ಬಾರ್‌ ಗಢ: ಒಡಿಶಾದ ಬಾರ್‌ ಗಢ ಪಟ್ಟಣದ ಗಾಂಧಿ ಚೌಕ್‌ ನಲ್ಲಿ ಭಾನುವಾರ ಜನರಿಂದ ಹಣ ವಸೂಲಿ ಮಾಡಲು ಪ್ರತಿಭಟಿಸಿದ ಆರೋಪದ ಮೇಲೆ ಇಬ್ಬರು ಟ್ರಾನ್ಸ್‌ ಜೆಂಡರ್‌ ಗಳು ಪೊಲೀಸ್ ಅಧಿಕಾರಿಯೊಬ್ಬರನ್ನು ಸಾರ್ವಜನಿಕರ ಮುಂದೆಯೇ ಥಳಿಸಿದ್ದಾರೆ.
ಗಾಂಧಿ ಚೌಕ್‌ ನಲ್ಲಿ ಟ್ರಾಫಿಕ್ ಸಿಗ್ನಲ್‌ ಗಾಗಿ ನಿಂತಾಗ ಟ್ರಾನ್ಸ್‌ ಜೆಂಡರ್‌ ಗಳು ಜನರಿಂದ ಬಲವಂತವಾಗಿ ಹಣ ವಸೂಲಿ ಮಾಡುತ್ತಿದ್ದಾರೆ ಎಂದು ಹಲವಾರು ದೂರುಗಳು ಬಂದ ನಂತರ, ಪೊಲೀಸ್ ಸಿಬ್ಬಂದಿಯ ತಂಡವು ವಾಹನದಲ್ಲಿ ಸ್ಥಳಕ್ಕೆ ತಲುಪಿದೆ.
ಪೊಲೀಸ್ ಅಧಿಕಾರಿ ಮಂಗಲ್ ಕಿಸ್ಕೋ ಸಂಚಾರ ಪೋಸ್ಟ್‌ನಲ್ಲಿ ಸಂಚಾರಕ್ಕೆ ತೊಂದರೆಯಾಗುವುದರಿಂದ ಪ್ರಯಾಣಿಕರಿಂದ ಹಣ ಕೇಳದಂತೆ ಸಲಹೆ ನೀಡಿದ್ದಾರೆ. ಈ ವೇಳೆ ಪೊಲೀಸರು ಮತ್ತು ಇಬ್ಬರು ಟ್ರಾನ್ಸ್‌ಜೆಂಡರ್‌ಗಳ ನಡುವೆ ತೀವ್ರ ವಾಗ್ವಾದ ನಡೆದಿದೆ.
ಈ ವಾದದಿಂದ ಕೋಪಗೊಂಡ ಇಬ್ಬರು ಟ್ರಾನ್ಸ್‌ಜೆಂಡರ್‌ಗಳು ಮಂಗಲ್ ಕಿಸ್ಕೋ ಬಳಿಗೆ ಧಾವಿಸಿ ಪೊಲೀಸ್ ವಾಹನದಿಂದ ಹೊರಗೆಳೆದು, ಅವರು ಪೊಲೀಸ್ ಅಧಿಕಾರಿಯಾಗಿದ್ದರೂ ಸಹ ಯಾವುದೇ ಭಯವಿಲ್ಲದೆ ಸಾರ್ವಜನಿಕರ ಮುಂದೆಯೇ ಥಳಿಸಿದ್ದಾರೆ. ಘಟನೆ ನಡೆದ ಸ್ಥಳದ ಬಳಿ ಅಳವಡಿಸಲಾದ ಸಿಸಿಟಿವಿ ಕ್ಯಾಮೆರಾದಲ್ಲಿ ದೃಶ್ಯ ಸೆರೆಯಾಗಿದೆ.
ಟ್ರಾನ್ಸ್‌ಜೆಂಡರ್‌ಗಳಲ್ಲಿ ಒಬ್ಬರು ಘಟನೆಯನ್ನು ಚಿತ್ರೀಕರಿಸುತ್ತಿದ್ದ ವ್ಯಕ್ತಿಯ ನ ಫೋನ್ ಕಸಿದುಕೊಳ್ಳುತ್ತಿರುವುದು ಕಂಡುಬಂದಿದೆ.
ಘಟನೆಯಲ್ಲಿ ಮಂಗಲ್ ಕಿಸ್ಕೋ ಅವರ ಎಡಗೈ ಹೆಬ್ಬೆರಳಿಗೆ ಗಾಯಗಳಾಗಿದ್ದು, ಅವರನ್ನು ಚಿಕಿತ್ಸೆಗಾಗಿ ಬರ್ಗಢ ಹಳೆಯ ಜಿಲ್ಲಾ ಪ್ರಧಾನ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅವರ ಸ್ಥಿತಿ ಈಗ ಸ್ಥಿರವಾಗಿದೆ. ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಹೇಳಲಾಗುವ ಟ್ರಾನ್ಸ್‌ಜೆಂಡರ್‌ಗಳಿಗೆ ಆಸ್ಪತ್ರೆಯಲ್ಲಿ ಔಷಧಿ ನೀಡಲಾಗಿದೆ.
ನಂತರ, ಕರ್ತವ್ಯದಲ್ಲಿದ್ದ ಪೊಲೀಸ್ ಅಧಿಕಾರಿಯ ಮೇಲಿನ ಹಲ್ಲೆಗೆ ಸಂಬಂಧಿಸಿದಂತೆ ವಿಚಾರಣೆಗಾಗಿ ಬರ್ಗಢ ಪಟ್ಟಣ ಪೊಲೀಸರು ಇಬ್ಬರೂ ಟ್ರಾನ್ಸ್‌ಜೆಂಡರ್‌ಗಳನ್ನು ವಶಕ್ಕೆ ಪಡೆದರು.
