ಮಾನವನ ಕ್ರೌರ್ಯದ ಮತ್ತೊಂದು ಮುಖ ಅನಾವರಣ ಮಾಡುವ ಪ್ರಕರಣವೊಂದರಲ್ಲಿ, ಕೊಂದು ಹಾಕಲಾದ ಬೀದಿ ನಾಯಿಗಳ ದೇಹಗಳನ್ನು ತ್ಯಾಜ್ಯ ಬಿಸಾಡುವ ಜಾಗದಲ್ಲಿ ಹಾಕಿರುವ ಘಟನೆ ತೆಲಂಗಾಣದಲ್ಲಿ ನಡೆದಿದೆ.
ಪ್ರಾಣಿ ಹಕ್ಕುಗಳ ಕುರಿತಂತೆ ಸಾಕಷ್ಟು ದನಿಯೇರಿಸುವ ಚಾನೆಲ್ ಒಂದು ಇನ್‌ಸ್ಟಾಗ್ರಾಂನಲ್ಲಿ ಈ ಕುರಿತು ವರದಿ ಮಾಡಿದ್ದು, “ಶಮೀರ್‌ಪೇಟ್ ಮಂಡಲದ ತುರ್ಕಾಪಲ್ಲಿಯಲ್ಲಿ ನೂರಕ್ಕೂ ಹೆಚ್ಚಿನ ನಾಯಿಗಳ ಕೊಲೆ ಮಾಡಲಾಗಿದೆ,” ಎಂದು ತಿಳಿಸಿದೆ.
ಇದೇ ವೇಳೆ, ನಾಯಿಗಳ ಹೆಣದ ರಾಶಿಯ ಮನಕಲಕುವ ವಿಡಿಯೋವನ್ನೂ ಸಹ ಈ ಚಾನೆಲ್ ಶೇರ್‌ ಮಾಡಿದೆ.
ಗ್ರಾಮ ಪಂಚಾಯಿತಿ ಸಿಬ್ಬಂದಿಯ ಆದೇಶದ ಮೇರೆಗೆ ಹೀಗೆ ನಾಯಿಗಳನ್ನು ಕೊಂದಿರುವುದಾಗಿ ತಿಳಿದು ಬಂದಿದೆ.
ಪ್ರಾಣಿಪ್ರಿಯರು ಈ ಬಗ್ಗೆ ಭಾರೀ ಅಸಮಾಧಾನ ವ್ಯಕ್ತಪಡಿಸಿದ್ದು, ಹೀಗೆ ಸಾಮೂಹಿಕವಾಗಿ ಕೊಲ್ಲುವ ಬದಲಿಗೆ ಸಂತಾನಹರಣ ಚಿಕಿತ್ಸೆ ಮಾಡಿಸಬಹುದಾಗಿತ್ತು ಎಂದಿದ್ದಾರೆ.
Loading ...
