ಇತ್ತೀಚಿನ ದಿನಗಳಲ್ಲಿ ಥೈರಾಯ್ಡ್ ಸಮಸ್ಯೆ ಹೆಚ್ಚಾಗ್ತಿದೆ. ಪುರುಷರಿಗಿಂತ ಮಹಿಳೆಯಲ್ಲಿ ಸಮಸ್ಯೆ ಉಲ್ಬಣಿಸಿದೆ. ಇದನ್ನು ಸೈಲೆಂಟ್ ಕಿಲ್ಲರ್ ಎಂದು ಕರೆಯಲಾಗ್ತಿದೆ. ಥೈರಾಯ್ಡ್ ಒಂದು ರೀತಿಯ ಗ್ರಂಥಿಯಾಗಿದ್ದು, ಅದು ಕುತ್ತಿಗೆಯ ಮುಂಭಾಗದಲ್ಲಿದೆ. ಈ ಗ್ರಂಥಿ, ದೇಹದ ಚಯಾಪಚಯ ಕ್ರಿಯೆಯನ್ನು ನಿಯಂತ್ರಿಸುತ್ತದೆ. ಆರಂಭಿಕ ಲಕ್ಷಣಗಳನ್ನು ತಿಳಿದು ತಕ್ಷಣ ಚಿಕಿತ್ಸೆ ಶುರು ಮಾಡಿದಲ್ಲಿ ಇದನ್ನು ನಿಯಂತ್ರಿಸಬಹುದು.
ಸುಸ್ತು : ಥೈರಾಯ್ಡ್ ನ ಸಾಮಾನ್ಯ ಲಕ್ಷಣವೆಂದರೆ ಸುಸ್ತು. ಥೈರಾಯ್ಡ್ ಹಾರ್ಮೋನ್ ಶಕ್ತಿಯನ್ನು ನಿಯಂತ್ರಿಸುತ್ತದೆ. ಹಾಗಾಗಿ ಹೆಚ್ಚು ಸುಸ್ತಾಗಲು ಪ್ರಾರಂಭವಾಗುತ್ತದೆ.
ತ್ವರಿತ ತೂಕ ಹೆಚ್ಚಳ : ಯಾವುದೇ ಕಾರಣವಿಲ್ಲದೆ ತೂಕ, ವೇಗವಾಗಿ ಹೆಚ್ಚಾಗಲು ಶುರುವಾಗುತ್ತದೆ. ಇದು ಥೈರಾಯ್ಡ್ ಸಂಕೇತವಾಗಿದೆ. ಥೈರಾಯ್ಡ್ ಮಟ್ಟ ಕಡಿಮೆಯಾದಾಗ ಚಯಾಪಚಯ ಸರಿಯಾಗುವುದಿಲ್ಲ. ಇದರಿಂದಾಗಿ ತೂಕ ಹೆಚ್ಚಾಗಲು ಕಾರಣವಾಗುತ್ತದೆ.
ಸ್ನಾಯು, ಕೀಲುಗಳ ನೋವು : ಥೈರಾಯ್ಡ್ ಶುರುವಾದಾಗ ಸ್ನಾಯುವಿನ ಬಲ ಕಡಿಮೆಯಾಗುತ್ತದೆ. ಈ ಕಾರಣದಿಂದಾಗಿ ಹೆಚ್ಚು ದೌರ್ಬಲ್ಯ ಮತ್ತು ನೋವು ಕಾಣಿಸಿಕೊಳ್ಳುತ್ತದೆ.
ಕೂದಲು ಉದುರುವಿಕೆ : ಯಾವುದೇ ಕಾರಣವಿಲ್ಲದೆ ಕೂದಲು ವೇಗವಾಗಿ ಉದುರುತ್ತಿದ್ದರೆ, ಇದು ಥೈರಾಯ್ಡ್ ನ ಲಕ್ಷಣವೂ ಆಗಿರಬಹುದು. ಒಂದು ಅಧ್ಯಯನದ ಪ್ರಕಾರ, ಥೈರಾಯ್ಡ್ ನಿಂದಾಗಿ ಥೈರಾಯ್ಡ್ ಹಾರ್ಮೋನುಗಳು ಕಡಿಮೆಯಾಗುತ್ತವೆ. ಇದರಿಂದ ಕೂದಲು ಉದುರುವ ಸಮಸ್ಯೆ ಉಂಟಾಗುತ್ತದೆ.
ಹೆಚ್ಚು ಒತ್ತಡ: ಥೈರಾಯ್ಡ್ ನ ಲಕ್ಷಣಗಳಲ್ಲಿ ಒತ್ತಡವೂ ಒಂದು. ಪುರುಷರಿಗಿಂತ ಮಹಿಳೆಯರು ಒತ್ತಡದ ಸಮಸ್ಯೆಗಳಿಗೆ ಹೆಚ್ಚು ಒಳಗಾಗುತ್ತಾರೆ.
ಥೈರಾಯ್ಡ್ ಗೆ ಅಯೋಡಿನ್ ಕೊರತೆ, ಆನುವಂಶಿಕ, ವಿಕಿರಣ ಚಿಕಿತ್ಸೆ, ಉದ್ವೇಗ, ಅತಿಯಾದ ಔಷಧ ಬಳಕೆ, ಮೊನೊಪಾಸ್, ಗರ್ಭಧಾರಣೆ ಕಾರಣವಾಗುತ್ತದೆ.
Loading ...
