ಅಂಚೆ ಕಚೇರಿಯ ಈ ಯೋಜನೆಯು ಕೇಂದ್ರ ಸರ್ಕಾರದಿಂದ ನಡೆಸಲ್ಪಡುತ್ತಿದ್ದು, ನಿಮ್ಮ ಹೂಡಿಕೆಗೆ ಪೂರ್ಣ ಗ್ಯಾರಂಟಿ ಇರುತ್ತದೆ. ನಿವೃತ್ತರು ಮತ್ತು ರಿಸ್ಕ್ ಇಲ್ಲದೆ ಲಾಭ ಬಯಸುವವರಿಗೆ ಇದು ಹೇಳಿ ಮಾಡಿಸಿದಂತಿದೆ.
ಯೋಜನೆಯ ಪ್ರಮುಖ ಅಂಶಗಳು:
ಪ್ರತಿ ತಿಂಗಳು ₹5,500 ಪಡೆಯುವುದು ಹೇಗೆ?
ಬಡ್ಡಿ ದರ: ಪ್ರಸ್ತುತ ಈ ಯೋಜನೆಗೆ ವಾರ್ಷಿಕ ಶೇ. 7.40 ರಷ್ಟು ಬಡ್ಡಿ ನೀಡಲಾಗುತ್ತಿದೆ.
ಹೂಡಿಕೆಯ ಅವಧಿ: ಈ ಯೋಜನೆಯ ಒಟ್ಟು ಅವಧಿ 5 ವರ್ಷಗಳು.
ಕನಿಷ್ಠ ಹೂಡಿಕೆ: ಕೇವಲ ₹1,000 ದಿಂದ ಈ ಖಾತೆ ಆರಂಭಿಸಬಹುದು.
ಗರಿಷ್ಠ ಹೂಡಿಕೆ ಮಿತಿ: ವೈಯಕ್ತಿಕ ಖಾತೆಯಾದರೆ ಗರಿಷ್ಠ ₹9 ಲಕ್ಷ ಮತ್ತು ಜಂಟಿ (Joint) ಖಾತೆಯಾದರೆ ಗರಿಷ್ಠ ₹15 ಲಕ್ಷ ಹೂಡಿಕೆ ಮಾಡಬಹುದು.
ನೀವು ಪ್ರತಿ ತಿಂಗಳು ₹5,500 ಆದಾಯ ಪಡೆಯಬೇಕೆಂದರೆ, ನಿಮ್ಮ ವೈಯಕ್ತಿಕ ಖಾತೆಯಲ್ಲಿ ಗರಿಷ್ಠ ಮಿತಿಯಾದ ₹9 ಲಕ್ಷ ಹಣವನ್ನು ಒಮ್ಮೆಲೆ ಹೂಡಿಕೆ ಮಾಡಬೇಕು.
₹9 ಲಕ್ಷದ ಮೇಲೆ ಶೇ. 7.40 ರ ದರದಲ್ಲಿ ವರ್ಷಕ್ಕೆ ₹66,600 ಬಡ್ಡಿ ಬರುತ್ತದೆ.
ಇದನ್ನು 12 ತಿಂಗಳಿಗೆ ಭಾಗಿಸಿದರೆ, ಪ್ರತಿ ತಿಂಗಳು ನಿಮಗೆ ಸುಮಾರು ₹5,550 ಬಡ್ಡಿ ಹಣ ಸಿಗುತ್ತದೆ.
ಒಂದು ವೇಳೆ ನೀವು ಜಂಟಿ ಖಾತೆ ತೆರೆದು ₹15 ಲಕ್ಷ ಹೂಡಿಕೆ ಮಾಡಿದರೆ, ಪ್ರತಿ ತಿಂಗಳು ಸುಮಾರು ₹9,250 ಗಳಿಸಬಹುದು.
ಅರ್ಹತೆ ಮತ್ತು ಇತರ ನಿಯಮಗಳು:
- 18 ವರ್ಷ ಮೇಲ್ಪಟ್ಟ ಯಾವುದೇ ಭಾರತೀಯ ನಾಗರಿಕರು ಈ ಖಾತೆ ತೆರೆಯಬಹುದು.
- ಜಂಟಿ ಖಾತೆಯಲ್ಲಿ ಗರಿಷ್ಠ ಮೂವರು ವಯಸ್ಕರಿಗೆ ಅವಕಾಶವಿದೆ.
- ಒಂದು ವರ್ಷದ ಮೊದಲು ಹಣ ಹಿಂಪಡೆಯಲು ಅವಕಾಶವಿಲ್ಲ. ಒಂದು ವೇಳೆ 1 ರಿಂದ 3 ವರ್ಷದೊಳಗೆ ಖಾತೆ ಮುಚ್ಚಿದರೆ ಶೇ. 2 ರಷ್ಟು ಮತ್ತು 3 ವರ್ಷದ ನಂತರ ಮುಚ್ಚಿದರೆ ಶೇ. 1 ರಷ್ಟು ದಂಡ ವಿಧಿಸಲಾಗುತ್ತದೆ.
