ನವದೆಹಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಡಿಸೆಂಬರ್ 17 ರಂದು ಗುಜರಾತ್‌ ನಲ್ಲಿ ಡೈಮಂಡ್ ರಿಸರ್ಚ್ ಅಂಡ್ ಮರ್ಕೆಂಟೈಲ್(ಡ್ರೀಮ್) ನಗರದ ಭಾಗವಾಗಿ ಹೊಸದಾಗಿ ನಿರ್ಮಿಸಲಾದ ಸೂರತ್ ಡೈಮಂಡ್ ಬೋರ್ಸ್(SDB) ಕಟ್ಟಡ ಉದ್ಘಾಟಿಸಲಿದ್ದಾರೆ.
ವಿಶ್ವದ ಅತಿದೊಡ್ಡ ಕಚೇರಿ ಕಟ್ಟಡ ಇದಾಗಿದೆ. ಸೂರತ್ ನಗರದ ಸಮೀಪದ ಖಜೋದ್ ಗ್ರಾಮದ ಬಳಿ ನಿರ್ಮಿಸಲಾಗಿದೆ. ಒಟ್ಟು 135 ವಜ್ರದ ವ್ಯಾಪಾರ ಸಂಸ್ಥೆಗಳು ಮಂಗಳವಾರ ಎಸ್‌ಡಿಬಿಯಲ್ಲಿನ ತಮ್ಮ ಕಚೇರಿಗಳಲ್ಲಿ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದವು.
ಇವರಲ್ಲಿ 26 ವಜ್ರದ ವ್ಯಾಪಾರಿಗಳು ತಮ್ಮ ಕಚೇರಿಗಳನ್ನು ಮುಂಬೈನಿಂದ SDB ಗೆ ಶಾಶ್ವತವಾಗಿ ಸ್ಥಳಾಂತರಿಸಿದರೆ. ಇತರರು ಸೂರತ್ ಮತ್ತು ಗುಜರಾತ್‌ನ ಇತರ ಭಾಗಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು SDB ಯ ಮಾಧ್ಯಮ ಸಂಚಾಲಕಿ ಜಯಂತಿ ನವಾಡಿಯಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಡಿಸೆಂಬರ್ 17 ರಂದು ಪ್ರಧಾನಮಂತ್ರಿಯವರು ಸೂರತ್ ಡೈಮಂಡ್ ಬೋರ್ಸ್ ಉದ್ಘಾಟಿಸಲಿದ್ದಾರೆ ಎಂದು ಅವರು ಹೇಳಿದರು.
ಗುಜರಾತ್‌ನ ಮಾಜಿ ಮುಖ್ಯಮಂತ್ರಿ ಆನಂದಿಬೆನ್ ಪಟೇಲ್ ಅವರು ಫೆಬ್ರವರಿ 2015 ರಲ್ಲಿ ಎಸ್‌ಡಿಬಿ ಮತ್ತು ಡ್ರೀಮ್ ಸಿಟಿ ಯೋಜನೆಯ ಅಡಿಗಲ್ಲು ಸಮಾರಂಭವನ್ನು ನೆರವೇರಿಸಿದ್ದರು. 67 ಲಕ್ಷ ಚದರ ಅಡಿ ನೆಲದ ಜಾಗವನ್ನು ಹೊಂದಿರುವ ಎಸ್‌ಡಿಬಿ ಈಗ ಸುಮಾರು 4,500 ವಜ್ರದ ವ್ಯಾಪಾರ ಕಚೇರಿಗಳನ್ನು ಹೊಂದಿರುವ ವಿಶ್ವದ ಅತಿದೊಡ್ಡ ಕಚೇರಿ ಕಟ್ಟಡವಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.
ಡ್ರೀಮ್ ಸಿಟಿಯೊಳಗೆ 35.54 ಎಕರೆ ಪ್ರದೇಶದಲ್ಲಿ ನಿರ್ಮಿಸಲಾದ ಮೆಗಾ ರಚನೆಯು 300 ಚದರ ಅಡಿಯಿಂದ 1 ಲಕ್ಷ ಚದರ ಅಡಿವರೆಗಿನ ಕಚೇರಿ ಸ್ಥಳಗಳೊಂದಿಗೆ 15 ಮಹಡಿಗಳೊಂದಿಗೆ ಒಂಬತ್ತು ಟವರ್‌ಗಳನ್ನು ಹೊಂದಿದೆ.
