ಭಾರತದಲ್ಲಿರುವ ದಕ್ಷಿಣ ಕೊರಿಯಾ ರಾಯಭಾರ ಕಚೇರಿಯ ರಾಯಭಾರಿ ಆಗಿರುವ ಚಾಂಗ್ ಜೇ ಬೋಕ್ ತಮ್ಮ ಹೊಸ ವಾಹನಕ್ಕೆ ಸನಾತನ ಧರ್ಮದಂತೆ ವಿಶೇಷ ಪೂಜಾ ವಿಧಿ ವಿಧಾನಗಳನ್ನು ನೆರವೇರಿಸೋ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.
ದಕ್ಷಿಣ ಕೊರಿಯಾ ರಾಯಭಾರ ಕಚೇರಿಯ ಅಧಿಕೃತ ಎಕ್ಸ್ ಪೇಜ್ನಿಂದ ಪೂಜಾ ಸಮಾರಂಭದ ವಿಡಿಯೋವನ್ನು ಶೇರ್ ಮಾಡಲಾಗಿದೆ.
ನೂತನ ಹ್ಯುಂಡೈ ಜೆನೆಸಿಸ್ ಜಿವಿ 80 ಭಾರತದಲ್ಲಿ ದಕ್ಷಿಣ ಕೊರಿಯಾದ ಅಧಿಕೃತ ವಾಹನವಾಗಿ ಇರೋದಕ್ಕೆ ನಾವು ಸಂತೋಷ ವ್ಯಕ್ತಪಡಿಸುತ್ತಿದ್ದೇವೆ. ಅಲ್ಲದೇ ಈ ಶುಭ ಸಮಾರಂಭದಲ್ಲಿ ನಾವು ಪೂಜಾ ಕಾರ್ಯಕ್ರಮಗಳನ್ನು ನಡೆಸಿದ್ದೇವೆ. ನಮ್ಮ ರಾಯಭಾರ ಕಚೇರಿಯ ಹೊಸ ಪಯಣದಲ್ಲಿ ನೀವು ಜೊತೆಯಾಗಿ ಅಂತಾ ಕೊರಿಯನ್ ರಾಯಭಾರ ಕಚೇರಿಯ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಬರೆದುಕೊಳ್ಳಲಾಗಿದೆ.
ವಿಡಿಯೋದಲ್ಲಿ ಪುರೋಹಿತರು ಪೂಜಾ ವಿಧಿ ವಿಧಾನಗಳನ್ನ ನಡೆಸುತ್ತಿರೋದನ್ನ ಕಾಣಬಹುದಾಗಿದೆ. ಅಲ್ಲದೇ ಈ ಪೂಜಾ ಕಾರ್ಯಕ್ರಮದಲ್ಲಿ ಚಾಂಗ್ ಜೇ ಬೋಕ್ ಸೇರಿದಂತೆ ಅನೇಕ ಅಧಿಕಾರಿಗಳು ಸಹ ಹಾಜರಿದ್ದಾರೆ. ಸನಾತನ ಧರ್ಮದ ಆಚರಣೆಗಳನ್ನು ಗೌರವಿಸಿದ ದಕ್ಷಿಣ ಕೊರಿಯಾ ರಾಯಭಾರ ಕಚೇರಿಗೆ ಹಿಂದೂ ಪರರು ಧನ್ಯವಾದ ಅರ್ಪಿಸುತ್ತಿದ್ದಾರೆ.
We are delighted to have a new Hyundai Genesis GV80 as the Ambassador's official vehicle and held a Pooja ceremony wishing for good luck! Join our embassy's new journey! pic.twitter.com/MV4htMjk1H
— Korean Embassy India (@RokEmbIndia) September 25, 2023
