ಪ್ರಯಾಗ್‌ರಾಜ್‌ನಲ್ಲಿ 2025ರ ಮಹಾ ಕುಂಭಮೇಳದ ಯಶಸ್ವಿ ಮುಕ್ತಾಯದ ನಂತರ, ಭಕ್ತರ ಚಿತ್ತ ಈಗ 2027ರ ನಾಸಿಕ್ ಕುಂಭಮೇಳದತ್ತ ನೆಟ್ಟಿದೆ. ಜುಲೈ 17ರಿಂದ ಆಗಸ್ಟ್ 17, 2027ರವರೆಗೆ ಗೋದಾವರಿ ನದಿ ತೀರದ ತ್ರಿಂಬಕೇಶ್ವರದಲ್ಲಿ ಅರ್ಧ ಕುಂಭಮೇಳ ನಡೆಯಲಿದೆ. ಈ ಪವಿತ್ರ ಸಂಗಮಕ್ಕೆ ಲಕ್ಷಾಂತರ ಭಕ್ತರು ಸೇರುವ ನಿರೀಕ್ಷೆಯಿದೆ.
ಮಹಾರಾಷ್ಟ್ರ ಸರ್ಕಾರವು ಈ ಬೃಹತ್ ಧಾರ್ಮಿಕ ಕಾರ್ಯಕ್ರಮಕ್ಕೆ ಸಕಲ ಸಿದ್ಧತೆಗಳನ್ನು ಕೈಗೊಳ್ಳುತ್ತಿದೆ. ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಅವರು ವಿಶೇಷ ಪ್ರಾಧಿಕಾರವನ್ನು ರಚಿಸಲು ನಿರ್ದೇಶಿಸಿದ್ದಾರೆ. ಭಕ್ತರ ಸುರಕ್ಷತೆ ಮತ್ತು ಸೌಕರ್ಯಕ್ಕಾಗಿ ಕೃತಕ ಬುದ್ಧಿಮತ್ತೆ (AI) ಮತ್ತು ಸುಧಾರಿತ ಜನಸಂದಣಿ ನಿರ್ವಹಣಾ ವ್ಯವಸ್ಥೆಗಳನ್ನು ಬಳಸಲಾಗುವುದು. ಪ್ರಯಾಗ್‌ರಾಜ್ ಕುಂಭಮೇಳದ ಅನುಭವಗಳನ್ನು ಆಧರಿಸಿ, ನಾಸಿಕ್ ಕುಂಭಮೇಳವನ್ನು ಇನ್ನಷ್ಟು ಯಶಸ್ವಿಯಾಗಿ ಆಯೋಜಿಸಲು ಅಧಿಕಾರಿಗಳು ಶ್ರಮಿಸುತ್ತಿದ್ದಾರೆ.
ಕುಂಭಮೇಳವು ಭಾರತದ ಪ್ರಾಚೀನ ಸಂಸ್ಕೃತಿಯ ಪ್ರತೀಕ. ಋಗ್ವೇದದಲ್ಲಿ ಉಲ್ಲೇಖವಾಗಿರುವ ಈ ಪವಿತ್ರ ಆಚರಣೆಯು ಸಮುದ್ರ ಮಂಥನದ ಪುರಾಣಕ್ಕೆ ಸಂಬಂಧಿಸಿದೆ. ಅಮೃತದ ಹನಿಗಳು ಬಿದ್ದ ಸ್ಥಳಗಳಲ್ಲಿ ಕುಂಭಮೇಳ ನಡೆಯುತ್ತದೆ. ಪ್ರಯಾಗ್‌ರಾಜ್, ಹರಿದ್ವಾರ, ನಾಸಿಕ್ ಮತ್ತು ಉಜ್ಜಯಿನಿ ಈ ಪವಿತ್ರ ಸ್ಥಳಗಳಾಗಿವೆ.
ಕುಂಭಮೇಳದ ವಿಧಗಳು:
- ಕುಂಭಮೇಳ – ಪ್ರತಿ 4 ವರ್ಷಗಳಿಗೊಮ್ಮೆ
- ಅರ್ಧ ಕುಂಭಮೇಳ – ಪ್ರತಿ 6 ವರ್ಷಗಳಿಗೊಮ್ಮೆ
- ಪೂರ್ಣ ಕುಂಭಮೇಳ – ಪ್ರತಿ 12 ವರ್ಷಗಳಿಗೊಮ್ಮೆ
- ಮಹಾ ಕುಂಭಮೇಳ – ಪ್ರತಿ 144 ವರ್ಷಗಳಿಗೊಮ್ಮೆ
ಪ್ರಯಾಗ್‌ರಾಜ್‌ನಲ್ಲಿ ನಡೆದದ್ದು ಮಹಾ ಕುಂಭಮೇಳ. ಈಗ ಭಕ್ತರ ಕಣ್ಣು 2027ರ ಅರ್ಧ ಕುಂಭಮೇಳದ ಮೇಲೆ ನೆಟ್ಟಿದೆ. ನಾಸಿಕ್ ಕುಂಭಮೇಳವು ಭಕ್ತರಲ್ಲಿ ಭಕ್ತಿಭಾವ ಮತ್ತು ಉತ್ಸಾಹವನ್ನು ಹೆಚ್ಚಿಸಿದೆ.
महाकुंभ संपन्न हुआ…एकता का महायज्ञ संपन्न हुआ। प्रयागराज में एकता के महाकुंभ में पूरे 45 दिनों तक जिस प्रकार 140 करोड़ देशवासियों की आस्था एक साथ, एक समय में इस एक पर्व से आकर जुड़ी, वो अभिभूत करता है! महाकुंभ के पूर्ण होने पर जो विचार मन में आए, उन्हें मैंने कलमबद्ध करने का… pic.twitter.com/TgzdUuzuGI
— Narendra Modi (@narendramodi) February 27, 2025
Loading ...
