‘ಭಾವಪೂರ್ಣ’ ಚಿತ್ರದ ವಿಡಿಯೋ ಹಾಡು ರಿಲೀಸ್

ಚೇತನ್ ಮುಂಡಾಡಿ ನಿರ್ದೇಶನದ ‘ಭಾವಪೂರ್ಣ’ ಚಿತ್ರದ ‘ಇದ್ದರು ಚಿಂತೆ’ ಎಂಬ ವಿಡಿಯೋ ಹಾಡನ್ನು ನಿನ್ನೆ ಆನಂದ್ ಆಡಿಯೋ ಯೂಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆ ಮಾಡಲಾಗಿದ್ದು, ಸಾಕಷ್ಟು ವೀಕ್ಷಣೆ ಪಡೆದುಕೊಳ್ಳುವ ಮೂಲಕ ಯೂಟ್ಯೂಬ್ ನಲ್ಲಿ ಧೂಳೆಬ್ಬಿಸಿದೆ. ದರ್ಶನ್ ನಾರಾಯಣ್ ಈ ಹಾಡಿಗೆ ಧ್ವನಿಯಾಗಿದ್ದು, ವಿ ಮನೋಹರ್ ಸಂಗೀತ ಸಂಯೋಜನೆ ನೀಡಿದ್ದಾರೆ. ಲಕ್ಷ್ಮಣ್ ರಾವ್ ಸಾಹಿತ್ಯ ಬರೆದಿದ್ದಾರೆ.

ಜಿ ಎಲ್ ಮೋಶನ್ ಪಿಚ್ಚರ್ ಬ್ಯಾನರ್ ನಲ್ಲಿ ಪ್ರಶಾಂತ್ ಅಂಜನಪ್ಪ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದು, ರಮೇಶ್ ಪಂಡಿತ್, ಅಥರ್ವ ಪ್ರಕಾಶ್, ಮಂಜುನಾಥ್ ಹೆಗಡೆ, ಮಂಗಳ, ಧರ್ಮೇಂದ್ರ ಅರಸ್, ಶೈಲಶ್ರೀ, ಚೇತನ್ ರಾಯ್, ಶಿವಾಜಿ ರಾವ್ ಜಾದವ್, ನಾರಾಯಣಸ್ವಾಮಿ, ಪವನ್ ಕುಮಾರ್ ಸೇರಿದಂತೆ ಹಲವರ ತಾರಾ ಬಳಗವಿದೆ. ಕೀರ್ತಿರಾಜ್ ಸಂಕಲನವಿದೆ.