ಉತ್ತರ ಪ್ರದೇಶದ ಸಚಿವ ಸೋಮೇಂದ್ರ ತೋಮರ್ ಅವರ ಸಂಬಂಧಿಯೊಬ್ಬರು ಮೀರತ್ನ ಕಿರಿದಾದ ರಸ್ತೆಯಲ್ಲಿ ಸಂಚಾರದ ಬಗ್ಗೆ ವಾಗ್ವಾದದ ನಂತರ ಹೂವು ಮಾರುವವರೊಂದಿಗೆ ಜಗಳವಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಶನಿವಾರ ಮಧ್ಯಾಹ್ನ ಅಂಗಡಿಐೊಂದರ ಸಿಸಿ ಟಿವಿಯಲ್ಲಿ ಈ ಜಗಳ ಸೆರೆಯಾಗಿದ್ದು, ಆಡಳಿತಾರೂಢ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ಜೊತೆ ಸಂಬಂಧ ಹೊಂದಿದ್ದಾರೆ ಎನ್ನಲಾದ ತೋಮರ್ ಅವರ ಸೋದರಳಿಯ ನಿಖಿಲ್ ತೋಮರ್ ತನ್ನ ಮಹೀಂದ್ರಾ ಸ್ಕಾರ್ಪಿಯೋದಲ್ಲಿ ಹೂವಿನ ಅಂಗಡಿಗಳನ್ನು ಹೊಂದಿರುವ ಜನನಿಬಿಡ ರಸ್ತೆಯಲ್ಲಿ ಪ್ರಯಾಣಿಸುತ್ತಿದ್ದಾಗ ಈ ಘಟನೆ ನಡೆದಿದೆ.
ನಿಖಿಲ್ ಜನದಟ್ಟಣೆಯ ರಸ್ತೆಯಲ್ಲಿ ಸಂಚರಿಸಲು ಪ್ರಯತ್ನಿಸುತ್ತಿದ್ದಾಗ, ಅಂಗಡಿಯ ಹೊರಗೆ ಇರಿಸಲಾದ ಹೂವಿನ ಬೊಕೆಗಳಿಗೆ ಹೊಡೆಯದಂತೆ ಇನ್ನೊಂದು ದಿಕ್ಕಿನಿಂದ ಬರುತ್ತಿದ್ದ ಇ-ರಿಕ್ಷಾ ಚಾಲಕನನ್ನು ನಿಲ್ಲಿಸುವಂತೆ ಮಾಲೀಕರಲ್ಲಿ ಒಬ್ಬರು ಕೇಳಿಕೊಂಡರು ಎನ್ನಲಾಗಿದೆ.
ಒಂದು ನಿಮಿಷಕ್ಕೂ ಹೆಚ್ಚು ಕಾಲ ಆ ಮಾರ್ಗದಲ್ಲಿ ಸಿಲುಕಿಕೊಂಡಿದ್ದ ಮತ್ತು ಸ್ನೇಹಿತನ ಸಹಾಯ ಪಡೆಯುತ್ತಿದ್ದ ನಿಖಿಲ್, ಇ-ರಿಕ್ಷಾ ಚಾಲಕನನ್ನು ಚಲಿಸುವಂತೆ ಕೇಳಿದ್ದು, ನಂತರ ಆತ ಮತ್ತು ಅಂಗಡಿ ಮಾಲೀಕರ ನಡುವೆ ವಾಗ್ವಾದ ನಡೆಯಿತು.
ಕೆಲವೇ ಕ್ಷಣಗಳಲ್ಲಿ, ಅವರ ಮೌಖಿಕ ವಾಗ್ವಾದವು ದೈಹಿಕ ಜಗಳವಾಗಿ ಬದಲಾಯಿತು ಮತ್ತು ಅವರು ಪರಸ್ಪರ ಹೊಡೆದಾಡುತ್ತಾ ಮತ್ತು ಕೂದಲನ್ನು ಎಳೆಯುತ್ತಿರುವುದು ಕಂಡುಬಂತು. ನಿಖಿಲ್ ಮತ್ತು ಆತನ ಸ್ನೇಹಿತ ಕಾರಿನಲ್ಲಿ ತೆರಳುವ ಮೊದಲು ನಾಲ್ಕು ನಿಮಿಷಗಳಿಗೂ ಹೆಚ್ಚು ಕಾಲ ಹೊಡೆದಾಟ ಮುಂದುವರೆಯಿತು.
ನಂತರ ಎರಡೂ ಕಡೆಯವರು ಪೊಲೀಸ್ ಠಾಣೆಗೆ ಹೋದರಾದರೂ ಯಾವುದೇ ಕ್ರಮ ತೆಗೆದುಕೊಳ್ಳದಿರಲು ಪರಸ್ಪರ ನಿರ್ಧರಿಸಿದರು.
