ಇಂದು ಪ್ರೊ ಕಬಡ್ಡಿಯ 40ನೇ ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ಮತ್ತು ದಬಾಂಗ್ ಡೆಲ್ಲಿ ಮುಖಾಮುಖಿಯಾಗಲಿವೆ. ಎರಡು ತಂಡಗಳಲ್ಲಿ ಸ್ಟಾರ್ ರೈಡರ್ ಗಳಿದ್ದು, ಈ ಪಂದ್ಯವನ್ನು ವೀಕ್ಷಿಸಲು ಕಬಡ್ಡಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.
ನಿನ್ನೆಯ ಪಂದ್ಯದಲ್ಲಿ 1300 ರೈಡ್ ಪಾಯಿಂಟ್ ಗಳ ಗಡಿ ಮುಟ್ಟುವ ಮೂಲಕ ಬೆಂಗಾಲ್ ವಾರಿಯರ್ಸ್ ನ ನಾಯಕ ಮಣಿದರ್ ಸಿಂಗ್ ಹೊಸ ದಾಖಲೆ ಬರೆದಿದ್ದು, ಇಂದು ಸೂಪರ್ ಟೆನ್ ಗಳಿಸುವ ನಿರೀಕ್ಷೆಯಲ್ಲಿದ್ದಾರೆ, ದಬಾಂಗ್ ಡೆಲ್ಲಿಯ ರೈಡರ್ ನವೀನ್ ಎಕ್ಸ್ಪ್ರೆಸ್, ಗಾಯದ ಸಮಸ್ಯೆಯಿಂದ ಬಳಲುತ್ತಿದ್ದು, ಇಂದು ಕೂಡ ಕಣಕ್ಕಿಳಿಯುವ ಸಾಧ್ಯತೆ ಕಡಿಮೆ ಇದೆ.
ಆಶು ಮಲ್ಲಿಕ್ ದಬಾಂಗ್ ಡೆಲ್ಲಿ ತಂಡದ ಪ್ರಮುಖ ರೈಡರ್ ಆಗಿ ಕಾರ್ಯ ನಿರ್ವಹಿಸಬೇಕಾಗಿದೆ. ಇದಾದ ಬಳಿಕ ಮತ್ತೊಂದು ಪಂದ್ಯದಲ್ಲಿ ತಮಿಳು ತಲೈವಾಸ್ ಮತ್ತು ಹರಿಯಾಣ ಸ್ಟೀಲರ್ಸ್ ಮುಖಮುಖಿಯಾಗಲಿವೆ.
