್‌ನ 8ನೇ ಕ್ಷೇತ್ರದಲ್ಲಿ ಗೆಲುವು.
-
ಜೆರೆಮಿ ಮಾಸ್ – ಮಿಚಿಗನ್‌ನ 11ನೇ ಕ್ಷೇತ್ರದಲ್ಲಿ ಗೆಲುವು.
-
ಗ್ರೇಸ್ ಮೆಂಗ್ – ನ್ಯೂಯಾರ್ಕ್‌ನ 6ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಮೆಲಟ್ ಕೈರೋಸ್ – ಕೊಲೊರಾಡೋದ 1ನೇ ಕ್ಷೇತ್ರದಲ್ಲಿ ಗೆಲುವು.
-
ಸ್ಟೆಫಾನಿ ಶಾಹೀನ್ – ನ್ಯೂ ಹ್ಯಾಂಪ್‌ಶೈರ್‌ನ 1ನೇ ಕ್ಷೇತ್ರದಲ್ಲಿ ಗೆಲುವು.
-
ಕ್ರಿಸ್ಸಿ ಹೌಲಹಾನ್ – ಪೆನ್ಸಿಲ್ವೇನಿಯಾದ 6ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಜೇಮಿ ರಾಸ್ಕಿನ್ – ಮೇರಿಲ್ಯಾಂಡ್‌ನ 8ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಜೋಶ್ ಗೊಥೈಮರ್ – ನ್ಯೂಜೆರ್ಸಿಯ 5ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಪಿಯಾ ದಾಂಡಿಯಾ – ಫ್ಲೋರಿಡಾದ 22ನೇ ಕ್ಷೇತ್ರದಲ್ಲಿ ಗೆಲುವು.
-
ಜೇಮ್ಸ್ ವಾಕಿನ್‌ಶಾ – ವರ್ಜೀನಿಯಾದ 11ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಮೈಕ್ ಕ್ವಿಗ್ಲಿ – ಇಲಿನಾಯ್ಸ್‌ನ 5ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಕ್ಲೇರ್ ವಾಲ್ಡೆಜ್ – ನ್ಯೂಯಾರ್ಕ್‌ನ 7ನೇ ಕ್ಷೇತ್ರದಲ್ಲಿ ಗೆಲುವು.
-
ವೆರೋನಿಕಾ ಎಸ್ಕೋಬಾರ್ – ಟೆಕ್ಸಾಸ್‌ನ 16ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ರಿಚಿ ಟೊರೆಸ್ – ನ್ಯೂಯಾರ್ಕ್‌ನ 15ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಡಾರಿಯಾಲಿಜಾ ಅವಿಲಾ ಚೆವಲಿಯರ್ – ನ್ಯೂಯಾರ್ಕ್‌ನ 13ನೇ ಕ್ಷೇತ್ರದಲ್ಲಿ ಗೆಲುವು.
-
ಹಕೀಮ್ ಜೆಫ್ರೀಸ್ – ನ್ಯೂಯಾರ್ಕ್‌ನ 8ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಫ್ರಾಂಕ್ ಪಲ್ಲೋನ್ – ನ್ಯೂಜೆರ್ಸಿಯ 6ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಅಲೆಕ್ಸಾಂಡ್ರಿಯಾ ಒಕಾಸಿಯೊ-ಕೊರ್ಟೆಜ್ – ನ್ಯೂಯಾರ್ಕ್‌ನ 14ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಗ್ರೆಗೊರಿ ಮೀಕ್ಸ್ – ನ್ಯೂಯಾರ್ಕ್‌ನ 5ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಬ್ರಾಡ್ ಲ್ಯಾಂಡರ್ – ನ್ಯೂಯಾರ್ಕ್‌ನ 10ನೇ ಕ್ಷೇತ್ರದಲ್ಲಿ ಗೆಲುವು.
-
ಯೆವೆಟ್ ಕ್ಲಾರ್ಕ್ – ನ್ಯೂಯಾರ್ಕ್‌ನ 9ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಜೇಮಿ ಏಗರ್ – ಪಶ್ಚಿಮ ಉತ್ತರ ಕೆರೊಲಿನಾದಲ್ಲಿ ರಿಪಬ್ಲಿಕನ್ ಅಭ್ಯರ್ಥಿ ಜೆನ್ನಿಫರ್ ಬಾಲ್ಕಾಂಬ್ ಅವರನ್ನು ಸೋಲಿಸಿ ಗೆಲುವು.
-
ಜೇರೆಡ್ ಮೊಸ್ಕೊವಿಟ್ಜ್ – ಫ್ಲೋರಿಡಾದಲ್ಲಿ ಮರು ಆಯ್ಕೆ.
-
ಡೆಬ್ಬಿ ವಾಸರ್‌ಮನ್ ಶುಲ್ಟ್ಜ್ – ಫ್ಲೋರಿಡಾದಲ್ಲಿ ಮರು ಆಯ್ಕೆ.
-
ಕ್ಯಾಥಿ ಕ್ಯಾಸ್ಟರ್ – ಫ್ಲೋರಿಡಾದಲ್ಲಿ ಮರು ಆಯ್ಕೆ.
-
ಡೊನಾವನ್ ಮೆಕಿನ್ನಿ – ಮಿಚಿಗನ್‌ನ 13ನೇ ಕ್ಷೇತ್ರದಲ್ಲಿ ಗೆಲುವು.
-
ಡೆಬ್ಬಿ ಡಿಂಗಲ್ – ಮಿಚಿಗನ್‌ನ 6ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ತೆರೇಸಾ ಲೆಗರ್ ಫೆರ್ನಾಂಡಿಸ್ – ನ್ಯೂ ಮೆಕ್ಸಿಕೋದ 3ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
ರಿಪಬ್ಲಿಕನ್ ಪಕ್ಷದ ವಿಜೇತರ ಪಟ್ಟಿ:
-
ಗ್ಲೆನ್ ಥಾಂಪ್ಸನ್ – ಪೆನ್ಸಿಲ್ವೇನಿಯಾದ 15ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ನಿಕೋಲ್ ಮಲ್ಲಿಯೊಟಾಕಿಸ್ – ನ್ಯೂಯಾರ್ಕ್‌ನ 11ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ರಾಬರ್ಟ್ ಅಡೆರ್‌ಹೋಲ್ಟ್ – ಅಲಬಾಮಾದ 4ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ರಿಚ್ ಮೆಕ್‌ಕಾರ್ಮಿಕ್ – ಜಾರ್ಜಿಯಾದ 7ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಕ್ರಿಸ್ಟೋಫರ್ ಸ್ಮಿತ್ – ನ್ಯೂಜೆರ್ಸಿಯ 4ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ರೈಲಿ ಮೂರ್ – ವೆಸ್ಟ್ ವರ್ಜೀನಿಯಾದ 2ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಮಾರ್ಕ್ ಮೆಸ್ಮರ್ – ಇಂಡಿಯಾನಾದ 8ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಕ್ಯಾರೋಲ್ ಮಿಲ್ಲರ್ – ವೆಸ್ಟ್ ವರ್ಜೀನಿಯಾದ 1ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಟಾಮ್ ಕೋಲ್ – ಒಕ್ಲಹೋಮಾದ 4ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ರಿಕ್ ಕ್ರಾಫೋರ್ಡ್ – ಅರ್ಕಾನ್ಸಾಸ್‌ನ 1ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಬ್ರೂಸ್ ವೆಸ್ಟರ್‌ಮನ್ – ಅರ್ಕಾನ್ಸಾಸ್‌ನ 4ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಮೈಕ್ ಬೋಸ್ಟ್ – ಇಲಿನಾಯ್ಸ್‌ನ 12ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ರಸೆಲ್ ಫ್ರೈ – ದಕ್ಷಿಣ ಕೆರೊಲಿನಾದ 7ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಜಾನ್ ಜಾಯ್ಸ್ – ಪೆನ್ಸಿಲ್ವೇನಿಯಾದ 13ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಬೆನ್ ಕ್ಲೈನ್ – ವರ್ಜೀನಿಯಾದ 6ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಡೇವಿಡ್ ಟೇಲರ್ – ಓಹಿಯೋದ 2ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
-
ಟ್ರಾಯ್ ಡೌನಿಂಗ್ – ಮೊಂಟಾನಾದ 2ನೇ ಕ್ಷೇತ್ರದಲ್ಲಿ ಮರು ಆಯ್ಕೆ.
ರಾಜ್ಯಮಟ್ಟದ ಚುನಾವಣೆ: ಗವರ್ನರ್‌ಗಳು ಮತ್ತು ಅಟಾರ್ನಿ ಜನರಲ್‌ಗಳ ಗೆಲುವು
ಸೆನೆಟ್ ಮತ್ತು ಹೌಸ್ ಚುನಾವಣೆಗಳ ಜತೆಗೆ ಹಲವು ರಾಜ್ಯಗಳಲ್ಲಿ ಗವರ್ನರ್ ಹಾಗೂ ಅಟಾರ್ನಿ ಜನರಲ್ ಹುದ್ದೆಗಳಿಗೂ ಚುನಾವಣೆ ನಡೆದಿದೆ. ಈ ಹುದ್ದೆಗಳಿಗೆ ಡೆಮಾಕ್ರಟಿಕ್ ಮತ್ತು ರಿಪಬ್ಲಿಕನ್ ಪಕ್ಷಗಳ ಅಭ್ಯರ್ಥಿಗಳು ಗೆಲುವು ದಾಖಲಿಸಿದ್ದಾರೆ.
ಗವರ್ನರ್ ಚುನಾವಣೆಯ ವಿಜೇತರು:
-
ಕೀಶಾ ಲ್ಯಾನ್ಸ್ ಬಾಟಮ್ಸ್ (ಡೆಮಾಕ್ರಟಿಕ್): ಜಾರ್ಜಿಯಾ ಗವರ್ನರ್ ಚುನಾವಣೆಯಲ್ಲಿ ರಿಪಬ್ಲಿಕನ್ ಅಭ್ಯರ್ಥಿ ರಿಕ್ ಜಾಕ್ಸನ್ ಅವರನ್ನು ಸೋಲಿಸಿದ್ದಾರೆ. ಅಮೆರಿಕದ ರಾಜ್ಯವೊಂದರ ಗವರ್ನರ್ ಆಗಿ ಆಯ್ಕೆಯಾದ ಮೊದಲ ಕಪ್ಪು ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. 1998ರ ಬಳಿಕ ಜಾರ್ಜಿಯಾದಲ್ಲಿ ಗವರ್ನರ್ ಹುದ್ದೆ ಗೆದ್ದ ಮೊದಲ ಡೆಮಾಕ್ರಟಿಕ್ ಅಭ್ಯರ್ಥಿಯೂ ಆಗಿದ್ದಾರೆ.
-
ಬೈರನ್ ಡೊನಾಲ್ಡ್ಸ್ (ರಿಪಬ್ಲಿಕನ್): ಫ್ಲೋರಿಡಾ ಗವರ್ನರ್ ಚುನಾವಣೆಯಲ್ಲಿ ಗೆಲುವು. ರಾಜ್ಯದ ಮೊದಲ ಕಪ್ಪು ಗವರ್ನರ್ ಎಂಬ ಹೆಗ್ಗಳಿಕೆ.
-
ಜೋಶ್ ಶಪಿರೋ (ಡೆಮಾಕ್ರಟಿಕ್): ಪೆನ್ಸಿಲ್ವೇನಿಯಾ ಗವರ್ನರ್ ಆಗಿ ಮರು ಆಯ್ಕೆ. ರಿಪಬ್ಲಿಕನ್ ಅಭ್ಯರ್ಥಿ ಸ್ಟೇಸಿ ಗ್ಯಾರಿಟಿ ಅವರನ್ನು ಸೋಲಿಸಿದ್ದಾರೆ.
-
ಜೆ.ಬಿ. ಪ್ರಿಟ್ಜ್ಕರ್ (ಡೆಮಾಕ್ರಟಿಕ್): ಇಲಿನಾಯ್ಸ್ ಗವರ್ನರ್ ಆಗಿ ಮೂರನೇ ಅವಧಿಗೆ ಆಯ್ಕೆ. ರಿಪಬ್ಲಿಕನ್ ಅಭ್ಯರ್ಥಿ ಡ್ಯಾರೆನ್ ಬೈಲಿ ವಿರುದ್ಧ ಗೆಲುವು.
-
ವೆಸ್ ಮೂರ್ (ಡೆಮಾಕ್ರಟಿಕ್): ಮೇರಿಲ್ಯಾಂಡ್ ಗವರ್ನರ್ ಆಗಿ ಮರು ಆಯ್ಕೆ.
-
ಮೌರಾ ಹೀಲಿ (ಡೆಮಾಕ್ರಟಿಕ್): ಮ್ಯಾಸಚೂಸೆಟ್ಸ್ ಗವರ್ನರ್ ಆಗಿ ಮರು ಆಯ್ಕೆ.
-
ನೆಡ್ ಲಾಮಾಂಟ್ (ಡೆಮಾಕ್ರಟಿಕ್): ಕನೆಕ್ಟಿಕಟ್ ಗವರ್ನರ್ ಆಗಿ ಮರು ಆಯ್ಕೆ.
-
ಫಿಲ್ ವೈಸರ್ (ಡೆಮಾಕ್ರಟಿಕ್): ಕೊಲೊರಾಡೋ ಗವರ್ನರ್ ಚುನಾವಣೆಯಲ್ಲಿ ಗೆಲುವು.
-
ರಾಬ್ ಸ್ಯಾಂಡ್ (ಡೆಮಾಕ್ರಟಿಕ್): ಅಯೋವಾದ ಮುಂದಿನ ಗವರ್ನರ್ ಆಗಿ ಆಯ್ಕೆ.
ಅಟಾರ್ನಿ ಜನರಲ್ ಚುನಾವಣೆಯ ವಿಜೇತರು:
-
ಬ್ರಿಯಾನ್ ಶ್ವಾಲ್ಬ್ (ಡೆಮಾಕ್ರಟಿಕ್): ವಾಷಿಂಗ್ಟನ್ ಡಿಸಿಯಲ್ಲಿ ಅಟಾರ್ನಿ ಜನರಲ್ ಆಗಿ ಮರು ಆಯ್ಕೆ.
-
ಜೇನಾ ಗ್ರಿಸ್‌ವೋಲ್ಡ್ (ಡೆಮಾಕ್ರಟಿಕ್): ಕೊಲೊರಾಡೋ ಅಟಾರ್ನಿ ಜನರಲ್ ಆಗಿ ಆಯ್ಕೆ.
-
ಕ್ಯಾಥಿ ಜೆನ್ನಿಂಗ್ಸ್ (ಡೆಮಾಕ್ರಟಿಕ್): ಡೆಲವೇರ್ ಅಟಾರ್ನಿ ಜನರಲ್ ಆಗಿ ಮರು ಆಯ್ಕೆ.
-
ಜೇಮ್ಸ್ ಉತ್ಮಿಯರ್ (ರಿಪಬ್ಲಿಕನ್): ಫ್ಲೋರಿಡಾ ಅಟಾರ್ನಿ ಜನರಲ್ ಆಗಿ ಮರು ಆಯ್ಕೆ.
-
ಕಿಂಬರ್ಲಿ ಅಹೆರ್ನ್ (ಡೆಮಾಕ್ರಟಿಕ್): ರೋಡ್ ಐಲೆಂಡ್ ಅಟಾರ್ನಿ ಜನರಲ್ ಆಗಿ ಆಯ್ಕೆ.
ಅಮೆರಿಕ ಕಾಂಗ್ರೆಸ್‌ನ ನಿಯಂತ್ರಣ ಯಾರ ಕೈಗೆ?
ಈ ಚುನಾವಣೆಯ ಫಲಿತಾಂಶಗಳು ಅಮೆರಿಕದ ರಾಜಕೀಯ ಭವಿಷ್ಯವನ್ನು ನಿರ್ಧರಿಸಲಿವೆ. ಸೆನೆಟ್ ಮತ್ತು ಹೌಸ್ ಎರಡರಲ್ಲೂ ರಿಪಬ್ಲಿಕನ್ ಪಕ್ಷದ ಹಿಡಿತವನ್ನು ಮುರಿಯಲು ಡೆಮಾಕ್ರಟಿಕ್ ಪಕ್ಷ ಪ್ರಯತ್ನಿಸುತ್ತಿದೆ.
ಹೌಸ್‌ನಲ್ಲಿ ಬಹುಮತ ಪಡೆಯಲು ಡೆಮಾಕ್ರಟಿಕ್ ಪಕ್ಷಕ್ಕೆ ನಿವ್ವಳ ಮೂರು ಸ್ಥಾನಗಳ ಹೆಚ್ಚಳ ಅಗತ್ಯವಿದೆ. ಸೆನೆಟ್‌ನಲ್ಲಿ ಉತ್ತರ ಕೆರೊಲಿನಾದ ರಾಯ್ ಕೂಪರ್ ಗೆಲುವಿನ ಬಳಿಕವೂ ಇನ್ನೂ ಮೂರು ಸ್ಥಾನಗಳ ನಿವ್ವಳ ಹೆಚ್ಚಳ ಬೇಕಾಗಿದೆ.
ರಾಯಿಟರ್ಸ್ ವರದಿಯ ಪ್ರಕಾರ, ಫ್ಲೋರಿಡಾದ ಹಲವು ರಿಪಬ್ಲಿಕನ್ ಪ್ರಾಬಲ್ಯದ ಕ್ಷೇತ್ರಗಳಲ್ಲಿ ಡೆಮಾಕ್ರಟಿಕ್ ಪಕ್ಷ ಉತ್ತಮ ಪ್ರದರ್ಶನ ನೀಡುತ್ತಿದೆ. ಕ್ಷೇತ್ರ ಮರುವಿಂಗಡಣೆಯ ಮೂಲಕ ರಿಪಬ್ಲಿಕನ್ ಪಕ್ಷ ರೂಪಿಸಿದ್ದ ಚುನಾವಣಾ ತಂತ್ರ ನಿರೀಕ್ಷಿತ ಫಲಿತಾಂಶ ನೀಡುವಲ್ಲಿ ವಿಫಲವಾಗುತ್ತಿರುವ ಸೂಚನೆಗಳೂ ಕಂಡುಬಂದಿವೆ.
ಇದೇ ವೇಳೆ ಅಲಾಸ್ಕಾ ಸೆನೆಟ್ ಚುನಾವಣೆಯೂ ಸಾಕಷ್ಟು ಗಮನ ಸೆಳೆದಿದೆ. ರಿಪಬ್ಲಿಕನ್ ಹಾಲಿ ಸೆನೆಟರ್ ಡ್ಯಾನ್ ಸುಲ್ಲಿವನ್ ಅವರ ಹೆಸರನ್ನೇ ಹೊಂದಿರುವ ಮತ್ತೊಬ್ಬ ಅಭ್ಯರ್ಥಿ ಕೂಡ ಮತಪತ್ರದಲ್ಲಿ ಕಾಣಿಸಿಕೊಂಡಿರುವುದು ವಿವಾದಕ್ಕೆ ಕಾರಣವಾಗಿದೆ. ಈ ಹಿನ್ನೆಲೆಯಲ್ಲಿ ಡೆಮಾಕ್ರಟಿಕ್ ಅಭ್ಯರ್ಥಿ ಮೇರಿ ಪೆಲ್ಟೋಲಾ ಅವರ ಪ್ರಚಾರದ ವಿರುದ್ಧ ಚುನಾವಣಾ ಅಕ್ರಮದ ಆರೋಪಗಳನ್ನು ಮಾಡಲಾಗಿದೆ. ಆದರೆ, ಇಂತಹ ಯಾವುದೇ ನಕಲಿ ಅಭ್ಯರ್ಥಿ ವ್ಯವಸ್ಥೆಯ ಬಗ್ಗೆ ತಮಗೆ ತಿಳಿದಿಲ್ಲ ಎಂದು ಮೇರಿ ಪೆಲ್ಟೋಲಾ ಹೇಳಿದ್ದಾರೆ.
ಟ್ರಂಪ್ ಆಡಳಿತಕ್ಕೆ ಎದುರಾಗಲಿದೆಯೇ ರಾಜಕೀಯ ಸವಾಲು?
ಅಮೆರಿಕದ ಮಧ್ಯಂತರ ಚುನಾವಣೆಯ ಫಲಿತಾಂಶಗಳು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆಡಳಿತದ ಮುಂದಿನ ಎರಡು ವರ್ಷಗಳ ಮೇಲೆ ದೊಡ್ಡ ಪರಿಣಾಮ ಬೀರಲಿವೆ.ಡೆಮಾಕ್ರಟಿಕ್ ಪಕ್ಷ ಸೆನೆಟ್ ಅಥವಾ ಹೌಸ್‌ನಲ್ಲಿ ಬಹುಮತ ಸಾಧಿಸಿದರೆ, ಟ್ರಂಪ್ ಆಡಳಿತದ ನೀತಿಗಳು ಮತ್ತು ಶಾಸನಾತ್ಮಕ ನಿರ್ಧಾರಗಳ ಮೇಲೆ ಹೆಚ್ಚಿನ ನಿಗಾ ವಹಿಸಲು ಅವಕಾಶ ಸಿಗಲಿದೆ. ಅಲ್ಲದೆ, ಸರ್ಕಾರದ ಹಲವು ಪ್ರಮುಖ ನಿರ್ಧಾರಗಳನ್ನು ಪ್ರಶ್ನಿಸುವ ರಾಜಕೀಯ ಶಕ್ತಿಯೂ ಡೆಮಾಕ್ರಟಿಕ್ ಪಕ್ಷಕ್ಕೆ ದೊರೆಯಲಿದೆ.
ಹೀಗಾಗಿ ಅಮೆರಿಕದ ಮಧ್ಯಂತರ ಚುನಾವಣೆಯ ಅಂತಿಮ ಫಲಿತಾಂಶದ ಬಗ್ಗೆ ಜಗತ್ತಿನ ರಾಜಕೀಯ ವಲಯಗಳು ಕುತೂಹಲದಿಂದ ಕಾಯುತ್ತಿವೆ.
