2011 ಏಪ್ರಿಲ್ ಎರಡರಂದು ಏಕದಿನ ವಿಶ್ವಕಪ್ ಫೈನಲ್ ನಲ್ಲಿ ಭಾರತ ಮತ್ತು ಶ್ರೀಲಂಕಾ ಮುಖಾಮುಖಿಯಾಗಿದ್ದವು. ಈ ಪಂದ್ಯದಲ್ಲಿ ಭಾರತ ತಂಡ 6 ವಿಕೆಟ್ಗಳಿಂದ ಭರ್ಜರಿ ಜಯ ಸಾಧಿಸುವ ಮೂಲಕ ವಿಶ್ವಕಪ್ ಕಿರೀಟ ಎತ್ತಿ ಹಿಡಿದಿತ್ತು, ಈ ದಿನಕ್ಕೆ ಇಂದು 13 ವರ್ಷಗಳಾಗಿವೆ. ಮೊದಲು ಬ್ಯಾಟಿಂಗ್ ಮಾಡಿದ ಶ್ರೀಲಂಕಾ ತಂಡ 274 ರನ್ ಗಳ ಬೃಹತ್ ಮೊತ್ತ ದಾಖಲಿಸಿತ್ತು, ಗುರಿ ಬೆನ್ನತ್ತಿದ ಭಾರತ ತಂಡ ಆರಂಭದಲ್ಲೇ ವೀರೇಂದ್ರ ಸೆಹ್ವಾಗ್ ಮತ್ತು ಸಚಿನ್ ತೆಂಡೂಲ್ಕರ್ ಅವರ ವಿಕೆಟ್ ಕಳೆದುಕೊಳ್ಳುವ ಮೂಲಕ ಸಂಕಷ್ಟಕೊಳಗಾಗಿತ್ತು. ಬಳಿಕ ಬ್ಯಾಟಿಂಗ್ ಗೆ ಬಂದ ಗೌತಮ್ ಗಂಭೀರ್ ಮತ್ತು ಕ್ಯಾಪ್ಟನ್ ಕೂಲ್ ನಾಯಕ ಎಂಎಸ್ ಧೋನಿ ಬೆನ್ನೆಲುಬಾಗಿ ನಿಂತರು.
ಗೌತಮ್ ಗಂಭೀರ್ 97 ರನ್ ಬಾರಿಸುವ ಮೂಲಕ ತಿಸಾರ ಪೆರೇರಗೆ ತಮ್ಮ ವಿಕೆಟ್ ಒಪ್ಪಿಸಿದರೆ, ನಾಯಕ ಎಂಎಸ್ ಧೋನಿ 91 ರನ್ ಸಿಡಿಸುವ ಮೂಲಕ ಭಾರತ ತಂಡದ ಗೆಲುವಿಗೆ ಪ್ರಮುಖ ಪಾತ್ರವಹಿಸಿದರು. ಕಪಿಲ್ ದೇವ್ ನಂತರ ಸುಮಾರು ವರ್ಷಗಳ ಬಳಿಕ ಭಾರತ ತಂಡಕ್ಕೆ ವಿಶ್ವಕಪ್ ತಂದುಕೊಟ್ಟ ಕೀರ್ತಿ ಎಂ ಎಸ್ ಧೋನಿಯವರಿಗೆ ಸಲ್ಲುತ್ತದೆ.
#OnThisDay in 2011, India lift the World Cup for the 2nd time in history as they beat Sri Lanka in the final.
Man of the Match – MS Dhoni
Man of the series – Yuvraj Singh pic.twitter.com/aU8HUPuLvM— Cricbuzz (@cricbuzz) April 2, 2024
