ಲೋಕಸಭಾ ಚುನಾವಣೆಗೆ ಮುನ್ನ ಗೃಹ ಸಚಿವಾಲಯ ಸೋಮವಾರ ಪೌರತ್ವ ತಿದ್ದುಪಡಿ ಕಾಯ್ದೆ (ಸಿಎಎ) ಅಡಿಯಲ್ಲಿ ಪೌರತ್ವ ತಿದ್ದುಪಡಿ ನಿಯಮಗಳನ್ನು ಅಧಿಸೂಚನೆ ಹೊರಡಿಸಿದೆ.
ನಿಯಮಗಳ ಆಧಾರದ ಮೇಲೆ, ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನದಲ್ಲಿ ಧಾರ್ಮಿಕ ಆಧಾರದ ಮೇಲೆ ಕಿರುಕುಳ ಎದುರಿಸುತ್ತಿರುವ ಅಲ್ಪಸಂಖ್ಯಾತರು ಭಾರತೀಯ ಪೌರತ್ವವನ್ನು ಪಡೆಯಲು ಸಾಧ್ಯವಾಗುತ್ತದೆ. ಇದರೊಂದಿಗೆ, 2014 ರ ಡಿಸೆಂಬರ್ 31 ರಂದು (ಅಥವಾ) ಭಾರತಕ್ಕೆ ವಲಸೆ ಬಂದ ಹಿಂದೂ, ಸಿಖ್, ಜೈನ, ಕ್ರಿಶ್ಚಿಯನ್, ಬೌದ್ಧ ಮತ್ತು ಪಾರ್ಸಿ ಸಮುದಾಯಗಳಿಗೆ ಸೇರಿದ ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನದ ನಾಗರಿಕರಿಗೆ ಈ ನಿಯಮವು ಪೌರತ್ವ ನೀಡುತ್ತದೆ.
ಭಾರತೀಯ ಪೌರತ್ವಕ್ಕೆ ಅರ್ಜಿ ಸಲ್ಲಿಸುವುದು ಹೇಗೆ..? ಇಲ್ಲಿದೆ ಮಾಹಿತಿ
1) ಮೊದಲು ಈ ವೆಬ್ ಸೈಟ್ ಗೆ ಭೇಟಿ ನೀಡಿ https://indiancitizenshiponline.nic.in/
ಮೊಬೈಲ್ ಅಪ್ಲಿಕೇಶನ್ ಮೂಲಕ ಅರ್ಜಿಗಳನ್ನು ಸಲ್ಲಿಸಲು ಅನುಕೂಲವಾಗುವಂತೆ ಮೊಬೈಲ್ ಅಪ್ಲಿಕೇಶನ್ ‘ಸಿಎಎ -2019’ ಅನ್ನು ಶೀಘ್ರದಲ್ಲೇ ಪ್ರಾರಂಭಿಸಲಾಗುವುದು ಎಂದು ಗೃಹ ಸಚಿವಾಲಯ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ.
2) ಪೇಜ್ ಓಪನ್ ಆದಾಗ ಸ್ಕ್ರಾಲ್ ಡೌನ್ ಮಾಡಿ.
3) ನಂತರ ‘Online Service – Citizenship Amendment Act (CAA)’ ಮೇನ್ ಮೆನು ಕೆಳಗೆ ನೀಡಲಾದ ಮಾಹಿತಿಗಳನ್ನು ಗಮನಿಸಿ. ನಂತರ ನೀವು ‘ Click to Submit Application for Indian Citizenship Under CAA 2019’ ಎಂಬುದರ ಮೇಲೆ ಕ್ಲಿಕ್ ಮಾಡಿ.
4) ಬಳಿಕ ಮತ್ತೊಂದು ವೆಬ್ಪೇಜ್ ಓಪನ್ ಆಗುತ್ತದೆ.ಬಳಿಕ ಇ-ಮೇಲ್ ವಿಳಾಸ / ಮೊಬೈಲ್ ನಂಬರ್ ಎಂಟ್ರಿ ಮಾಡಿ, ಬಳಿಕ ಅಲ್ಲಿ ನೀಡಲಾದ ಕ್ಯಾಪ್ಚಾ ಕೋಡ್ ಎಂಟ್ರಿ ಮಾಡಿ ನಂತರ ಮುಂದುವರೆದುContinue ಕ್ಲಿಕ್ ಮಾಡಿ. ಎರಡಕ್ಕೂ ಒಂದು ಒಟಿಪಿ ಬರುತ್ತದೆ. ಇದನ್ನು ಎಂಟ್ರಿ ಮಾಡಿ. ಇದಾದ ನಂತರ ಹೊಸದೊಂದು ಪೇಜ್ ಓಪನ್ ಆಗುತ್ತದೆ.ಇಲ್ಲಿ ಕೇಳಲಾಗುವ ಮಾಹಿತಿಗಳನ್ನು ಸ್ಪಷ್ಟವಾಗಿ ಓದಿ, ನೋಡಿಕೊಂಡು ಭಾರತೀಯ ಪೌರತ್ವಕ್ಕೆ ಅರ್ಜಿ ಸಲ್ಲಿಸಬಹುದು.
ಅರ್ಹತೆ: ಪೌರತ್ವಕ್ಕಾಗಿ ಯಾರು ಅರ್ಜಿ ಸಲ್ಲಿಸಬಹುದು
1. ವ್ಯಕ್ತಿಯು ಈ ಕೆಳಗಿನ ಯಾವುದಾದರೂ ಒಂದು ದೇಶದ ಪ್ರಜೆಯಾಗಿರಬೇಕು-
ಪಾಕಿಸ್ತಾನ
ಅಫ್ಘಾನಿಸ್ತಾನ
ಬಾಂಗ್ಲಾದೇಶ
2. ವ್ಯಕ್ತಿಯು ಆಯಾ ದೇಶದಲ್ಲಿ ಈ ಕೆಳಗಿನ ಯಾವುದಾದರೂ ಒಂದು ಅಲ್ಪಸಂಖ್ಯಾತ ಸಮುದಾಯಕ್ಕೆ ಸೇರಿದವನು-
ಹಿಂದೂ
ಸಿಖ್
ಜೈನ್
ಬೌದ್ಧ
ಪಾರ್ಸಿ
ಕ್ರಿಶ್ಚಿಯನ್
3. ವ್ಯಕ್ತಿಯು ಡಿಸೆಂಬರ್ 31, 2014 ರಂದು ಅಥವಾ ಅದಕ್ಕೂ ಮೊದಲು ಭಾರತಕ್ಕೆ ಪ್ರವೇಶಿಸಿರಬೇಕು.
4. ನೋಂದಣಿಗಾಗಿ ಅರ್ಜಿ ಸಲ್ಲಿಸುವ ಮೊದಲು ಏಳು ವರ್ಷಗಳ ಕಾಲ ಸಾಮಾನ್ಯವಾಗಿ ಭಾರತದಲ್ಲಿ ವಾಸಿಸುತ್ತಿರುವ ಭಾರತೀಯ ಮೂಲದ ವ್ಯಕ್ತಿ (ಯಾರಾದರೂ ಅಥವಾ ಅವರ ಹೆತ್ತವರಲ್ಲಿ ಒಬ್ಬರು ಅವಿಭಜಿತ ಭಾರತದಲ್ಲಿ ಅಥವಾ ಆಗಸ್ಟ್ 15, 1947 ರ ನಂತರ ಭಾರತದ ಭಾಗವಾದ ಇತರ ಪ್ರದೇಶದಲ್ಲಿ ಜನಿಸಿದ್ದರೆ ಅವರನ್ನು ಭಾರತೀಯ ಮೂಲದವರು ಎಂದು ಪರಿಗಣಿಸಲಾಗುತ್ತದೆ.)
ಸಿಎಎ ನಿಯಮಗಳ ಪ್ರಕಾರ, ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನದಂತಹ ದೇಶಗಳಲ್ಲಿ ಧಾರ್ಮಿಕ ಆಧಾರದ ಮೇಲೆ ದೌರ್ಜನ್ಯ ಮತ್ತು ಕಿರುಕುಳವನ್ನು ಅನುಭವಿಸುವ ಯಾವುದೇ ಹಿಂದೂ, ಸಿಖ್, ಬೌದ್ಧ, ಜೈನ್, ಪಾರ್ಸಿ ಅಥವಾ ಕ್ರಿಶ್ಚಿಯನ್ ಡಿಸೆಂಬರ್ 31, 2014 ಕ್ಕಿಂತ ಮೊದಲು ಭಾರತಕ್ಕೆ ಬಂದವರು ಭಾರತೀಯ ಪೌರತ್ವವನ್ನು ಪಡೆಯಬಹುದು.
