ಜ್ಯೋತಿಷ್ಯ ಮತ್ತು ವಾಸ್ತು ಶಾಸ್ತ್ರದಲ್ಲಿ ಆಮೆಯನ್ನು ವಿಷ್ಣುವಿನ ಕೂರ್ಮಾವತಾರದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಸಕಾರಾತ್ಮಕತೆ ಮತ್ತು ಸಂಪತ್ತಿನ ಸಂಕೇತವಾಗಿರುವ ಈ ಉಂಗುರವನ್ನು ಅನೇಕರು ಅದೃಷ್ಟಕ್ಕಾಗಿ ಧರಿಸುತ್ತಾರೆ. ಆದರೆ, ಇದು ಎಲ್ಲರಿಗೂ ಶುಭ ತರುವುದಿಲ್ಲ. ಅಪ್ಪಿತಪ್ಪಿಯೂ ಈ ಕೆಳಗಿನ ನಿಯಮಗಳನ್ನು ಪಾಲಿಸದಿದ್ದರೆ ಆರ್ಥಿಕ ನಷ್ಟ ಅನುಭವಿಸಬೇಕಾಗಬಹುದು.
ಯಾರು ಧರಿಸಬಾರದು? (Zodiac Signs to Avoid)
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಎಲ್ಲಾ ರಾಶಿಯವರಿಗೂ ಆಮೆ ಉಂಗುರ ಒಗ್ಗುವುದಿಲ್ಲ. ಮುಖ್ಯವಾಗಿ ನೀರಿನ ಅಂಶವಿರುವ ರಾಶಿಯವರು ಎಚ್ಚರದಿಂದಿರಬೇಕು:
ಮೇಷ, ಕನ್ಯಾ, ವೃಶ್ಚಿಕ ಮತ್ತು ಮೀನ: ಈ ರಾಶಿಯವರು ಆಮೆ ಉಂಗುರ ಧರಿಸಿದರೆ ವೃತ್ತಿಜೀವನದಲ್ಲಿ ಅಡೆತಡೆಗಳು ಮತ್ತು ಆರ್ಥಿಕ ಸಂಕಷ್ಟ ಎದುರಾಗಬಹುದು ಎಂದು ಹೇಳಲಾಗುತ್ತದೆ.
ಮಿಥುನ, ಕನ್ಯಾ, ಕುಂಭ ಮತ್ತು ಮಕರ: ಕೆಲವು ಶಾಸ್ತ್ರಗಳ ಪ್ರಕಾರ ಈ ರಾಶಿಯವರೂ ಇದನ್ನು ಧರಿಸುವುದನ್ನು ತಪ್ಪಿಸುವುದು ಲೇಸು.
ಧನಿಷ್ಠ ನಕ್ಷತ್ರ: ಶನಿದೇವನ ಪ್ರಭಾವವಿರುವ ಈ ನಕ್ಷತ್ರದವರು ಆಮೆ ಉಂಗುರ ಧರಿಸಬಾರದು ಎಂಬ ನಿಯಮವಿದೆ.
ಯಾರಿಗೆ ಅತ್ಯಂತ ಶುಭ?
ವೃಷಭ ಮತ್ತು ಮಕರ: ಈ ರಾಶಿಯವರಿಗೆ ಆಮೆ ಉಂಗುರವು ಅತ್ಯಂತ ಅದೃಷ್ಟ ತರಲಿದ್ದು, ಆತ್ಮವಿಶ್ವಾಸ ಮತ್ತು ಆರ್ಥಿಕ ಪ್ರಗತಿಗೆ ನೆರವಾಗುತ್ತದೆ.
ಉಂಗುರ ಧರಿಸುವಾಗ ಪಾಲಿಸಲೇಬೇಕಾದ 5 ಪ್ರಮುಖ ನಿಯಮಗಳು:
ಲೋಹದ ಆಯ್ಕೆ: ತಾಮ್ರ ಅಥವಾ ಹಿತ್ತಾಳೆಗಿಂತ ಬೆಳ್ಳಿಯ (Silver) ಉಂಗುರ ಧರಿಸುವುದು ಅತ್ಯಂತ ಶ್ರೇಷ್ಠ.
ಶುದ್ಧೀಕರಣ: ಧರಿಸುವ ಮುನ್ನ ಉಂಗುರವನ್ನು ಹಸಿ ಹಾಲಿನಲ್ಲಿ ಅದ್ದಿ, ನಂತರ ಗಂಗಾಜಲದಿಂದ ತೊಳೆದು ಲಕ್ಷ್ಮಿ ದೇವಿಯ ಪಾದದ ಬಳಿ ಇಟ್ಟು ಪೂಜಿಸಬೇಕು.
ಸರಿಯಾದ ದಿಕ್ಕು: ಆಮೆಯ ಮುಖವು ಯಾವಾಗಲೂ ನಿಮ್ಮ ಕಡೆಗೆ (ಧರಿಸುವವನ ಕಡೆಗೆ) ಇರಬೇಕು. ಆಮೆಯ ಮುಖ ಹೊರಗಡೆ ಇದ್ದರೆ ಹಣ ಬರುವ ಬದಲು ಖರ್ಚು ಹೆಚ್ಚಾಗುತ್ತದೆ.
ಯಾವ ಬೆರಳಿಗೆ?: ಈ ಉಂಗುರವನ್ನು ಯಾವಾಗಲೂ ಬಲಗೈಯ ಮಧ್ಯದ ಬೆರಳು (Middle Finger) ಅಥವಾ ತೋರು ಬೆರಳಿಗೆ (Index Finger) ಧರಿಸಬೇಕು.
ಸರಿಯಾದ ದಿನ: ಇದನ್ನು ಶುಕ್ರವಾರದಂದು ಧರಿಸುವುದು ಮಹಾಲಕ್ಷ್ಮಿಯ ಕೃಪೆಗೆ ಪಾತ್ರವಾಗಲು ಉತ್ತಮ ಮಾರ್ಗ.
