ಮಹಾರಾಷ್ಟ್ರದ ಥಾಣೆಯ ಯೂರ್ ಹಿಲ್ಸ್ ಪ್ರದೇಶದಲ್ಲಿ ಸೋಮವಾರ ರಾತ್ರಿ ಉಂಟಾದ ಟ್ರಾಫಿಕ್ ಜಾಮ್ ನಿಂದ ಆಕ್ರೋಶಗೊಂಡಿದ್ದ ಸ್ಥಳೀಯರು ನಡೆಸಿದ ದಾಂಧಲೆಯಿಂದಾಗಿ 10 ಕ್ಕೂ ಅಧಿಕ ಕಾರುಗಳ ಗಾಜು ಪುಡಿಪುಡಿಯಾಗಿದೆ. ಯೂರ್ ಹಿಲ್ಸ್ನಲ್ಲಿರುವ ಎಕ್ಸೋಟಿಕಾ ವೆಡ್ಡಿಂಗ್ ಲಾನ್ ನಲ್ಲಿ ಮದುವೆ ಮೆರವಣಿಗೆ ವೇಳೆ ಭಾರಿ ಟ್ರಾಫಿಕ್ ಜಾಮ್ ಸಂಭವಿಸಿದೆ. ದಟ್ಟಣೆಯ ಪರಿಣಾಮವಾಗಿ, ಸಿಟ್ಟಿಗೆದ್ದ ಸ್ಥಳೀಯ ನಿವಾಸಿಗಳು ಕಾರುಗಳ ಗಾಜುಗಳನ್ನು ಒಡೆದಿದ್ದಾರೆ ಎಂದು ವರದಿಯಾಗಿದೆ.
ಘಟನೆಯ ದೃಶ್ಯಗಳು ಅಂತರ್ಜಾಲದಲ್ಲಿ ಕಾಣಿಸಿಕೊಂಡಿದ್ದು, ವೈರಲ್ ಆಗಿರುವ ವೀಡಿಯೊದಲ್ಲಿ, ರಸ್ತೆಯ ಒಂದು ಬದಿಯಲ್ಲಿ ಸುದೀರ್ಘ ಟ್ರಾಫಿಕ್ ಜಾಮ್ ಕಾಣಬಹುದು, ಇನ್ನೊಂದು ಬದಿಯಲ್ಲಿ ಡಬಲ್ ಪಾರ್ಕಿಂಗ್ ಬಗ್ಗೆ ಕೆಲವರು ಹತಾಶೆ ವ್ಯಕ್ತಪಡಿಸುವುದರೊಂದಿಗೆ ಆಕ್ರೋಶಗೊಂಡ ಗುಂಪನ್ನು ಸಹ ಕಾಣಬಹುದು.
ಘಟನೆಯಲ್ಲಿ ಎರಡೂ ಕಡೆಯಿಂದ ಯಾವುದೇ ಘರ್ಷಣೆ ಸಂಭವಿಸಿದ ಕುರಿತು ಯಾವುದೇ ಪೊಲೀಸ್ ಕ್ರಮ ಕೈಗೊಂಡಿರುವ ಬಗ್ಗೆ ದೃಢಪಡಿಸಿದ ವರದಿಗಳಿಲ್ಲ. ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಫುಲ್ ವೈರಲ್ ಆಗಿದ್ದು, ನೆಟ್ಟಿಗರು ತಮ್ಮ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.
Thane: Enraged locals vandalise over 10 cars after massive traffic jam due to wedding reception in Yeoor#Thane #ThaneCity pic.twitter.com/xKjNAHT1dQ
— Free Press Journal (@fpjindia) November 26, 2024
