ಚೆನ್ನೈನ ಕ್ಯಾಬ್ ಚಾಲಕನಿಗೆ ಬ್ಯಾಂಕ್ 9,000 ಕೋಟಿ ರೂ.ಗಳನ್ನು ತಪ್ಪಾಗಿ ಜಮಾ ಮಾಡಿದ ಕೆಲವೇ ದಿನಗಳಲ್ಲಿ ತಮಿಳುನಾಡು ಮರ್ಕಂಟೈಲ್ ಬ್ಯಾಂಕ್ (ಟಿಎಂಬಿ) ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಎಸ್ ಕೃಷ್ಣನ್ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದರು. ವೈಯಕ್ತಿಕ ಕಾರಣಗಳಿಂದಾಗಿ ರಾಜೀನಾಮೆ ನೀಡಲು ನಿರ್ಧರಿಸಿದ್ದೇನೆ ಎಂದು ಕೃಷ್ಣನ್ ತಮ್ಮ ರಾಜೀನಾಮೆ ಪತ್ರದಲ್ಲಿ ತಿಳಿಸಿದ್ದಾರೆ.
“ನನಗೆ ಇನ್ನೂ 2/3 ಭಾಗದಷ್ಟು ಅವಧಿ ಉಳಿದಿದ್ದರೂ, ವೈಯಕ್ತಿಕ ಕಾರಣಗಳಿಗಾಗಿ, ನಾನು ಬ್ಯಾಂಕಿನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಸ್ಥಾನಕ್ಕೆ ರಾಜೀನಾಮೆ ನೀಡಲು ನಿರ್ಧರಿಸಿದ್ದೇನೆ” ಎಂದು ಕೃಷ್ಣನ್ ಅವರ ರಾಜೀನಾಮೆ ಪತ್ರದಲ್ಲಿ ತಿಳಿಸಲಾಗಿದೆ.
ಕೃಷ್ಣನ್ ಸೆಪ್ಟೆಂಬರ್ 2022 ರಲ್ಲಿ ಬ್ಯಾಂಕಿನ ಮುಖ್ಯಸ್ಥರಾಗಿ ಅಧಿಕಾರ ವಹಿಸಿಕೊಂಡರು.ತೂತುಕುಡಿ ಮೂಲದ ಬ್ಯಾಂಕಿನ ನಿರ್ದೇಶಕರ ಮಂಡಳಿಯು ಗುರುವಾರ ಸಭೆ ನಡೆಸಿ ಅವರ ರಾಜೀನಾಮೆಯನ್ನು ಅಂಗೀಕರಿಸಿ ಅದನ್ನು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಗೆ ಕಳುಹಿಸಿದೆ.
RBI ನಿಂದ ಪಡೆದ ಮಾರ್ಗದರ್ಶನ / ಸಲಹೆಯವರೆಗೆ ಎಸ್ ಕೃಷ್ಣನ್ ಎಂಡಿ ಮತ್ತು ಸಿಇಒ ಆಗಿ ಮುಂದುವರಿಯುತ್ತಾರೆ, ಅದನ್ನು ಸರಿಯಾದ ಸಮಯದಲ್ಲಿ ತಿಳಿಸಲಾಗುವುದು” ಎಂದು ಬ್ಯಾಂಕ್ ಹೇಳಿಕೆಯಲ್ಲಿ ತಿಳಿಸಿದೆ. ಸಿಇಒ ಎಸ್ ಕೃಷ್ಣನ್ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದರು.
ತಮಿಳುನಾಡು ಮರ್ಕಂಟೈಲ್ ಬ್ಯಾಂಕಿನ ಖಾತೆದಾರರಾಗಿರುವ ಕ್ಯಾಬ್ ಚಾಲಕನಿಗೆ 9,000 ಕೋಟಿ ರೂ.ಗಳನ್ನು ತಪ್ಪಾಗಿ ಜಮಾ ಮಾಡಿದ ಒಂದು ವಾರದ ನಂತರ ಈ ಬೆಳವಣಿಗೆ ನಡೆದಿದೆ.ಆರಂಭದಲ್ಲಿ, ಇದು ಸಂಭಾವ್ಯ ಹಗರಣ ಎಂದು ರಾಜ್ ಕುಮಾರ್ ಭಾವಿಸಿದ್ದರು, ಮತ್ತು ಅದನ್ನು ಪರಿಶೀಲಿಸಲು ಅವರು 21,000 ರೂ.ಗಳ ಸಣ್ಣ ಮೊತ್ತವನ್ನು ತಮ್ಮ ಸ್ನೇಹಿತನಿಗೆ ವರ್ಗಾಯಿಸಿದರು. ವಹಿವಾಟು ಸುಗಮವಾಗಿ ನಡೆಯಿತು. ಅರ್ಧ ಗಂಟೆಯೊಳಗೆ, ಬ್ಯಾಂಕ್ ಉಳಿದ ಮೊತ್ತವನ್ನು ಅವರ ಖಾತೆಯಿಂದ ಡೆಬಿಟ್ ಮಾಡಿತು. ಈ ವರ್ಷದ ಜೂನ್ ನಲ್ಲಿ, ಆದಾಯ ತೆರಿಗೆ ಇಲಾಖೆ ಬ್ಯಾಂಕಿನ ಮೇಲೆ ಪರಿಶೀಲನಾ ಪ್ರಕ್ರಿಯೆ ನಡೆಸಿ ಮತ್ತು ಕೆಲವು ಅಕ್ರಮಗಳನ್ನು ಗುರುತಿಸಿತ್ತು ಎಂದು ವರದಿಯಾಗಿದೆ. ಈ ಎಲ್ಲಾ ಬೆಳವಣಿಗೆ ಬೆನ್ನಲ್ಲೇ ಸಿಇಒ ಎಸ್ ಕೃಷ್ಣನ್ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ.
