ಸಚಿನ್‌ ಜೊತೆ ಫಾರ್ಮುಲಾ ಇ ರೇಸ್‌ ವೀಕ್ಷಿಸಿದ ರಾಮ್‌ ಚರಣ್

ಹೈದರಾಬಾದ್ ನಲ್ಲಿ ಶನಿವಾರ ಮುಕ್ತಾಯವಾದ ಭಾರತದ ಮೊದಲ ಫಾರ್ಮುಲಾ ಇ ರೇಸ್ ಕಣ್ತುಂಬಿಕೊಂಡ ನಟ ರಾಮ್ ಚರಣ್ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಜೊತೆ ಫಾರ್ಮುಲಾ ವೀಕ್ಷಿಸಿದ ಅನುಭವಕ್ಕೆ ವಾಹ್ ಎಂದಿದ್ದಾರೆ.

ಶನಿವಾರ ನಡೆದ ಆಲ್-ಎಲೆಕ್ಟ್ರಿಕ್ ಫಾರ್ಮುಲಾ ಇ ಮೋಟಾರ್ ಚಾಂಪಿಯನ್‌ಶಿಪ್ ನಲ್ಲಿ ಕ್ರಿಕೆಟ್ ಐಕಾನ್ ಸಚಿನ್ ತೆಂಡೂಲ್ಕರ್ ಅವರೊಂದಿಗೆ ರೇಸ್ ವೀಕ್ಷಿಸಲು ನಾನು “ಥ್ರಿಲ್” ಆಗಿದ್ದೇನೆ ಎಂದು ರಾಮ್ ಚರಣ್ ಹೇಳಿದ್ದಾರೆ.

ಈವೆಂಟ್‌ನ ಚಿತ್ರಗಳ ಸರಣಿಯನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡ ರಾಮ್ ಚರಣ್, “ಎಂತಹ ಅದ್ಭುತ ಓಟ. ಇಂದು ಫಾರ್ಮುಲಾ ಇ ನಲ್ಲಿ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರೊಂದಿಗೆ ಮಹೀಂದ್ರಾ ರೇಸಿಂಗ್ ವೀಕ್ಷಿಸಲು ಸಾಕಷ್ಟು ರೋಮಾಂಚನಗೊಂಡೆ. ನಮ್ಮ ದೇಶ, ನಮ್ಮ ರಾಜ್ಯ ಮತ್ತು ನಮ್ಮ ಹೈದರಾಬಾದ್ ನಗರಕ್ಕೆ ಎಂತಹ ಹೆಮ್ಮೆಯ ಕ್ಷಣ ಎಂದು ಉದ್ಗರಿಸಿದ್ದಾರೆ.

ಈ ಕಾರ್ಯಕ್ರಮದಲ್ಲಿ ನಟಿ ಶ್ರುತಿ ಹಾಸನ್, ದುಲ್ಕರ್ ಸಲ್ಮಾನ್, ನಾಗ ಚೈತನ್ಯ, ಶಿಖರ್ ಧವನ್, ಯುಜುವೇಂದ್ರ ಚಹಾಲ್, ಚಲನಚಿತ್ರ ನಿರ್ಮಾಪಕ ಅಲ್ಲು ಅರವಿಂದ್, ಆಂಧ್ರಪ್ರದೇಶ ಸಚಿವ ಜಿ ಅಮರನಾಥ್ ಮತ್ತು ಟಿಡಿಪಿ ಸಂಸದ ರಾಮಮೋಹನ್ ನಾಯ್ಡು ಕೂಡ ಭಾಗವಹಿಸಿದ್ದರು.

https://twitter.com/AlwaysRamCharan/status/1624376128906600448?ref_src=twsrc%5Etfw%7Ctwcamp%5Etweetembed%7Ctwterm%5E1624376128906600448%7Ctwgr%5E48975416e9a07b5c034d3f58c476aa1f1bcbdcc9%7Ctwcon%5Es1_&ref_url=https%3A%2F%2Fwww.ndtv.com%2Fentertainment%2Fwhen-ram-charan-was-thrilled-to-watch-formula-e-race-with-sachin-tendulkar-3775248